Samarqand iqtisodiyot va servis instituti buxgalteriya hisobi fakultetida O‘zbekiston yoshlar diplomatiya markazining Samarqand viloyatidagi tadbirlari doirasida talabalar uchun yoshlar diplomatiyasiga bag‘ishlangan mahorat darsi tashkil etildi.

Master-klass davomida talabalarga diplomatiya, xalqaro hamkorlik, muzokara olib borish, samarali muloqot va strategik fikrlash bo‘yicha amaliy tushunchalar berildi. Shuningdek, yosh diplomatlar akademiyasi hamda O‘zbekiston yoshlar diplomatiya markazining loyihalarida ishtirok etish imkoniyatlari haqida ma’lumot berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakultetida mashhur yozuvchi Paulo Koeloning jahon bestselleriga aylangan “Alkimyogar” asari muhokamasiga bag‘ishlangan adabiy kecha tashkil etildi.

Tadbir davomida talabalar asar yuzasidan fikr almashdilar. Shuningdek, ular o‘rtasida Kahoot intellektual o‘yini ham o‘tkazildi. G‘oliblar diplom hamda esdalik sovg‘alari bilan taqdirlandi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti tyutori M.Nasriddinova tomonidan talabalar turar joyida talaba-qizlar bilan davra suhbati tashkil etildi.

Suhbat davomida talaba-qizlarning yashash sharoitlari, kundalik hayoti, mavjud qulayliklar va muammolari o‘rganildi. Ularning murojaat va takliflari tinglanib, turar joyida ichki tartib-qoidalarga rioya qilish, xonalarni ozoda saqlash, o‘zaro hurmat va muomala madaniyatiga amal qilish yuzasidan tavsiyalar berildi.

Shuningdek, talabalarni qiynayotgan masalalarni o‘rganish hamda zarur hollarda amaliy yordam ko‘rsatish bo‘yicha tegishli vazifalar belgilab olindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakulteti tyutori Sh.Bektemirov tashabbusi bilan “Yoshlar o‘rtasida giyohvandlik va psixotrop moddalar tarqalishining oldini olish” mavzusida davra suhbati tashkil etildi.

Tadbir davomida giyohvandlik va psixotrop moddalarning inson salomatligi hamda kelajagiga salbiy ta’siri, yoshlarni zararli odatlardan asrash va sog‘lom turmush tarziga amal qilishning ahamiyati haqida tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakultetida “Fuqarolarning iqtisodiy, ijtimoiy va madaniy huquqlarini odil sudlov orqali himoya qilish kafolatlari” mavzusida davra suhbati tashkil etildi.

Tadbir davomida fuqarolarning konstitutsiyaviy huquq va erkinliklarini himoya qilish, odil sudlovning ahamiyati, sud orqali huquqlarni tiklash kafolatlari hamda qonun ustuvorligini ta’minlash masalalari muhokama qilindi. Shuningdek, talabalarning huquqiy bilimlarini oshirish va huquqiy madaniyatini yuksaltirishga alohida e’tibor qaratildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida “Besh tashabbus olimpiadasi” doirasida mini-futbol musobaqasi bo‘lib o‘tdi.

Musobaqa davomida jamoalar maydonda o‘zaro kuch sinashib, qizg‘in va murosasiz bahslarda ishtirok etdilar. Talabalar o‘zlarining sport mahorati, jamoaviy hamjihatligi va g‘alabaga bo‘lgan intilishlarini namoyon etdilar.

🌟🌟🌟🌟🌟🌟🌟🌟🌟