Viloyat hokimining o‘rinbosari Navro‘z Rahmonov hududlarda olib borilayotgan qurilish, bunyodkorlik va obodonlashtirish ishlarini o‘rgandi.

Dastlab, M-37 “Samarqand–Buxoro–Turkmanboshi” avtomobil yo‘lining 6 kilometridagi ko‘prik ostidan qayrilib olish obyekti ko‘zdan kechirildi. Qurilish-montaj ishlari sifatiga e’tibor qaratish bo‘yicha mas’ullarga tegishli ko‘rsatmalar berdi.

Shundan so‘ng Shirin shaharchasi qurilish shtabida investorlar ishtirokida yig‘ilish o‘tkazildi. Unda qurilishning bugungi holati, ishlar sur’ati va sifat talablari muhokama qilinib, jarayonlarni jadallashtirish yuzasidan tavsiyalar berildi.

Navro‘z Rahmonov shaharchaning infratuzilmasiga oid masalalarni ham ko‘rib chiqib, Shirin shaharchasi zamonaviy bo‘lishi bilan birga, aholiga qulay sharoitlar yaratishi lozimligini ta’kidladi.

Shuningdek, Imom al-Buxoriy majmuasi atrofida amalga oshirilayotgan obodonlashtirish ishlari bilan tanishib, mazkur yo‘nalishdagi faoliyat ham doimiy nazoratda bo‘lishi ta’kidlandi.

74-sonli yo‘nalishdagi avtobuslar Samarqand avtovokzaligacha boradi

74-sonli "Sartepa maskani-Avtovokzal" shahar avtobus yoʻnalishidagi avtobuslar Siyob ABB (Kaptarxona) orqali Rajabamin, Chumchuqli mahallalari orqali M39 avtomobil yoʻli boʻylab Avtovokzalga qadar harakatlanadi.

23 ta yo‘lovchi tashish yo‘nalishlari uchun ochiq elektron tender!

Hurmatli tadbirkorlar!

Aholining jamoat transportiga bo‘lgan ehtiyojini qondirish maqsadida quyidagi yo‘lovchi tashish yo‘nalishlari ochiq elektron tenderga qo‘yildi. Yo‘lovchi tashish sohasida tadbirkorlik bilan shug‘ullanish istagida bo‘lgan barcha yuridik shaxslarni tenderda qatnashish uchun taklif etamiz.

Sohada shaffoflikni ta’minlash maqsadida tender ochiq elektron tarzda 2025-yil 11-noyabr kuni o‘tkaziladi.

Unda qatnashish uchun https://e-tender.uztrans.uz/ elektron manzili orqali 2025-yil 10-noyabr kuni soat 17.00ga qadar yo‘nalishlarga taklif bildirilishi lozim.

Marhamat, tenderda qatnashing va sohada tadbirkorlik qilish orqali daromad ko‘ring.

Tenderga qo‘yilgan lotlar: (fotoga qarang)

Batafsil:

Tadbirkorlar va haydovchilar ishtirokida targ‘ibot-tashviqot tadbiri o‘tkazildi

Bugun tuman hokimi S.Astonov, DXX tuman bo‘linmasi boshlig‘i S.Matyakupov, viloyat transport boshqarmasi boshlig‘i R.Tojiyev hamda mutasaddi tashkilotlar vakillari yo‘lovchi tashish bilan shug‘ullanuvchi haydovchi va tadbirkorlar bilan uchrashdi.

🚌 Tadbirda quyidagi masalalarga alohida e’tibor qaratildi:

Aholiga qulaylik yaratish va tirbandliklarning oldini olish maqsadida Avtoshohbekat faoliyatining yo‘lga qo‘yilgani;

Belgilanmagan joylarda to‘xtashning oldini olish;

Noqonuniy yo‘lovchi tashish holatlariga barham berish.

⚖️ Shuningdek, bu kabi holatlar qonun bilan taqiqlangani va ma’muriy javobgarlikka olib kelishi haqida ogohlantirishlar berildi.

🚧 Tartibni ta’minlash maqsadida yaqin kunlarda yo‘llarga to‘xtashni cheklovchi belgilar o‘rnatilishi rejalashtirilgan.