#Munosabat

Ijtimoiy tarmoqlarda 71-sonli “Siyob ABB-So‘g‘diyona istirohat bog‘i” shahar avtobus yo‘nalishida harakatlanuvchi, davlat raqami 30/591 YAA bo‘lgan transport vositasida yo‘lovchilarga qo‘pol munosabatda bo‘linganligi yuzasidan murojaat tarqaldi.

Mazkur holat viloyat Transport boshqarmasi tomonidan nazoratga olinib, tegishli tartibda tushuntirish ishlari olib borildi.

Jamoat transportida xizmat sifatini oshirish, haydovchi va yo‘lovchilar o‘rtasida kelib chiqayotgan har qanday salbiy munosabatlarga barham berish maqsadida mazkur yo‘nalishda xizmat ko‘rsatuvchi “Samarqand Hamkor Trans” MChJda holat muhokama qilindi. Unda murojaatda qayd etilgan holat bo‘yicha haydovchi va uning tomonidan yollangan yordamchisining xatti-harakatlari tanqidiy-tahlil etildi. Yo‘lovchilarning haqli e’tiroziga sabab bo‘ladigan har qanday holatga barham berish yuzasidan barcha birdek ogohlantirildi.

Batafsil samarqand.mintrans.uz saytida

Asosiy maqsadimiz aholining jamoat transportiga bo‘lgan ehtiyojini qondirish

Viloyatda aholining jamoat transportiga bo‘lgan ehtiyojidan kelib chiqib yo‘nalishlarni tashkil etish va ushbu yo‘nalishlarda avtobuslar harakatini yo‘lga qo‘yish, tashuvlarda xizmat sifatini oshirish maqsadida boshqarma hamda “Yo‘lovchi tashishni nazorat va monitoring qilish” davlat muassasasi xodimlari o‘rtasida kengaytirilgan yig‘ilish o‘tkazildi. Unda Transport vazirligining Avtomobil va jamoat transporti departamenti Jamoat transporti boshqarmasi boshlig‘i R.Boboyev ishtirok etib, amalga oshirilgan ishlar natijadorligini tahlil qildi.

-Bizning asosiy maqsadimiz aholining jamoat transportiga bo‘lgan ehtiyojini qondirish. Viloyat miqyosidagi har bir hudud transport qatnovi bilan qamrab olinishi lozim, dedi R.Boboyev o‘z so‘zida.

Batafsil samarqand.mintrans.uz saytida

#Kibermadaniyatni_oshirish_oyligi

“Samarqand tramvay liniyalarini ekspluatatsiya qilish direksiyasi” DKda “Kiberxavfsizlik oyligi” doirasida xodimlar o‘rtasida kibermadaniyatni oshirishga qaratilgan profilaktik targ‘ibot tadbiri o‘tkazildi.

Tadbir davomida kiberjinoyatlarning oldini olish, internetda xavfsiz harakatlanish va shaxsiy ma’lumotlarni himoya qilish bo‘yicha tavsiyalar berildi.

Jumladan, noma’lum APK (virusli) fayllarni yuklab olmaslik, pul ko‘paytirish yoki tez boyish va’dalariga ishonmaslik — bu firibgarlik bo‘lishi mumkinligi, shubhali havolalar (linklar)ni ochmaslik va boshqalarga yubormaslik, shaxsiy ma’lumotlarni (karta raqami, pasport ma’lumotlari, PIN va kodlar) hech kimga bermaslik, SMS orqali yuborilgan tasdiqlash kodlarini begona shaxslarga ma’lum qilmaslik orqali o‘z o‘zini himoyalash lozimligi tushuntirildi.

Tadbir yakunida kiberxavfsizlikning ahamiyati, shuningdek, internetda mas’uliyatli va ogoh bo‘lish zarurligi yuzasidan tayyorlangan flayerlar tarqatildi.

- Samarqandda jamoat transportida elektron to‘lov tizimi turlari:

📌Bir martalik avtobus QR-chiptasi – uni bekatlarda o‘rnatilgan infokiosklari orqali naqd pul evaziga 2000 so‘mga xarid qilish mumkin. Avtobusga old eshikdan kirishda chiptani validatorning pastki qismida joylashgan skanerga tutish va ekranda yashil “belgi” (✅) paydo bo‘lguncha kutish kerak. Сhipta safar tugaguncha saqlab qo‘yilishi lozim.

📌ATTO transport kartasi – uni istalgan UzPost pochta bo‘limlarida xarid qilish mumkin.

Yo‘l haqi 2000 so‘m, turli tariflarni tanlash imkoniyati (SMS xabarnoma funksiyasi mavjud bo‘lsa), vaqtga bog‘langan tarif tizimi mavjud.

Bir kartadan bir nechta yo‘lovchi uchun to‘lov qilish imkoni yo‘q.

📌Bank kartalari (HUMO, Uzcard, UnionPay, Visa, MasterCard).

Yo‘l haqi 2000 so‘m, bitta karta bilan bir nechta yo‘lovchi uchun to‘lov qilish mumkin.

📌Mobil to‘lov tizimlari (Uzum Bank, Payme, ATTO) – smartfon yordamida.

Hurmatli yo‘lovchilar!

Jamoat transportida tartib, xavfsizlik va o‘zaro hurmatni mustahkamlash maqsadida navbatdagi eslatma kartochkalarini sizga taqdim etamiz. Ushbu eslatmalar kundalik safarda qulaylik yaratishga, har bir yo‘lovchining yo‘l madaniyatini oshirishga xizmat qiladi.

Yo'lkira haqini imkon qadar elektron shaklda amalga oshiring! Bu ham xavfsiz, ham qulay va foydali!