Gulobod ko‘chasida obodonlashtirish ishlari davom etyapti

Xabar qilganimizdek, shu kunlarda Gulobod ko‘chasini to‘liq obodonlashtirish ishlari amalga oshirilmoqda.

Bugun Samarqand shahar hokimi Fazliddin Umarov ushbu ko‘chadagi ishlarni borishi va mavjud holat bilan tanishib, hududni obodonlashtirish bo‘yicha ilgari surilgan masalalarga birma-bir to‘xtaldi.

Unda noqonuniy savdo nuqtalarini tartibga keltirish, piyodalar harakati uchun qulaylik yaratish hamda yashil hududlarni yanada ko‘kalamzorlashtirish, sanitariya holatini yaxshilash va ko‘cha hududini tozalash yuzasidan mas’ullarga tegishli ko‘rsatmalar berildi.

Shuningdek, mavjud daraxt va ko‘chatlarni asrash hamda ko‘chaning umumiy qiyofasini yanada obod qilish bo‘yicha aniq vazifalar belgilandi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Samarqand shahar hokimining birinchi o‘rinbosari Xasan Ochilov hamda Xalq qabulxonasi shahar bo‘limi mudiri o‘rinbosari Sodiqjon Toshnazarov ishtirokida navbatdagi fuqarolar qabuli o‘tkazildi.

Qabul davomida fuqarolar bandlik, ijtimoiy qo‘llab-quvvatlash, uy-joy, kommunal xizmatlar va boshqa masalalar yuzasidan o‘z murojaatlarini bildirdilar.

Murojaatlar mas’ullar ishtirokida atroflicha ko‘rib chiqilib, fuqarolarga tegishli tushuntirish va tavsiyalar berildi. Qo‘shimcha o‘rganish hamda amaliy choralar ko‘rishni talab etadigan masalalar yuzasidan mas’ullarga tegishli topshiriqlar berilib, ularning ijrosi nazoratga olindi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook