Samarqand iqtisodiyot va servis instituti o‘zbek tili va adabiyoti kafedrasi katta o‘qituvchisi T.Chernova tomonidan “Rus tili va adabiyoti” to‘garagining navbatdagi mashg‘uloti o‘tkazildi.

Mashg‘ulot davomida to‘garak a’zolari bilan samimiy suhbat tashkil etilib, yangi o‘quv yili uchun belgilangan ish rejasi hamda o‘tkazilishi rejalashtirilgan tadbirlar atroflicha muhokama qilindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutori O.Jo‘raqulov tomonidan “Jadidlar: tugallanmagan hikoya” mavzusida davra suhbati o‘tkazildi.

Suhbat davomida talabalarga o‘zbek xalqining buyuk tarixiy shaxslari, jadidlarning ma’rifatparvarlik g‘oyalari hamda ularning millat taraqqiyotiga qo‘shgan hissasi haqida batafsil ma’lumot berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakulteti tyutorlari fakultet talabalari bilan birgalikda "Qatagʻon qurbonlari" muzeyiga tashrif buyurdi.

Mazkur sayohat talabalarning milliy qadriyatlarimiz, tarixiy merosimiz va yurtimizning boy madaniyati haqidagi bilimlarini yanada boyitish, shuningdek, ularning bo‘sh vaqtini mazmunli tashkil etish maqsadida o‘tkazildi. Sayohat davomida talabalar uy-muzeyi haqida qiziqarli ma’lumotlarga ega bo‘lib, unutilmas taassurotlar oldilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim-1 fakultetida chekish va zararli odatlarning oldini olish, talabalar o‘rtasida sog‘lom turmush tarzini targ‘ib qilish hamda “Sog‘lom hudud” maqomini joriy etish maqsadida talabalar o‘rtasida mini-futbol musobaqasi o‘tkazildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutori G.Hamidova tomonidan “Tyutorlik faoliyatida samarali muloqot, talabalar bilan individual ishlash mexanizmlari hamda zamonaviy pedagogik yondashuvlar” mavzusida mahorat darsi o‘tkazildi.

Suhbat davomida tyutorlik faoliyatini samarali tashkil etish, talabalar bilan individual ishlash, samarali muloqot o‘rnatish hamda muammoli vaziyatlarda to‘g‘ri yondashuvni tanlash bo‘yicha fikr va tavsiyalar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti axborot texnologiyalari kafedrasi assistenti T.Karimov tomonidan talabalarga “Besh million sun’iy intellekt yetakchilari” loyihasi doirasida mashg‘ulot o‘tkazildi.

Mashg‘ulot davomida talabalarga aileaders.uz platformasidagi sun’iy intellekt yo‘nalishidagi bepul va professional kurslar, ularda ishtirok etish imkoniyatlari hamda platformadan samarali foydalanish bo‘yicha ma’lumotlar berildi. Talabalarni mazkur platformadagi kurslarga keng jalb etish va sun’iy intellekt bo‘yicha bilimlarini oshirishga alohida e’tibor qaratildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakultetida O‘zbekiston yoshlar diplomatiya markazining Samarqand viloyatidagi tadbirlari doirasida talabalar uchun yoshlar diplomatiyasiga bag‘ishlangan mahorat darsi tashkil etildi.

Master-klass davomida talabalarga diplomatiya, xalqaro hamkorlik, muzokara olib borish, samarali muloqot va strategik fikrlash bo‘yicha amaliy tushunchalar berildi. Shuningdek, yosh diplomatlar akademiyasi hamda O‘zbekiston yoshlar diplomatiya markazining loyihalarida ishtirok etish imkoniyatlari haqida ma’lumot berildi.

🌟🌟🌟🌟🌟🌟🌟🌟🌟