Samarqand shahrida avtobus bekatlarini yangilash ishlari davom etmoqda.

Loyiha yo‘lovchilar uchun qulay va xavfsiz sharoit yaratish, shuningdek, shahar qiyofasini yanada yangilashga qaratilgan.

Xususan, bolalar xavfsizligini ta’minlash maqsadida “Zafar” restorani yonidagi avtobus bekati 33-maktab yaqiniga ko‘chirildi.
Bekat joylashuvi o‘zgargani yaqin kunlarda avtobus yo‘nalishlari jadvalida ham aks ettiriladi.

Ishlar bosqichma-bosqich amalga oshirilmoqda.

Viloyat mexanizatsiyalash yig‘ma komandasi shay holatga keltirildi

Bugun erta tongda Samarqand viloyat mexanizatsiyalash yig‘ma komandasi to‘liq shay holatga keltirildi. Tadbirda Favqulodda vaziyatlar vaziri birinchi o‘rinbosari – Shtab boshlig‘i S.T.Zuparov, viloyat hokimi o‘rinbosari N.Rahmonov va boshqa mas'ular ishtirok etishdi.

Jarayon davomida har bir tuzilmaning belgilangan vazifalari, ularning ixtiyorida mavjud bo‘lgan kuch va vositalari  ko‘zdan kechirildi. Mutasaddilar tomonidan mavjud imkoniyatlar tahlil qilinib, zarur tavsiyalar berildi.

Shuningdek, barcha texnikalar va maxsus guruhlar maxsus-taktik o‘quv mashqiga safarbar etildi.

Samarqand viloyati Investitsiyalar, sanoat va savdo boshqarmasida Yaponiyaning “National Graduate Institute for Policy Studies” instituti professori Morichi Shigeru boshchiligidagi delegatsiya bilan uchrashuv o‘tkazildi.

Uchrashuv davomida transport va yo‘l infratuzilmasini rivojlantirish, xususan, tez yurar poyezdlar va avtomobil yo‘llari bo‘yicha hamkorlik imkoniyatlari muhokama qilindi.

Shuningdek, o‘zaro tajriba almashish, ilg‘or yapon texnologiyalarini joriy etish, zamonaviy infratuzilma loyihalarini amalga oshirish masalalari yuzasidan taklif va fikrlar almashildi.

Samarqand viloyati transport boshqarmasi mas’ul mutaxassisi tomonidan delegatsiya a’zolariga viloyatdagi transport-logistika salohiyati va istiqbolli loyihalar haqida batafsil ma’lumotlar taqdim etildi.

Bundan tashqari, investorlarga viloyatning sarmoyaviy salohiyati aks ettirilgan hamda “Shirin” aqlli shaharchasi videoroliklari namoyish etilib, qo’shma loyihalarni amalga oshirishning ayni vaqti ekanligi ta’kidlandi.