Buxgalteriya hisobi fakultetida “Qatag‘on qurbonlarini xotiralash” haftaligi doirasida talaba-yoshlarga ma’rifatparvar adib, pedagog va jamoat arbobi Abdulla Avloniyning hayoti va ijodiga bag‘ishlangan badiiy film namoyish etildi.

Film orqali talabalar Abdulla Avloniyning ma’rifatparvarlik faoliyati, milliy ta’lim va adabiyot rivojiga qo‘shgan hissasi, xalqni ilm-ma’rifatga chorlagan ezgu g‘oyalari bilan yaqindan tanishdilar.

Mazkur tadbir yoshlarning tarixiy xotirasini mustahkamlash, qatag‘on davri qurbonlari va milliy ma’rifatparvarlar merosini chuqurroq o‘rganish, shuningdek, talabalarda milliy o‘zlik va vatanparvarlik tuyg‘ularini yanada rivojlantirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida bank-moliya xizmatlari fakulteti tyutori F.Murodimova o‘ziga biriktirilgan talabalar bilan birgalikda “El-yurt umidi” jamg‘armasi vakillari ishtirokidagi anjumanda qatnashdi.

Tashrif davomida talabalarga xorijiy davlatlarning nufuzli oliy ta’lim muassasalarida ta’lim olish, ilmiy-tadqiqot faoliyatini olib borish hamda malaka oshirish imkoniyatlari haqida ma’lumotlar berildi.

Shuningdek, “El-yurt umidi” jamg‘armasi tomonidan yaratilayotgan imkoniyatlar, stipendiya va grant dasturlari, ularda ishtirok etish talablari yuzasidan tushunchalar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti o‘zbek tili va adabiyoti kafedrasi katta o‘qituvchisi T.Chernova tomonidan “Rus tili va adabiyoti” to‘garagining navbatdagi mashg‘uloti o‘tkazildi.

Mashg‘ulot davomida to‘garak a’zolari bilan samimiy suhbat tashkil etilib, yangi o‘quv yili uchun belgilangan ish rejasi hamda o‘tkazilishi rejalashtirilgan tadbirlar atroflicha muhokama qilindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutori O.Jo‘raqulov tomonidan “Jadidlar: tugallanmagan hikoya” mavzusida davra suhbati o‘tkazildi.

Suhbat davomida talabalarga o‘zbek xalqining buyuk tarixiy shaxslari, jadidlarning ma’rifatparvarlik g‘oyalari hamda ularning millat taraqqiyotiga qo‘shgan hissasi haqida batafsil ma’lumot berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakulteti tyutorlari fakultet talabalari bilan birgalikda "Qatagʻon qurbonlari" muzeyiga tashrif buyurdi.

Mazkur sayohat talabalarning milliy qadriyatlarimiz, tarixiy merosimiz va yurtimizning boy madaniyati haqidagi bilimlarini yanada boyitish, shuningdek, ularning bo‘sh vaqtini mazmunli tashkil etish maqsadida o‘tkazildi. Sayohat davomida talabalar uy-muzeyi haqida qiziqarli ma’lumotlarga ega bo‘lib, unutilmas taassurotlar oldilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-1 fakultetida chekish va zararli odatlarning oldini olish, talabalar o‘rtasida sog‘lom turmush tarzini targ‘ib qilish hamda “Sog‘lom hudud” maqomini joriy etish maqsadida talabalar o‘rtasida mini-futbol musobaqasi o‘tkazildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutori G.Hamidova tomonidan “Tyutorlik faoliyatida samarali muloqot, talabalar bilan individual ishlash mexanizmlari hamda zamonaviy pedagogik yondashuvlar” mavzusida mahorat darsi o‘tkazildi.

Suhbat davomida tyutorlik faoliyatini samarali tashkil etish, talabalar bilan individual ishlash, samarali muloqot o‘rnatish hamda muammoli vaziyatlarda to‘g‘ri yondashuvni tanlash bo‘yicha fikr va tavsiyalar berildi.

🌟🌟🌟🌟🌟🌟🌟🌟🌟