Samarqand iqtisodiyot va servis instituti buxgalteriya hisobi fakulteti tyutorlari tashabbusi bilan talaba-yoshlar o‘rtasida “Talabalar o‘rtasida kiberjinoyatchilik va internet tahdidlarining oldini olish” mavzusida davra suhbati tashkil etildi.

Suhbat davomida internet va axborot texnologiyalaridan foydalanishda uchrashi mumkin bo‘lgan kiberjinoyatchilik, internet firibgarligi, fishing, soxta akkauntlar, zararli havolalar hamda boshqa kiberxavflar haqida batafsil ma’lumot berildi. Shuningdek, internetdan xavfsiz foydalanish, shaxsiy ma’lumotlarni himoya qilish va turli kiberxavflardan ogoh bo‘lish bo‘yicha tavsiyalar berildi.

🌟🌟🌟🌟🌟🌟🌟🌟🌟

Bank-moliya xizmatlari fakulteti tyutorlari tashabbusi bilan fakultet talabalari ishtirokida “Huquqiy savodxonlikni oshirish va jinoyatchilikning oldini olish” mavzusida seminar-trening tashkil etildi.

Seminar-trening jarayonida jinoyatchilikka olib keluvchi omillar, huquqbuzarliklarning salbiy oqibatlari, yoshlarning turli noqonuniy xatti-harakatlardan o‘zini asrashi hamda qonuniylik va huquqiy madaniyatga rioya qilishning muhim jihatlari yuzasidan fikr-mulohazalar bildirildi.

Shuningdek, talabalarga kundalik hayotda huquqiy bilimlardan to‘g‘ri foydalanish, o‘z huquq va manfaatlarini qonuniy yo‘l bilan himoya qilish, huquqbuzarlik holatlariga befarq bo‘lmaslik hamda bunday holatlarning oldini olishda fuqarolik mas’uliyatining ahamiyati tushuntirildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tomonidan talabalarga “New talents” xalqaro ijodiy tashkiloti tomonidan o‘tkazilayotgan xalqaro tanlovga oliy ta’lim tashkilotlari talaba-yoshlari ishtirokini kengaytirish maqsadida ushbu tashkilot hamda tanlovning mazmun-mohiyati tushuntirildi.

Ishtirokchilar o‘zlarini qiziqtirgan savollarga javob olishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakultetida talabalar o‘rtasida “Inson huquqlari va men” shiori ostida Zakovat quiz intellektual o‘yini o‘tkazildi.

Tadbir davomida talabalar o‘z bilim va mantiqiy fikrlash qobiliyatlarini sinovdan o‘tkazib, inson huquqlari, huquqiy madaniyat hamda fuqarolik mas’uliyatiga oid bilimlarini mustahkamladilar.

🌟🌟🌟🌟🌟🌟🌟🌟🌟

Samarqand iqtisodiyot va servis institutining servis fakulteti 1-bosqich talabalari ishtirokida Iqtisodiy, ijtimoiy va madaniy huquqlar to‘g‘risidagi xalqaro pakt qabul qilinganligining 60 yilligi munosabati bilan davra suhbati tashkil etildi.

Tadbir davomida xalqaro paktning mazmun-mohiyati, unda belgilangan iqtisodiy, ijtimoiy va madaniy huquqlar, shuningdek, inson huquqlarini ta’minlashdagi ahamiyati haqida fikr almashildi.

🌟🌟🌟🌟🌟🌟🌟🌟🌟

Bank-moliya xizmatlari fakultetida  milliy qadriyatlarimizni asrab-avaylash, milliy o‘zlikni anglash va yoshlar qalbida milliy g‘urur tuyg‘usini yanada mustahkamlash maqsadida milliy liboslarda suratga tushish tadbiri tashkil etildi.

Milliy liboslar — xalqimizning ko‘p asrlik tarixi, madaniyati va ma’naviy qadriyatlarini o‘zida mujassam etgan muhim meroslardan biridir. Talabalarning milliy liboslarda ishtirok etishi ularda o‘z milliyligiga hurmat, g‘urur va faxr tuyg‘ularini shakllantirishga xizmat qiladi.

Ushbu tashabbus yoshlar o‘rtasida milliy qadriyatlarimizni targ‘ib qilish, milliy o‘zlikni anglashni kuchaytirish hamda ajdodlarimizdan meros bo‘lib kelayotgan urf-odat va an’analarni asrab-avaylashga qaratildi.

Milliylik — bizning o‘zligimiz, g‘ururimiz va bebaho qadriyatimizdir!

🌟🌟🌟🌟🌟🌟🌟🌟🌟