❗️ IS GAZI VA YONG‘IN XAVFSIZLIGI: OLDINI OLISH CHORALARI MUHOKAMA QILINDI

📍 Samarqand viloyati Qurilish va uy-joy kommunal xo‘jaligi bosh boshqarmasining kichik majlislar zalida O‘zbekiston Respublikasi Vazirlar Mahkamasi bo‘lim boshlig‘i Qahramon Quronboyev hamda viloyat hokimi o‘rinbosari N. Rahmonov rahbarligida videoselektor yig‘ilishi bo‘lib o‘tdi.

➡️ Unda viloyat Favqulodda vaziyatlar boshqarmasi, viloyat Qurilish va uy-joy kommunal xo‘jaligi bosh boshqarmasi hamda tegishli boshqarma va tashkilotlar rahbarlari ishtirok etdi.

➡️ Yig‘ilishda is gazidan zaharlanish, gaz-havo aralashmasining chaqnashi va yong‘inlar bilan bog‘liq noxush holatlarning oldini olish, ayniqsa, kuz-qish mavsumida aholi xonadonlari, ko‘p kvartirali uylar hamda ijtimoiy soha obyektlarida xavfsizlik talablariga qat’iy rioya etish masalalari muhokama qilindi.

➡️ Shuningdek, gaz va elektr jihozlaridan foydalanishda belgilangan xavfsizlik qoidalariga amal qilish, isitish moslamalarining sozligini ta’minlash, dudburon va shamollatish tizimlarini muntazam tekshirish, aniqlangan kamchiliklarni o‘z vaqtida bartaraf etish zarurligi ta’kidlandi.

👍 Mutasaddi tashkilotlar vakillarining axborotlari tinglanib, hududlarda profilaktika va tushuntirish ishlarini kuchaytirish, xavfli holatlarning oldini olish hamda aholi o‘rtasida ogohlikni oshirish yuzasidan vazifalar belgilab olindi.