Samarqand iqtisodiyot va servis instituti servis fakultetida "Ma'rifat ulashib" loyihasi doirasidaShodmon Sulaymon va Alisher Boymurodovlar hayoti va ijodi haqida davra suhbati o'tkazildi.

Davra suhbati davomida so‘zga chiqqanlar Shodmon Sulaymon ijodining xalqchil ruhi, sodda va samimiy ifodasi bilan kitobxonlar qalbidan chuqur o‘rin egallagani va insoniylik kabi yuksak qadriyatlarni ulug‘lashdagi o‘rni haqida fikr bildirdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-2 fakulteti tyutorlari tashabbusi bilan talaba-yoshlar uchun Samarqand shahrining diqqatga sazovor joylariga ekskursiya tashkil etildi.

Ekskursiya davomida talabalar Samarqandning boy tarixi, madaniy merosi va qadimiy obidalari bilan yaqindan tanishdilar. Mazkur tashrif talabalarning tarixiy-madaniy merosga bo‘lgan qiziqishini oshirish, bo‘sh vaqtlarini mazmunli tashkil etish hamda ularning dunyoqarashini kengaytirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakultetida "Ma'rifat ulashib" loyihasi doirasida Alisher Boymurodov hayoti va ijodi haqida davra suhbati o'tkazildi.

Davra suhbati davomida so‘zga chiqqanlar Shodmon Sulaymon ijodining xalqchil ruhi, sodda va samimiy ifodasi bilan kitobxonlar qalbidan chuqur o‘rin egallagani va insoniylik kabi yuksak qadriyatlarni ulug‘lashdagi o‘rni haqida fikr bildirdilar.

🌟🌟🌟🌟🌟🌟🌟🌟🌟

Buxgalteriya hisobi fakultetida “Qatag‘on qurbonlarini xotiralash” haftaligi doirasida talaba-yoshlarga ma’rifatparvar adib, pedagog va jamoat arbobi Abdulla Avloniyning hayoti va ijodiga bag‘ishlangan badiiy film namoyish etildi.

Film orqali talabalar Abdulla Avloniyning ma’rifatparvarlik faoliyati, milliy ta’lim va adabiyot rivojiga qo‘shgan hissasi, xalqni ilm-ma’rifatga chorlagan ezgu g‘oyalari bilan yaqindan tanishdilar.

Mazkur tadbir yoshlarning tarixiy xotirasini mustahkamlash, qatag‘on davri qurbonlari va milliy ma’rifatparvarlar merosini chuqurroq o‘rganish, shuningdek, talabalarda milliy o‘zlik va vatanparvarlik tuyg‘ularini yanada rivojlantirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida bank-moliya xizmatlari fakulteti tyutori F.Murodimova o‘ziga biriktirilgan talabalar bilan birgalikda “El-yurt umidi” jamg‘armasi vakillari ishtirokidagi anjumanda qatnashdi.

Tashrif davomida talabalarga xorijiy davlatlarning nufuzli oliy ta’lim muassasalarida ta’lim olish, ilmiy-tadqiqot faoliyatini olib borish hamda malaka oshirish imkoniyatlari haqida ma’lumotlar berildi.

Shuningdek, “El-yurt umidi” jamg‘armasi tomonidan yaratilayotgan imkoniyatlar, stipendiya va grant dasturlari, ularda ishtirok etish talablari yuzasidan tushunchalar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti o‘zbek tili va adabiyoti kafedrasi katta o‘qituvchisi T.Chernova tomonidan “Rus tili va adabiyoti” to‘garagining navbatdagi mashg‘uloti o‘tkazildi.

Mashg‘ulot davomida to‘garak a’zolari bilan samimiy suhbat tashkil etilib, yangi o‘quv yili uchun belgilangan ish rejasi hamda o‘tkazilishi rejalashtirilgan tadbirlar atroflicha muhokama qilindi.

🌟🌟🌟🌟🌟🌟🌟🌟🌟