#SamISI95 #ekskursiya

Servis fakulteti talabalari muzeyga tashrif buyurishdi

Samarqand iqtisodiyot va servis instituti servis fakulteti tyutorlari tashabbusi bilan talabalarning bo‘sh vaqtlarini mazmunli tashkil etish hamda ichki turizmni rivojlantirish maqsadida Samarqand shahridagi Oʻzbekiston madaniyati va sanʼati tarixi davlat muzeyiga tashrif uyushtirildi.

Tashrif davomida talabalar muzey fondida saqlanayotgan III–IV asrlarga oid haykaltaroshlik namunalarini, “Mustaqillik” ekspozitsiyasi, “Oʻzbekiston – dunyo madaniyatlari chorrahasida”, “Oʻzbekistonda temirchilik tarixi va metallga badiiy ishlov berish sanʼati”, “Markaziy Osiyoda yozuv paydo bo‘lish tarixi”, “Oʻzbekiston tasviriy sanʼat durdonalari”, “Nafis matolar jilosi”, “Oʻzbekistonda anʼanaviy milliy kiyinish madaniyati”, “Oʻzbekiston kashtachilik sanʼati”, “Zargarlik sanʼati” hamda Amir Temur maqbarasini o‘rganish tarixiga bag‘ishlangan bo‘limlar bilan yaqindan tanishdilar.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Zakovat

Xalqaro iqtisodiy munosabatlar fakultetida “Zakovat” intellektual o‘yini bo‘lib o‘tdi

Samarqand iqtisodiyot va servis instituti xalqaro iqtisodiy munosabatlar fakulteti talabalarini boʻsh vaqtlarini mazmunli tashkil etish hamda intellektual bilimlarini yanada oshirish maqsadida fakulteti tyutorlari hamda koordinatori tashabbusi bilan “Zakovat” intellektual oʻyini oʻtkazildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Donorlik_aksiyasi

Iqtisodiyot fakultetida “Birga hayotni saqlaymiz” nomli milliy donorlik aksiyasi tashkil etildi

Aksiya davomida talaba-yoshlarga qon topshirishning ahamiyati, uning inson hayotini saqlab qolishdagi o‘rni haqida batafsil ma’lumotlar berildi. Mutaxassislar tomonidan donorlikning foydasi va xavfsizligi tushuntirilib, ishtirokchilar o‘zlarini qiziqtirgan savollarga javob oldilar.

Tadbirda ko‘ngillilar faol ishtirok etib, bemorlar hayotini saqlab qolishga o‘z hissalarini qo‘shish maqsadida donorlik qilishdi. Mazkur tashabbus talaba-yoshlar orasida saxovat, fuqarolik mas’uliyati va sog‘lom jamiyat g‘oyalarini keng targ‘ib etishga xizmat qiladigan muhim ijtimoiy loyiha sifatida alohida ahamiyat kasb etadi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#davra_suhbati

Talabalar turar joyida talaba-qizlar ishtirokida davra suhbati o‘tkazildi

Samarqand iqtisodiyot va servis instituti talabalar turar joyida bank-moliya xizmatlari fakulteti tyutori F.Murodimova tashabbusi bilan talaba-qizlar ishtirokida davra suhbati tashkil etildi.

Suhbat davomida talabalarga talabalar turar joyining ichki tartib-qoidalariga rioya qilish, yashash xonalarida ozodalikka e’tibor qaratish, o‘zaro hurmat va muomala madaniyatiga amal qilish yuzasidan tushunchalar berildi. Shuningdek, talaba-qizlarning bo‘sh vaqtlarini mazmunli tashkil etish, kitob mutolaasiga qiziqishlarini oshirish hamda kitobxonlik tadbirlarida faol ishtirok etishlari muhimligi ta’kidlandi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Students_party

Xalqaro iqtisodiy munosabatlar fakultetida “Student’s Party” tadbiri tashkil etildi

Samarqand iqtisodiyot va servis instituti xalqaro iqtisodiy munosabatlar fakulteti tyutorlari hamda institut psixologi D.To‘xtamishova hamkorligida “Talabalik — oltin davrim” mavzusida “Student’s Party” tadbiri tashkil etildi.

Tadbir davomida talabalar uchun ko‘ngilochar dasturlar, turli interaktiv mashg‘ulotlar va jamoaviy o‘yinlar tashkil etilib, ularning bo‘sh vaqtini mazmunli o‘tkazish, o‘zaro do‘stona munosabatlarni mustahkamlash hamda ijobiy psixologik muhitni shakllantirishga alohida e’tibor qaratildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