Samarqand iqtisodiyot va servis instituti kechki ta’lim-2 fakulteti tyutorlari tomonidan talaba-yoshlarning kitobxonlik madaniyatini yuksaltirish, ularning ma’naviy dunyoqarashini kengaytirish hamda mutolaa orqali mustaqil fikrlash ko‘nikmalarini rivojlantirish maqsadida “Men o‘qigan kitob” mavzusida davra suhbati tashkil etildi.

Tadbir davomida talabalar o‘zlari o‘qigan kitoblar haqida fikr va taassurotlarini o‘rtoqlashdilar. Mazkur ma’rifiy tadbir yoshlar o‘rtasida kitobxonlikni targ‘ib qilish va mutolaa madaniyatini rivojlantirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti  iqtisodiyot fakulteti tyutorlari tashabbusi "Yoshlar kuni" doirasida "Buyuk ipak yo‘li: O‘zbekiston va Xitoyning oltin merosi" ko‘rgazmasiga ekskursiya qilishdi.

Tashrif davomida talabalar muzey ekspozitsiyalari bilan tanishib, yurtimizning boy tarixi, madaniy merosi va qadimiy an’analari haqida ko‘plab qiziqarli ma’lumotlarga ega bo‘lishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti tyutorlari tashabbusi bilan 1-bosqich talabalari o‘rtasida "Talabalik oltin davrim" mavzusida “Student party” musiqiy kechasi tashkil etildi.

Tadbir yoshlarning bo‘sh vaqtini mazmunli tashkil etish, ularning ijodiy qobiliyatlarini rivojlantirish, milliy musiqa va san’atga bo‘lgan qiziqishini oshirish hamda talabalar o‘rtasida do‘stona muhitni mustahkamlash maqsadida o‘tkazildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutining kechki ta’lim-2 fakulteti tyutorlari tashabbusi bilan talaba-yoshlar o‘rtasida “Biz giyohvandlikka qarshimiz!” mavzusida davra suhbati tashkil etildi.

Tadbir davomida giyohvandlikning inson salomatligi, oilaviy muhit va jamiyat taraqqiyotiga salbiy ta’siri, shuningdek, uning oldini olishda yoshlarning mas’uliyati haqida fikr almashildi. Talabalarga zararli odatlardan yiroq bo‘lish, sog‘lom turmush tarziga amal qilish hamda bo‘sh vaqtlarini mazmunli tashkil etish yuzasidan tavsiyalar berildi.

Shuningdek, yoshlarning huquqiy savodxonligini oshirish, hushyorlikni kuchaytirish va giyohvandlikka nisbatan murosasiz munosabatni shakllantirish masalalariga alohida e’tibor qaratildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutorlari tashabbusi bilan talabalarning bo‘sh vaqtlarini mazmunli tashkil etish hamda ichki turizmni rivojlantirish maqsadida Samarqand shahridagi Oʻzbekiston madaniyati va sanʼati tarixi davlat muzeyiga tashrif uyushtirildi.

Tashrif davomida talabalar muzey fondida saqlanayotgan III–IV asrlarga oid haykaltaroshlik namunalarini, “Mustaqillik” ekspozitsiyasi, “Oʻzbekiston – dunyo madaniyatlari chorrahasida”, “Oʻzbekistonda temirchilik tarixi va metallga badiiy ishlov berish sanʼati”, “Markaziy Osiyoda yozuv paydo bo‘lish tarixi”, “Oʻzbekiston tasviriy sanʼat durdonalari”, “Nafis matolar jilosi”, “Oʻzbekistonda anʼanaviy milliy kiyinish madaniyati”, “Oʻzbekiston kashtachilik sanʼati”, “Zargarlik sanʼati” hamda Amir Temur maqbarasini o‘rganish tarixiga bag‘ishlangan bo‘limlar bilan yaqindan tanishdilar.

🌟🌟🌟🌟🌟🌟🌟🌟🌟