Samarqand iqtisodiyot va servis institutida bank-moliya xizmatlari fakulteti tyutorlari tashabbusi bilan talabalar ishtirokida “Biz korrupsiyaga qarshimiz!” mavzusida davra suhbati tashkil etildi.

Suhbat davomida talabalarga korrupsiyaning mazmun-mohiyati, uning jamiyat taraqqiyoti va iqtisodiy barqarorlikka salbiy ta’siri, shuningdek, korrupsiyaning oldini olish va unga qarshi kurashish masalalari haqida ma’lumotlar berildi.

Tadbirda korrupsiyaga olib keluvchi omillar va uning salbiy oqibatlari muhokama qilinib, yoshlar o‘rtasida halollik, adolat, qonunlarga hurmat va korrupsiyaga nisbatan murosasiz munosabatni shakllantirish muhimligi ta’kidlandi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakultetida intellektual haftalik doirasida talabalar o‘rtasida “Zakovat Quiz” bahsi bo‘lib o‘tdi.

Mazkur bahs davomida talabalar bilim va tafakkurlarini sinovdan o‘tkazib, o‘zaro do‘stona muhitda bellashdilar. Qiziqarli savollar, jonli muhokamalar va unutilmas emotsiyalar tadbirga o‘zgacha ruh bag‘ishladi.

🌟🌟🌟🌟🌟🌟🌟🌟🌟

Kechki ta’lim-1 fakulteti tyutorlari hamda fakultet koordinatori tashabbusi bilan talabalar uchun “Go‘ri Amir” maqbarasiga ma’naviy-ma’rifiy ekskursiya tashkil etildi.

Tashrif davomida talabalar maqbara hududidagi tarixiy obidalar va ekspozitsiyalar bilan yaqindan tanishdilar. Shuningdek, yurtimizning boy tarixi, milliy-madaniy merosi, qadimiy an’analari hamda ajdodlarimizning ilm-fan va madaniyat rivojiga qo‘shgan hissasi haqida qiziqarli ma’lumotlarga ega bo‘ldilar.
Mazkur ekskursiya talabalarning tarixiy bilimlarini boyitish, milliy merosimizga bo‘lgan hurmatini yanada oshirish hamda bo‘sh vaqtlarini mazmunli tashkil etishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti xalqaro iqtisodiy munosabatlar fakulteti tyutorlari tashabbusi bilan “Milliy qadriyatlar va ularning millat ma’naviyatidagi o‘rni” shiori ostida davra suhbati o‘tkazildi.

Tadbir davomida milliy qadriyatlarning yoshlar tarbiyasidagi ahamiyati, ularni asrab-avaylash va kelajak avlodga yetkazish masalalari yuzasidan fikr va mulohazalar bildirildi.

🌟🌟🌟🌟🌟🌟🌟🌟🌟

Bank-moliya xizmatlari fakulteti tyutorlari tashabbusi bilan “Zakovat” intellektual o‘yini tashkil etildi. Tadbir davomida jamoalar o‘zaro bilim va tafakkurlarini sinovdan o‘tkazib, qizg‘in bahs-munozaralarda faol ishtirok etdilar.

🏆 G‘oliblar:

🥇 Kapital jamoasi
🥈 Moliyachi jamoasi
🥉 Finance jamoasi

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti talabalari tomonidan institutning tarixi, bugungi faoliyati va o‘ziga xos jihatlarini talabalar hamda aholi o‘rtasida keng targ‘ib qilish maqsadida “Institutim — faxrim” shiori ostida kontent tayyorlandi.

Mazkur kontent orqali institutning boy tarixi, ta’lim va ilmiy salohiyati hamda yoshlar uchun yaratilgan imkoniyatlar keng yoritildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakulteti tyutori Sh.Tolibov tashabbusi bilan fakultet talabalarining bo‘sh vaqtini mazmunli tashkil etish, tarixiy bilimlarini boyitish hamda milliy-madaniy merosimizga bo‘lgan hurmatini yanada oshirish maqsadida “Go‘ri Amir” maqbarasiga ma’naviy-ma’rifiy ekskursiya tashkil etildi.

Tashrif davomida talabalar “Go‘ri Amir” maqbarasining tarixi, me’moriy tuzilishi va ushbu maskandagi tarixiy obidalar bilan yaqindan tanishdilar.

🌟🌟🌟🌟🌟🌟🌟🌟🌟