Shaxmat olimpiadasi: O‘zbekiston amaldagi chempion Hindistonni mag‘lub etdi

O‘zbekiston erkaklar terma jamoasi Samarqandda davom etayotgan 46-Butunjahon shaxmat olimpiadasida g‘alabali yurishini davom ettirdi. Oltinchi turda vakillarimiz amaldagi chempion Hindistonni 2,5:1,5 hisobida mag‘lub etdi.

Mazkur bahsgacha har ikki jamoa beshta turda ham g‘alaba qozonib kelayotgan edi. Shu sababli ularning o‘zaro uchrashuvi turning eng muhim qarama-qarshiliklaridan biriga aylandi.

O‘zbekiston uchun hal qiluvchi ochkoni Nodirbek Yoqubboyev qo‘lga kiritdi. U uchinchi taxtada Nihal Saringa qarshi partiyada raqibining xatosidan foydalanib, g‘alabaga erishdi.

Qolgan uchta partiya durang bilan yakunlandi. Nodirbek Abdusattorov Rameshbabu Praggnanandha bilan ochko bo‘lishdi. Javohir Sindorov Arjun Erigaisiga qarshi murakkab vaziyatda durangni saqlab qoldi. Shamsiddin Vohidov esa amaldagi Jahon chempioni Gukesh Dommaraju bilan murosa qildi.

O‘zbekiston — Hindiston — 2,5:1,5

Nodirbek Abdusattorov — Rameshbabu Praggnanandha — 0,5:0,5
Javohir Sindorov — Arjun Erigaisi — 0,5:0,5
Nodirbek Yoqubboyev — Nihal Sarin — 1:0
Shamsiddin Vohidov — Gukesh Dommaraju — 0,5:0,5

Shu tariqa, O‘zbekiston-1 olti turdan keyin ham yuz foizlik natijani saqlab qoldi. Jamoa 12 ochko bilan turnir jadvalida peshqadamlik qilmoqda.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

AZIM SAMARQAND SHAHRIM, XAYRLI TONG!
➖➖➖➖➖➖➖➖➖

2️⃣2️⃣➖sentabr kuni Samarqand shahri hududida kutilayotgan ob-havo

🌡 +33°, +21°, Ochiq havo

Tong: +25°

Kun:  +33°

Oqshom: +30°

Namlik: 13% 

Shamol: Shimoliy-gʻarbiy, 5.2 m/s

Bosim: 761 mm sim. ust.

Oy: yosh oy

Quyosh chiqishi: 06:16

Quyosh botishi: 18:35

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

🔠🔠🔠 🔠🔠🔠🔠🔠🔠🔠

Qorong'ulikni la'natlab yurgandan ko'ra bitta shamni yoqish osonroq.

✍🏻Konfutsiy

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

1️⃣2️⃣3️⃣4️⃣

✅Pensiya ma’lumotlari — yagona tizimda

📌 Bugungi kunda davlat pensiyasi hamda majburiy va ixtiyoriy jamg‘armalar turli tizimlarda yuritilmoqda.

Shu sababli fuqaro ish staji, to‘langan ijtimoiy soliq, shaxsiy jamg‘armasi, hisoblangan daromad va kutilayotgan jami pensiyasi haqidagi ma’lumotlarni bir joyda ko‘ra olmaydi.

🔹 Taklif etilayotgan yondashuvga ko‘ra, jamg‘arib boriladigan pensiya tizimini Pensiya jamg‘armasi tasarrufiga o‘tkazish, yagona siyosat, yagona hisob va yagona mobil platformani joriy etish nazarda tutilmoqda.

💡 Natijada fuqaro davlat pensiyasi, majburiy va ixtiyoriy jamg‘armalari, hisoblangan daromadi hamda kutilayotgan jami pensiyasi haqidagi ma’lumotlarni yagona tizimda ko‘rishi va zarurat bo‘lsa, jamg‘arish miqdorini oshirish bo‘yicha oldindan qaror qabul qilishi mumkin bo‘ladi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Mehnat sohasida xavfsiz va hurmatga asoslangan ish muhitini ta’minlash dasturi joriy etiladi

“Mehnat sohasida xavfsiz va hurmatga asoslangan ish muhitini ta’minlash chora-tadbirlari to‘g‘risida”gi Prezident qarori (PQ–345-son, 21.09.2026-y.) qabul qilindi.

