🏆 «RAQAMLI MA’RIFAT AKADEMIYASI» LOYIHASI G‘OLIBLARI TAQDIRLANDI

Samarqand shahar hokimligi hamda Respublika Ma’naviyat va ma’rifat markazi Samarqand shahar bo‘linmasi hamkorligida yoshlarning raqamli savodxonligini oshirish, internetdan xavfsiz va oqilona foydalanish ko‘nikmalarini shakllantirishga qaratilgan «Raqamli ma’rifat akademiyasi» loyihasi o‘tkazildi.

Loyiha doirasidagi tanlovda ishtirokchilarning internet madaniyati, raqamli xavfsizlik va axborotdan to‘g‘ri foydalanishga oid videodars hamda videoroliklari baholandi.

🏆 Tanlov g‘oliblari:

⚡ Qudratov Donyor — Samarqand davlat chet tillar instituti o‘qituvchisi;
⚡ Obloqulov Shoim — «Beruniyz zamonaviy onlayn ta’lim» o‘quv markazi xodimi;
⚡ Qudratov Allayor — «Beruniyz zamonaviy onlayn ta’lim» o‘quv markazi xodimi;
⚡ Holmatov Nodir—Samarqand shahridagi Hunarmandlar mahallasi fuqarosi.

🎓 G‘oliblarga diplom va pul vaucherlarni Samarqand shahar hokimligi Tashkiliy-kadrlar bo‘limi boshlig‘i Akbar Qodirov
topshirdi.

«Raqamli ma’rifat akademiyasi» — zamonaviy raqamli muhitda ongli, mas’uliyatli va xavfsiz faoliyat yurituvchi avlodni tarbiyalashga xizmat qiluvchi ma’rifiy loyiha.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

ADLIYA BO‘LIMI FAOLIYATI YUZASIDAN MATBUOT ANJUMANI

Samarqand shahar adliya bo‘limida OAV vakillari, yosh jurnalistlar va faollar ishtirokida matbuot anjumani o‘tkazildi.

Unda bo‘limning 2026-yil 2-choragidagi faoliyati, huquqiy targ‘ibot, fuqarolar murojaatlari bilan ishlash hamda qonun ustuvorligini ta’minlash borasida amalga oshirilgan ishlar yuzasidan ma’lumot berildi.

Hisobot davrida 1 051 ta huquqiy targ‘ibot tadbiri o‘tkazilib, fuqarolardan 158 ta murojaat qabul qilindi. Shuningdek, o‘rganish va monitoringlar davomida 1 941 ta qonunbuzilish holati aniqlandi.

Anjumanda jurnalist va faollarning savollariga mutaxassislar tomonidan javoblar berildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook