Samarqand iqtisodiyot va servis instituti buxgalteriya hisobi fakultetida “Odam savdosiga qarshi kurashish va ushbu jinoyatga qarshi yoshlarda huquqiy immunitetni rivojlantirish” mavzusida davra suhbati tashkil etildi.

Suhbat davomida odam savdosining salbiy oqibatlari, uning oldini olish choralari, yoshlarning huquqiy savodxonligini oshirish hamda turli aldov va noqonuniy takliflardan himoyalanish masalalari muhokama qilindi.

Shuningdek, yoshlarda huquqiy ong va madaniyatni yuksaltirish, inson huquq va erkinliklarini himoya qilish hamda odam savdosiga nisbatan murosasiz munosabatni shakllantirish yuzasidan fikr almashildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida talabalar turar joylarida hamda ijarada yashovchi talabalar o‘rtasida yong‘in xavfsizligi qoidalariga rioya etish bo‘yicha tushuntirish ishlari olib borildi.

Jarayonda talabalarga elektr va gaz jihozlaridan to‘g‘ri foydalanish, elektr tarmoqlarini ortiqcha yuklamaslik, isitish moslamalaridan xavfsiz foydalanish hamda yong‘in kelib chiqishining oldini olish choralari haqida ma’lumot berildi.

Shuningdek, favqulodda vaziyatlarda to‘g‘ri harakat qilish va xavfsizlik qoidalariga qat’iy rioya etish muhimligi ta’kidlandi.aziyatlarda to‘g‘ri harakat qilish va xavfsizlik qoidalariga qat’iy rioya etish muhimligi alohida ta’kidlandi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti menejment va marketing fakulteti marketing kafedrasi professor-o‘qituvchilari hamda fakultet tyutorlari tashabbusi bilan yoshlar kreativ bog‘iga ekskursiya tashkil etildi.

Ekskursiyadan ko‘zlangan maqsad talabalarning bo‘sh vaqtlarini mazmunli tashkil etish, dunyoqarashini kengaytirish, madaniy hordiq chiqarishlari uchun sharoit yaratish hamda o‘zaro do‘stona munosabatlarini mustahkamlashdan iborat bo‘ldi.

Tashrif davomida talabalar bog‘ning o‘ziga xos muhiti, zamonaviy dizayni va dam olish uchun yaratilgan sharoitlari bilan tanishdilar. Ekskursiya ularning o‘zaro muloqotini mustahkamlash, jamoaviylik va ijtimoiy faolligini oshirishga ham xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti tillarni o‘qitish-1 kafedrasi professor-o‘qituvchilari tashabbusi bilan 18-oktabr — Samarqand kuniga bag‘ishlangan davra suhbati tashkil etildi.

Suhbat davomida Samarqand shahrining boy tarixi, betakror me’moriy obidalari va milliy qadriyatlari haqida so‘z yuritildi. Talabalar tomonidan namoyish etilgan chiqishlarda shaharning go‘zalligi, bugungi taraqqiyoti hamda boy ma’naviy merosi aks ettirildi.

🌟🌟🌟🌟🌟🌟🌟🌟🌟

Servis fakulteti tyutorlari tashabbusi bilan talaba-yoshlar o‘rtasida “Yoshlarning iqtisodiy, ijtimoiy va madaniy huquqlari kafolatlari” mavzusida davra suhbati tashkil etildi.
Tadbir davomida yoshlarning ta’lim olish, mehnat qilish, tadbirkorlik faoliyati bilan shug‘ullanish hamda mamlakatimizning madaniy hayotida faol ishtirok etish huquqlari, shuningdek, ushbu huquqlarning qonuniy kafolatlari xususida atroflicha fikr almashildi.
Suhbat interaktiv tarzda o‘tib, talabalar o‘zlarini qiziqtirgan savollarga mutaxassislardan batafsil javoblar olishdi.

🌟🌟🌟🌟🌟🌟🌟🌟🌟