Kechki ta’lim-2 fakulteti tyutori Azimova Hulkar tashabbusi bilan 1-kurs talabalari o‘rtasida “Siz tarixni bilasizmi?” mavzusida intellektual o‘yin tashkil etildi.
Musobaqada 5 ta jamoa ishtirok etib, ishtirokchilarga tarix, ona tili va adabiyot, san’at, madaniyat, geografiya, fan-texnika hamda mantiqiy fikrlashga oid turli savollar berildi.

Intellektual bahslar davomida talabalar o‘z bilimlari, topqirligi, tezkorligi hamda jamoada ishlash ko‘nikmalarini namoyish etdilar. Ishtirokchilar faol qatnashib, bir-birlarini qo‘llab-quvvatlagan holda qiziqarli va mazmunli bellashuv olib bordilar.

Yakuniy natijalarga ko‘ra, "Menejment" jamoasi 1-o‘rinni egalladi.
Mazkur intellektual o‘yin talabalarning bilim va dunyoqarashini kengaytirish, mantiqiy fikrlash qobiliyatini rivojlantirish hamda bo‘sh vaqtini mazmunli tashkil etishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakulteti tyutorlari tashabbusi bilan talabalarning bo‘sh vaqtini mazmunli tashkil etish, kitobxonlik madaniyatini oshirish hamda axborot-kutubxona resurslaridan foydalanish imkoniyatlarini kengaytirish maqsadida A.S.Pushkin nomidagi Samarqand viloyat axborot-kutubxona markaziga ekskursiya uyushtirildi.

Ekskursiya davomida talabalar kutubxonaning faoliyati, mavjud adabiyotlar va elektron axborot resurslari bilan yaqindan tanishdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-2 fakulteti tyutorlari tomonidan talaba-yoshlarning kitobxonlik madaniyatini yuksaltirish, ularning ma’naviy dunyoqarashini kengaytirish hamda mutolaa orqali mustaqil fikrlash ko‘nikmalarini rivojlantirish maqsadida “Men o‘qigan kitob” mavzusida davra suhbati tashkil etildi.

Tadbir davomida talabalar o‘zlari o‘qigan kitoblar haqida fikr va taassurotlarini o‘rtoqlashdilar. Mazkur ma’rifiy tadbir yoshlar o‘rtasida kitobxonlikni targ‘ib qilish va mutolaa madaniyatini rivojlantirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti  iqtisodiyot fakulteti tyutorlari tashabbusi "Yoshlar kuni" doirasida "Buyuk ipak yo‘li: O‘zbekiston va Xitoyning oltin merosi" ko‘rgazmasiga ekskursiya qilishdi.

Tashrif davomida talabalar muzey ekspozitsiyalari bilan tanishib, yurtimizning boy tarixi, madaniy merosi va qadimiy an’analari haqida ko‘plab qiziqarli ma’lumotlarga ega bo‘lishdi.

🌟🌟🌟🌟🌟🌟🌟🌟🌟