🚕 Yo‘nalishsiz taksi xizmatida xavfsizlik, sifat va tartib: Viloyatda agregatorlar faoliyati va sohadagi muammolar muhokama qilindi 📢

📱 So‘nggi yillarda raqamli platformalar aholiga qulaylik yaratayotgan bo‘lsada, xizmat ko‘rsatish sifati, yo‘lovchilar xavfsizligi 🛡, soliq intizomi va nazorat bo‘yicha qator dolzarb masalalar yuzaga kelmoqda.

🏛 Samarqand viloyati transport boshqarmasida tashuvchilarga mijozlarni izlash bo‘yicha xizmat ko‘rsatuvchi agregatorlar rahbarlari bilan muloqot o‘tkazildi 🤝.

🌐 Unda ijtimoiy tarmoqlarda haydovchilarning qo‘polligi, avtomobillarning sanitariya holati 🧼 va yo‘l qoidalariga rioya etilmasligi 🚦 bo‘yicha e’tirozlar ortib borayotganligi muhokama qilindi. Agregatorlar faqat buyurtma berish bilan cheklanmay, haydovchilarning kasbiy madaniyati va avtomobil holatini nazorat qilishiga ham e’tibor qaratishi maqsadga muvofiq ekanligi yuzasidan fikr almashildi 💬.

📹 Shuningdek, taksilarga GPS-navigatorlari hamda xavfsizlik nuqtai nazaridan ichki va tashqi videokuzatuv kameralarini o‘rnatish lozimligi haqidagi taklif barcha qatnashchilar tomonidan ma’qullandi ✅.

💡 Yig‘ilishda agregator rahbarlari ham bir qator takliflarni ilgari surdi:
🚘 Avtomobilga reklama/logotip joylashtirish xarajatlari haydovchilarga qo‘shimcha moliyaviy yuk bo‘layotgani sababli narxlarni qayta ko‘rib chiqish yoki bepul asosda amalga oshirish 💸;
📊 Yo‘lkira narxlarining keskin tebranishi e’tirozlarga sabab bo‘layotgani bois, tushunarli tarif siyosatini shakllantirish hamda minimal/maksimal narx chegaralarini belgilash imkoniyatini o‘rganish taklif etildi.

🎯 Yig‘ilish yakunida sohada qonunchilik talablariga rioya etish ⚖️, yo‘lovchilar xavfsizligi hamda xizmat sifatini oshirish ustuvor vazifa deb belgilandi 🏁.

✈️Telegram |📎Facebook |👚Instagram |🎞YouTube |

Samarqand shahrida 12-sonli avtobus yo‘nalishi faoliyati tanqidiy muhokama qilindi 🚌💨

Ijtimoiy tarmoqlarda Samarqand shahridagi 12-sonli avtobus yo‘nalishi bo‘yicha fuqarolardan kelib tushgan murojaatlar — qatnovlar muntazamligi, haydovchilarning muomala madaniyati hamda xizmat ko‘rsatish sifati yuzasidan bildirilgan e’tirozlar Samarqand viloyati transport boshqarmasi mas’ullari tomonidan atroflicha o‘rganib chiqildi. 🔍📋

Ushbu kamchiliklarni bartaraf etish va jamoat transportida xizmat sifatini oshirish maqsadida yo‘nalishga mas’ul “Samarqand Hamkor Trans” MChJ rahbariyati hamda haydovchilari ishtirokida tanqidiy muhokama o‘tkazildi. 👥⚠️

Muhokama jarayonida haydovchilar va korxona rahbariyatiga quyidagi qat’iy talablar qo‘yildi:
📌 Harakat jadvaliga rioya qilish: Yo‘nalish sxemasi hamda oraliq bekatlarda to‘xtab o‘tish tartibini buzmaslik; ⏱️🚏
📌 Yo‘l harakati xavfsizligi: Qoidalarga qat’iy rioya etish va harakat xavfsizligini ta’minlash; 🚦🚘
📌 Xizmat madaniyati va tozalik: Yo‘lovchilar bilan xushmuomala bo‘lish va avtobus salonining sanitariya holatini nazoratga olish; 🤝🧹

📌 Qo‘shimcha yo‘riqnomalar: Korxona rahbariyatiga har bir haydovchi bilan alohida yo‘riqnoma mashg‘ulotlarini o‘tkazish va intizomni mustahkamlash vazifasi yuklatildi. 📚🛠

💬 Jamoat transportida jamoatchilik nazoratini amalga oshirib, mavjud muammolarni xolis yoritib kelayotgan faol fuqarolarimizga o‘z minnatdorchiligimizni bildiramiz!

Yo‘lovchilarning har bir murojaati jamoat transporti sifatini yaxshilashda muhim ahamiyatga ega. Bildirilgan taklif va e’tirozlar bo‘yicha tizimli ishlar davom ettiriladi.

✈️Telegram |📎Facebook |👚Instagram |🎞YouTube |