Xabar berganımızdek, O‘ktam Tilavov rahbarligidagi Samarqand viloyati musiqali drama teatri simfonik orkestrining "Romantic Collection” turkumidagi “Sog‘inch” (“Nostalgiya”) nomli yangi konsert dasturi bo‘lib o‘tdi.

Rejissyor Muhammadrasul Mamadaminzoda sahnalashtirgan ushbu musiqiy kechada teatrning mahoratli xonandalari — Dilmurod Rahmatov, Fotima Rahmatova, Marat Sodikov, Bobur Toshtemirov, Shahnoza Mamadaliyeva va Bekzod Majidovlar tomonidan ijro etilgan diltortar qo‘shiqlar hamda mashhur filmlardan saundtreklar tomoshabinlar tomonidan o‘zgacha bir ko‘tarinkilik va davomli olqishlar bilan kutib olindi.

25-oktabr — Ichki ishlar organlari xodimlari kuni munosabati bilan Samarqand viloyati musiqali drama teatri mezbonligida bayram tadbiri tashkil etildi.

Tadbirda Samarqand viloyati hokimi Adiz Boboyev ishtirok etib, ichki ishlar organlari xodimlarini kasb bayrami bilan samimiy muborakbod etdi. Shuningdek, mamlakatimizda tinchlik va osoyishtalikni ta’minlash, jamoat tartibini saqlash, fuqarolar xavfsizligini himoya qilish yo‘lida fidokorona xizmat qilib kelayotgan soha vakillarining mashaqqatli va mas’uliyatli mehnati alohida e’tirof etildi.

Bayram tadbiri davomida xizmat vazifalarini sidqidildan bajarib, o‘zining fidoyiligi, tashabbuskorligi va kasbiy mahorati bilan namuna ko‘rsatgan bir guruh xodimlar viloyat hokimi tomonidan munosib taqdirlandi.

Ko‘tarinki ruhda o‘tgan bayram tadbiri soha xodimlariga ko‘rsatilayotgan yuksak e’tibor va ehtiromning yorqin ifodasi bo‘ldi.Tadbir yakunida ishtirokchilarga sihat-salomatlik, oilaviy baxt, mas’uliyatli va sharafli xizmat faoliyatida ulkan muvaffaqiyatlar tilandi.

Samarqand viloyati musiqali drama teatri ijodkorlari "Uzilgan torlar" nomli yangi spektakl ustida qizg‘in ish olib borishmoqda.Ayni damda asarning ilk tayyorgarlik jarayonlari bosqichi ketmoqda. Teatr repertuaridan  joy olishi kutilayotgan mazkur spektakl yaqin kunlarda tomoshabinlar hukmiga havola etiladi.