👍 Qarorga ko‘ra, davlat organlari va tashkilotlarida, ustav kapitalida davlat ulushi 50 foiz va undan ortiq bo‘lgan yuridik shaxslarda hamda ustav kapitalida ushbu yuridik shaxslarning ulushi 50 foiz va undan ortiq bo‘lgan yuridik shaxslarda, shuningdek, mulkchilik shaklidan qat’i nazar boshqa korxona, tashkilot va muassasalarda:

Mehnat sohasida xavfsiz va hurmatga asoslangan ish muhitini ta’minlash dasturi (Dastur) bosqichma-bosqich joriy etiladi.

👍 2026-yil 1-dekabrgacha Boshqaruv samaradorligi agentligining (Agentlik) axborot tizimlarida davlat organlari va tashkilotlari uchun quyidagi imkoniyatlarga ega “Xavfsiz va hurmatga asoslangan ish muhiti” axborot portali (Portal) ishga tushiriladi:

▪️axborot-kommunikatsiya vositalaridan foydalangan holda tazyiq va zo‘ravonlik holatlariga oid murojaatni onlayn qabul qilish;

▪️davlat organlari va tashkilotlarida Portalni yuritish uchun mas’ul xodimlar (mas’ul xodimlar), ularning bevosita rahbarlari yoki davlat organlari va tashkilotlari mansabdor shaxslari tomonidan sodir etilgan tazyiq va zo‘ravonlik holatlari bo‘yicha murojaatlarni avtomatik tarzda davlat organlari va tashkilotlarining yuqori turuvchi instansiyasiga jo‘natish;

▪️tazyiq va zo‘ravonlik holatlari bo‘yicha murojaatlarni tekshirish, dalillarni to‘plash, xulosalar tayyorlash, axborot almashinuvi va muloqotlarni Portal orqali amalga oshirish;

▪️tazyiq va zo‘ravonlik holatlari bo‘yicha tekshiruvlar o‘tkazilishi, ularning natijalari, ko‘rilgan choralar hamda ularning o‘zgartirilishi bilan bog‘liq jarayonlarga oid ma’lumotlarni Portalda saqlab qolish va ularning yo‘q qilinishiga yo‘l qo‘ymaslik;

▪️tazyiq va zo‘ravonlik holatlari bo‘yicha ma’muriy huquqbuzarlik yoki jinoyat alomatlari mavjud bo‘lgan hollarda murojaatlarni “112” yagona dispetcherlik xizmati orqali qonunchilikda belgilangan tartibda vakolatli organga yuborish va boshqalar.

👍Agentlikka davlat organlari va tashkilotlarida Dastur doirasida belgilangan qoidalar aniq va bir xilda ijro etilishini ta’minlash maqsadida Portal orqali monitoring qilish natijasida aniqlangan qoidabuzarliklarni bartaraf etish bo‘yicha ko‘rib chiqilishi majburiy bo‘lgan taqdimnomalar kiritish vakolati beriladi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

1️⃣2️⃣3️⃣4️⃣

📊Pensiyaga kechroq chiqish: qo‘shimcha moliyaviy manfaat

Pensiya yoshiga yetgan, ish haqi yuqori va ishlash imkoniyati bor fuqarolar uchun pensiyaga chiqishni biroz kechiktirish qo‘shimcha moliyaviy manfaat berishi mumkin.

Xususan:
✔️2028-yildan pensiya hisoblashda inobatga olinadigan ish haqi chegarasi 6 million so‘mdan 6 million 600 ming so‘mga oshirilishi nazarda tutilmoqda;
✔️pensiyaga chiqishni 6 oy kechiktirganda hisobga olinadigan ish haqi chegarasi 7 million 100 ming so‘mgacha oshirilib, pensiya miqdori 8 foizga ko‘payishi ko‘zda tutilmoqda;
✔️pensiyaga chiqishni 12 oy kechiktirganda esa ushbu chegara 7 million 600 ming so‘mgacha yetib, pensiya miqdori 15 foizga oshishi mumkin.

Ya’ni, ishlashni davom ettirgan fuqaroning qo‘shimcha mehnati pensiya miqdorida ham aks etishi ko‘zda tutilmoqda.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook