Samarqand iqtisodiyot va servis instituti xalqaro iqtisodiy munosabatlar fakulteti tyutorlari tashabbusi bilan “Milliy qadriyatlar va ularning millat ma’naviyatidagi o‘rni” shiori ostida davra suhbati o‘tkazildi.

Tadbir davomida milliy qadriyatlarning yoshlar tarbiyasidagi ahamiyati, ularni asrab-avaylash va kelajak avlodga yetkazish masalalari yuzasidan fikr va mulohazalar bildirildi.

🌟🌟🌟🌟🌟🌟🌟🌟🌟

Bank-moliya xizmatlari fakulteti tyutorlari tashabbusi bilan “Zakovat” intellektual o‘yini tashkil etildi. Tadbir davomida jamoalar o‘zaro bilim va tafakkurlarini sinovdan o‘tkazib, qizg‘in bahs-munozaralarda faol ishtirok etdilar.

🏆 G‘oliblar:

🥇 Kapital jamoasi
🥈 Moliyachi jamoasi
🥉 Finance jamoasi

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti talabalari tomonidan institutning tarixi, bugungi faoliyati va o‘ziga xos jihatlarini talabalar hamda aholi o‘rtasida keng targ‘ib qilish maqsadida “Institutim — faxrim” shiori ostida kontent tayyorlandi.

Mazkur kontent orqali institutning boy tarixi, ta’lim va ilmiy salohiyati hamda yoshlar uchun yaratilgan imkoniyatlar keng yoritildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakulteti tyutori Sh.Tolibov tashabbusi bilan fakultet talabalarining bo‘sh vaqtini mazmunli tashkil etish, tarixiy bilimlarini boyitish hamda milliy-madaniy merosimizga bo‘lgan hurmatini yanada oshirish maqsadida “Go‘ri Amir” maqbarasiga ma’naviy-ma’rifiy ekskursiya tashkil etildi.

Tashrif davomida talabalar “Go‘ri Amir” maqbarasining tarixi, me’moriy tuzilishi va ushbu maskandagi tarixiy obidalar bilan yaqindan tanishdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti psixologi D.To‘xtamisheva tomonidan 1-oktabr — O‘qituvchi va murabbiylar kuni munosabati bilan talabalar ishtirokida “Tilaklar gulchambari — ustozimga” mavzusida psixologik aksiya tashkil etildi.

Aksiya davomida talabalar ustoz va murabbiylarga bo‘lgan samimiy tilaklari, minnatdorlik va ezgu istaklarini ifoda etdilar. Tadbir yoshlarning ustozlarga hurmatini yanada mustahkamlash hamda ijobiy psixologik muhit yaratishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-2 fakultetida talaba-o‘quvchilarning “Korrupsiyaga qarshi kurashish virtual akademiyasi” elektron platformasida maxsus dasturlar asosida ta’lim olishlarini tashkil etish bo‘yicha davra suhbati o‘tkazildi.

Davra suhbatida platformadan foydalanish tartibi, unda taqdim etilgan o‘quv dasturlari hamda korrupsiyaga qarshi kurashish bo‘yicha bilimlarni oshirishning ahamiyati haqida tushunchalar berildi.

🌟🌟🌟🌟🌟🌟🌟🌟🌟

Xususan, institut xodimlari hamda talabalar ishtirokida “Sog‘lom hayot uchun 5000 qadam” shiori ostida yurish marafoni bo‘lib o‘tdi. Mazkur marafonda 200 nafardan ortiq ishtirokchilar faol qatnashdi.

Marafon davomida sog‘lom turmush tarzini targ‘ib qilish, jamoada ijobiy muhitni shakllantirish, jismoniy faollikni oshirish hamda sportga bo‘lgan qiziqishni yanada kuchaytirishga alohida e’tibor qaratildi.

Bunday sport tadbirlari institut jamoasi o‘rtasida sog‘lom muhitni mustahkamlash, jismoniy tarbiya va sportni ommalashtirish hamda yoshlarni faol va sog‘lom hayot tarziga jalb etishda muhim ahamiyat kasb etmoqda.

🌟🌟🌟🌟🌟🌟🌟🌟🌟