Davlatobod ko‘chasi yangi qiyofaga kirmoqda

Samarqand shahridagi Davlatobod (PUB STREYET) ko‘chasini tunu kun faoliyat yuritadigan zamonaviy maskanga aylantirish bo‘yicha bunyodkorlik va obodonlashtirish ishlari davom etmoqda.

Samarqand shahar rahbari Fazliddin Umarov hududda olib borilayotgan ishlarni ko‘zdan kechirdi. Ko‘chaning zamonaviy qiyofasini yaratish, aholi va mehmonlar uchun qulay muhit shakllantirish hamda savdo-xizmat ko‘rsatish yo‘nalishlarini rivojlantirish masalalariga e’tibor qaratildi.

Shuningdek, ko‘chani 24/7 formatida rivojlantirish, yangi xizmat ko‘rsatish nuqtalarini tashkil etish hamda hududning sayyohlik jozibadorligini oshirish bo‘yicha takliflar muhokama qilindi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Obyekt va xonadoningiz qo‘riqlovini bizga ishoning.
Hoziroq 1131 raqamiga qo‘ng‘iroq qiling va maxsus taklif egasiga aylaning!
— — —
Доверьте нам охрану вашего объекта и квартиры.
Позвоните по номеру 1131 прямо сейчас и станьте обладателем специального предложения!
— — —
Entrust us with the protection of your property and home.
Call 1131 right now and become the owner of a special offer!

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Bozorlarda xavfsizlik, narx-navo va obodonlashtirish masalalari muhokama qilindi

Samarqand shahridagi bozorlar va savdo majmualarida xavfsizlikni ta’minlash, aholi uchun qulay sharoitlar yaratish hamda savdo ob’yektlarini yanada obodonlashtirish masalalariga bag‘ishlangan yig‘ilish o‘tkazildi.

Samarqand shahar hokimining o‘rinbosari Hasan Ochilov hamda bir guruh masʼullar ishtirokida o‘tgan muhokamada bozor va savdo majmualarida yong‘in xavfsizligi talablariga qat’iy rioya etilishini ta’minlash, ehtimoliy yong‘inlarning oldini olish, mavjud kamchiliklarni bartaraf etish hamda bozor ma’muriyatlarining bu boradagi mas’uliyatini yanada oshirish bo‘yicha vazifalar belgilab berildi.

Shuningdek, bozorlarda aholining kundalik ehtiyoji uchun zarur bo‘lgan oziq-ovqat mahsulotlarining narx-navolari ham muhokama qilindi. Xususan, go‘sht, tuxum va boshqa asosiy mahsulotlarni aholiga qulay narxlarda taklif etish maqsadida arzonlashtirilgan yarmarkalarni samarali tashkil etish, ularda mahsulotlar narxining barqarorligini ta’minlash masalalariga alohida e’tibor qaratildi.

Yig‘ilish davomida bozorlar hududini obodonlashtirish, sanitariya holatini yaxshilash, savdo nuqtalari atrofini tartibga keltirish va aholi uchun yanada qulay muhit yaratish yuzasidan ham mas’ullarga tegishli topshiriqlar berildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Shahar rahbari fuqaro murojaati bo‘yicha Bog‘istonga bordi

Kecha Samarqand shahar hokimi Fazliddin Umarovning navbatdagi fuqarolar qabuli o‘tkazilgani haqida xabar bergan edik.

Unda Bog‘iston mahallasida yashovchi Mohichehra Sohibnazarova mahalla hududidagi asfaltlanmagan yo‘lni ta’mirlash va asfaltlash masalasida shahar rahbariga murojaat qilgan edi. Murojaat hokim tomonidan nazoratga olinib, masalani bevosita joyiga chiqqan holda o‘rganish hamda mavjud muammoni bartaraf etish bo‘yicha tegishli choralar ko‘rish belgilangan edi.

Bugun hokim Bog‘iston mahallasida bo‘lib, murojaatchi bilan uchrashdi hamda fuqaroning murojaatida ko‘tarilgan masalani joyida o‘rgandi hududda asfaltlashtirish ishlarini tezkor tashkil etish, yo‘lning holatini yaxshilash va aholi uchun qulay harakatlanish sharoitini yaratish bo‘yicha mas’ullarga aniq vazifalar belgilab berildi.

Shu bilan birga, shahar rahbari mahallaning boshqa hududlarini ham ko‘zdan kechirib, aniqlangan muammolarni bartaraf etish yuzasidan mutasaddilarga tegishli vazifalar berilib, ishlarni belgilangan muddatlarda amalga oshirish va natijadorligini ta’minlash yuklatildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Aichi-Nagoya-2026: samarqandlik eshkak eshuvchilar Shahzod Nurmatov va Sobirjon Safaraliyev Osiyo oʻyinlari chempioni

Yaqinda kattalar oʻrtasidagi jahon chempionatida qoʻlga kiritgan ilk oltin medali bilan tarixda qolgan akademik eshkak eshuvchilarimiz Shahzod Nurmatov va Sobirjon Safaraliyev Yaponiyada o‘tkazilayotgan XX Osiyo oʻyinlarida ham chempion bo‘ldi.

Yengil vaznli sportchilar juftligida (LM2x) ishtirok etgan hamyurtlarimiz marraga birinchi boʻlib yetib keldi va oltin medalga sazovor bo‘ldi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook