Delegatsiya a’zolari Samarqand shahrida

Yurtimizda mehmon bo‘lib turgan "Better Cotton Initiative" tashkiloti katta direktori Iveta Ouvri boshchiligidagi delegatsiya a’zolari Samarqand shahriga keldi.

Mehmonlar shahar bilan tanishuvni Amir Temur maqbarasidan boshladi. Ularga Temuriylar tarixi va buyuk sohibqiron haqida batafsil ma’lumot berildi. Shundan so‘ng delegatsiya a’zolari Siyob dehqon bozori va Bibixonim maqbarasida bo‘lishdi.

Tashrif davomida mehmonlar Samarqanddagi tarixiy obidalar, betakror me’moriy yodgorliklar va diqqatga sazovor joylarni ko‘zdan kechirdilar.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Gulobod ko‘chasida obodonlashtirish ishlari kuchaytiriladi

Samarqand shahrida ko‘chalarini yanada tartibli va ko‘rkam qiyofaga keltirish, aholi hamda piyodalar uchun qulay shahar muhitini yaratish borasidagi ishlar davom etmoqda.

Shu maqsadda shahar rahbari Fazliddin Umarov Gulobod ko‘chasida bo‘lib, hududdagi mavjud holatni o‘rgandi. Xususan, ko‘cha savdosini tartibga solish, noqonuniy savdo nuqtalarini bartaraf etish, piyodalar uchun erkin va xavfsiz harakatlanish imkoniyatini ta’minlash va sanitariya holatini yaxshilash masalalariga alohida e’tibor qaratildi.

Savdo nuqtalarini belgilangan tartib asosida tashkil etish, piyodalar yo‘laklarini to‘sib qo‘yayotgan noqonuniy savdo nuqtalarini tartibga olish, hududni chiqindilardan tozalash va ko‘chaning umumiy qiyofasini yanada obod qilish yuzasidan mas’ullarga tegishli ko‘rsatmalar berildi.

Shuningdek, yashil hududlarni tartibga keltirish, mavjud daraxt va ko‘chatlarni asrab-avaylash, hududni qo‘shimcha ko‘kalamzorlashtirish hamda yashil maydonlarni kengaytirish bo‘yicha ham aniq vazifalar belgilandi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Fuqarolar murojaatlari e’tiborda

Samarqand shahar hokimi o‘rinbosari Ra’no Toshniyozova hamda Xalq qabulxonasi shahar bo‘limi mudiri o‘rinbosari Sodiqjon Toshnazarov tomonidan navbatdagi fuqarolar qabuli o‘tkazildi.

Qabul davomida fuqarolarning turli masalalarga oid murojaatlari tinglanib, ularni hal etish yuzasidan tegishli tushuntirish va tavsiyalar berildi. Qo‘shimcha o‘rganishni talab etadigan murojaatlar mas’ullarga biriktirilib, ijrosi nazoratga olindi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Hududlarda tartib va obodlik – ustuvor vazifa

Samarqand shahrida ko‘chalar va mahallalar qiyofasini yanada obod etish, sanitariya holatini yaxshilash, piyodalar uchun qulay va xavfsiz muhit yaratish borasida olib borilayotgan ishlar Halifa Ibrohim mahallasida davom etdi.

Shahar rahbari Fazliddin Umarov ushbu mahallada bo‘lib, hududdagi mavjud holatni atroflicha o‘rgandi.
Unda ko‘chalarning sanitariya va obodonlashtirish holati, piyodalar harakati uchun yaratilgan sharoitlar, yashil hududlarning holati, yoritish tizimlari kabi qator masalalar ko‘zdan kechirildi.

Aniqlangan kamchiliklarni qisqa muddatlarda bartaraf etish, hududni tozalash, ko‘cha va yo‘laklarni tartibga keltirish, obodonlashtirish ishlarini jadallashtirish yuzasidan mas’ullarga tegishli ko‘rsatmalar berildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook