Samarqand iqtisodiyot va servis instituti psixologi D.To‘xtamisheva tomonidan 1-oktabr — O‘qituvchi va murabbiylar kuni munosabati bilan talabalar ishtirokida “Tilaklar gulchambari — ustozimga” mavzusida psixologik aksiya tashkil etildi.

Aksiya davomida talabalar ustoz va murabbiylarga bo‘lgan samimiy tilaklari, minnatdorlik va ezgu istaklarini ifoda etdilar. Tadbir yoshlarning ustozlarga hurmatini yanada mustahkamlash hamda ijobiy psixologik muhit yaratishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-2 fakultetida talaba-o‘quvchilarning “Korrupsiyaga qarshi kurashish virtual akademiyasi” elektron platformasida maxsus dasturlar asosida ta’lim olishlarini tashkil etish bo‘yicha davra suhbati o‘tkazildi.

Davra suhbatida platformadan foydalanish tartibi, unda taqdim etilgan o‘quv dasturlari hamda korrupsiyaga qarshi kurashish bo‘yicha bilimlarni oshirishning ahamiyati haqida tushunchalar berildi.

🌟🌟🌟🌟🌟🌟🌟🌟🌟

Xususan, institut xodimlari hamda talabalar ishtirokida “Sog‘lom hayot uchun 5000 qadam” shiori ostida yurish marafoni bo‘lib o‘tdi. Mazkur marafonda 200 nafardan ortiq ishtirokchilar faol qatnashdi.

Marafon davomida sog‘lom turmush tarzini targ‘ib qilish, jamoada ijobiy muhitni shakllantirish, jismoniy faollikni oshirish hamda sportga bo‘lgan qiziqishni yanada kuchaytirishga alohida e’tibor qaratildi.

Bunday sport tadbirlari institut jamoasi o‘rtasida sog‘lom muhitni mustahkamlash, jismoniy tarbiya va sportni ommalashtirish hamda yoshlarni faol va sog‘lom hayot tarziga jalb etishda muhim ahamiyat kasb etmoqda.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti tyutorlari tashabbusi bilan yoshlar o‘rtasida erta turmushning oldini olish, oilaviy mas’uliyatni anglash hamda qarindosh-urug‘lar o‘rtasidagi nikohlarning salbiy oqibatlari haqida tushunchalarni kengaytirishga qaratilgan davra suhbati tashkil etildi.

Suhbat davomida yoshlarga oila qurishda mas’uliyatli yondashish, nikohning huquqiy va ijtimoiy jihatlari, shuningdek, qarindoshlar o‘rtasidagi nikohning mumkin bo‘lgan salbiy oqibatlari haqida tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida haftaning har chorshanba kuni “Sport kuni” etib belilangani munosabati bilan keng qamrovli sport va sog‘lomlashtirish tadbirlari tashkil etilmoqda.

Xususan, erta tongdan institutda talabalar ishtirokida badantarbiya mashqlari o‘tkazildi. Mashg‘ulot davomida ishtirokchilarga jismoniy faollikning ahamiyati, mashqlarni to‘g‘ri va xavfsiz bajarish bo‘yicha tavsiyalar berildi.

🌟🌟🌟🌟🌟🌟🌟🌟🌟