“Rahbar va yoshlar”ning navbatdagi uchrashuvi

Yoshlarni ijtimoiy qo‘llab-quvvatlash, ularning jamiyatdagi faolligini oshirish, sifatli ta’lim olishi, kasb-hunar egallashi hamda bo‘sh vaqtini mazmunli tashkil etishga ko‘maklashish dolzarb masalalardan biridir.

Samarqand viloyati transport boshqarmasida o‘tkazilgan “Rahbar va yoshlar”ning navbatdagi uchrashuvida aynan yuqorida qayd etilgan masalalarga e’tibor qaratildi.

Uchrashuv transport sohasida mehnat qilayotgan yoshlar bilan bo‘lib o‘tdi.

Samimiy va ochiq muloqot ruhida o‘tgan uchrashuv davomida yoshlarning transport sohasini rivojlantirish yuzasidan taklif, tashabbus va murojaatlari tinglanib, ularni qo‘llab-quvvatlash yuzasidan tegishli tavsiyalar berildi.

Shuningdek, mavjud muammolarni hal etish hamda yoshlar tomonidan ilgari surilgan takliflarni amalga oshirish borasida mutasaddilarga vazifa yuklandi.

✈️Telegram |📎Facebook |👚Instagram |🎞YouTube |

6-sonli avtobus yo‘nalishidagi murojaatlar tanqidiy muhokama qilindi

Ijtimoiy tarmoqlardagi sahifalarimiz orqali Samarqand shahridagi 6-sonli “Universitet xiyoboni – Kimyogarlar qo‘rg‘oni” avtobus yo‘nalishida qatnovlar muntazamligini ta’minlash, haydovchilarning muomala madaniyati va xizmat ko‘rsatish sifati yuzasidan bir qator murojaatlar kelib tushgan.

Mazkur murojaatlarda qayd etilgan holatlarni o‘rganish, mavjud kamchiliklarni bartaraf etish hamda jamoat transportida xizmat ko‘rsatish sifatini oshirish maqsadida Samarqand viloyati transport boshqarmasi mas’ul xodimlari tomonidan yo‘nalishda xizmat ko‘rsatuvchi “Samarqand Hamkor Trans” MChJ rahbariyati va haydovchilari ishtirokida tanqidiy muhokama o‘tkazildi.

Muhokama davomida haydovchilar bilan alohida suhbatlar tashkil etilib, yo‘nalish jadvali va harakat sxemasiga, yo‘l harakati qoidalariga qat’iy rioya qilish, yo‘lovchilar bilan xushmuomala bo‘lish hamda avtobus salonining tozaligini ta’minlash zarurligi yuzasidan tushuntirishlar berildi.

Shuningdek, korxona rahbariyatiga har bir haydovchi bilan qo‘shimcha yo‘riqnoma mashg‘ulotlarini o‘tkazish, xizmat intizomini mustahkamlash va yo‘lovchilarga ko‘rsatilayotgan xizmat sifatini yaxshilash bo‘yicha tegishli choralarni ko‘rish vazifasi yuklatildi.

Samarqand shahar jamoat transportida jamoatchilik nazoratini amalga oshirib, mavjud muammo va kamchiliklarni xolis yoritib kelayotgan fuqarolarimizga minnatdorlik bildiramiz.

Yo‘lovchilar fikri va murojaatlari jamoat transporti xizmatlari sifatini oshirishda muhim ahamiyatga ega. Bildirilgan murojaatlar belgilangan tartibda o‘rganilib, aniqlangan kamchiliklarni bartaraf etish bo‘yicha tegishli ishlar davom ettiriladi.

✈️Telegram |📎Facebook |👚Instagram |🎞YouTube |

‼️ Siyosiy-ma’rifat soati: xodimlar ishtirok etdi

📌 Bugun, 16-oktabr kuni Samarqand viloyati Transport boshqarmasi hamda muassislikdagi tashkilotlar xodimlari ishtirokida navbatdagi “Siyosiy-ma’rifat soati” tashkil etildi.

Mashg‘ulot davomida ishtirokchilarga mamlakatimiz va dunyoda yuz berayotgan siyosiy-ijtimoiy voqealar, qonunchilikdagi yangiliklar hamda davlat xizmatchilarining ma’naviy-ma’rifiy dunyoqarashini kengaytirishga qaratilgan dolzarb ma’lumotlar yetkazildi.

✅ Mazkur mashg‘ulotlar xodimlarning siyosiy-huquqiy savodxonligini oshirish, mamlakatda amalga oshirilayotgan islohotlar mazmun-mohiyatini chuqur anglash hamda fuqarolik pozitsiyasini mustahkamlashga xizmat qiladi.

✈️Telegram |📎Facebook |👚Instagram |🎞YouTube |