Fuqarolar murojaatlari tinglanib, mas’ullarga tegishli ko‘rsatmalar berildi

Samarqand shahar hokimi o‘rinbosari Ra’no Toshniyozova hamda Xalq qabulxonasi bo‘limi mudiri o‘rinbosari Sodiqjon Toshnazarov ishtirokida fuqarolar qabuli tashkil etildi.

Unda fuqarolar tomonidan moddiy yordam ajratish, aliment undirish, kadastr hujjatlarini rasmiylashtirish hamda boshqa ijtimoiy masalalar yuzasidan murojaatlar bildirildi.

Har bir murojaat mas’ullar ishtirokida atroflicha tinglanib, ayrim masalalar bo‘yicha fuqarolarga huquqiy tushuntirishlar berildi. Qo‘shimcha o‘rganish va vaqt talab etadigan murojaatlarning ijrosini ta’minlash yuzasidan mas’ullarga tegishli ko‘rsatmalar berildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Samarqand shahrida “Mini texnologiyalar yarmarkasi” bo‘lib o‘tdi

Shahrimizdagi Alisher Navoiy ko‘chasida Samarqand shahar hokimligi, Biznesni rivojlantirish banki hamda Aloqabank hamkorligida “Mini texnologiyalar yarmarkasi” tashkil etildi.

Unda Samarqand shahar hokimining birinchi o‘rinbosari Hasan Ochilov ishtirok etib, yarmarkada yaratilgan imkoniyatlar va tadbirkorlik tashabbuslarini qo‘llab-quvvatlashga qaratilgan loyihalar bilan tanishdi.

Tadbir davomida ishtirokchilarga kichik biznesni yo‘lga qo‘yish, zamonaviy uskuna va texnologiyalardan foydalanish, imtiyozli lizing xizmatlaridan bahramand bo‘lish hamda moliyaviy ko‘mak olish imkoniyatlari haqida ma’lumotlar berildi. Shuningdek, mutaxassislar tomonidan fuqarolarning savollariga javob berilib, amaliy maslahatlar taqdim etildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook