🚌 Jamoat transportida elektron to‘lovning afzalliklari
Elektron to‘lov tizimi yo‘lovchilar va transport xizmatlari uchun ko‘plab qulayliklar yaratadi:
🔹 To‘lov jarayoni tez va oson amalga oshiriladi.
🔹 Naqd pulga ehtiyoj kamayadi.
🔹 To‘lovlar shaffof va nazorat qilinadigan bo‘ladi.
🔹 Transport kartalari, bank kartalari orqali to‘lov qilish imkoniyati mavjud.
🔹 Qog‘oz chiptalar sarfi kamayib, ekologiyaga ijobiy ta’sir ko‘rsatadi.
🔹 Yo‘lovchilarga xizmat ko‘rsatish sifati va transport tizimi samaradorligi oshadi.
💳 Elektron to‘lov — qulay, xavfsiz va zamonaviy transport xizmatlarining ajralmas qismi.

👀 Endilikda my.gov.uz orqali yo‘l harakati qoidabuzarligi uchun javobgarlikni haqiqiy haydovchiga o‘tkazish mumkin

Agar avtomobil boshqa shaxs tomonidan ishonchnoma yoki yaqin qarindoshlik asosida boshqarilayotgan bo‘lsa, jarima ballari avtomobil egasiga emas, aynan haydovchiga hisoblanadi.

➡️Buning uchun my.gov.uz portalidagi “Yo‘l harakati qoidalarini buzganlik uchun javobgarlikni boshqa shaxsga o‘tkazish” xizmatidan foydalaniladi.

📢 JAMOAT TRANSPORTIDA YO‘LOVCHILAR UCHUN MUHIM ESLATMA
Hurmatli yo‘lovchilar!
Jamoat transportidan foydalanishda quyidagi tartib-qoidalarga amal qilishingizni so‘raymiz:
✅ Transport vositasiga navbat bilan chiqing va tushing.
✅ Haydovchining diqqatini chalg‘ituvchi harakatlardan saqlaning.
✅ Yo‘l haqi va elektron to‘lovlarni belgilangan tartibda amalga oshiring.
✅ Keksalar, nogironligi bo‘lgan shaxslar, homilador ayollar hamda yosh bolali fuqarolarga joy bering.
✅ Transport ichida tozalik va ozodalikka rioya qiling.
✅ Favqulodda chiqish eshiklari va xavfsizlik vositalaridan faqat zarurat tug‘ilganda foydalaning.
❌ Transport vositasida chekish, spirtli ichimlik iste’mol qilish va jamoat tartibini buzish taqiqlanadi.
❌ Eshiklar ochilmasdan turib tushishga yoki chiqishga urinmang.
❌ Boshqa yo‘lovchilarga noqulaylik tug‘diruvchi baland ovozli harakatlarga yo‘l qo‘ymang.
🤝 Jamoat transportida o‘zaro hurmat va madaniyat qoidalariga rioya qilish — xavfsiz va qulay safarning muhim garovidir.

🥵 Konditsioner bor-u, nega ishlamayapti?

Samarqanddagi hamma avtobuslar konditsioner bilan jihozlanmagan — bu haqiqat.
Ammo konditsioner mavjud bo‘lgan avtobus salonida ham issiq bo‘lsa, yo‘lovchilarda tabiiy savol tug‘iladi: nega u yoqilmayapti?

Yo‘lovchi tashishni monitoring va nazorat qilish davlat muassasasi xodimlari shu masalani ham tekshirmoqdalar.

Agar konditsioner mavjud bo‘lsa, u ishlashi va ishlatilishi kerak.

Prezidentimiz terma jamoamizning ruhini ko‘tardi:

"Futbolchilarimiz juda katta tajribali jamoaga qarshi kuchli xarakterini ko‘rsatdi. Biz uchun birinchi jahon chempionatida birinchi golimiz - bu ham g‘alaba".

Prezident.uz|Facebook|Instagram|YouTube|X

📢 Ali Qushchi, Sulaymon Buxoriy va Tong ko‘chalari ta’mirlanadi

Samarqand shahrida olib borilayotgan keng kulamli obodonlashtirish-bunyodkorlik va infratuzilmani yanada yaxshilashga qaratilgan ishlar doirasida Sulaymon Buxoriy, Ali Qushchi va Tong ko‘chalarini ham ta’mirlash rejalashtirilgan.

Shu munosabat bilan Samarqand shahar hokimi farmoyish qabul qildi.

Unga ko‘ra, ertaga, 19-iyundan boshlab to ishlar yakunlangunga qadar nomlari keltirilgan ko‘chalarning ishlar olib borilayotgan qismida jamoat tartibi va yo‘l harakati xavfsizligini ta’minlash maqsadida transport vositalarining harakati vaqti-vaqti bilan cheklab boriladi.

🚌 Ta’mirlash ishlari davrida jamoat transporti yo‘nalishlariga tegishli o‘zgartirishlar kiritiladi.

Shu o‘rinda haydovchilardan muqobil yo‘nalishlardan foydalangan holda vaqtincha yuzaga keladigan noqulayliklarni to‘g‘ri qabul qilishlari so‘raladi.

Samarqand shahar hokimligi Axborot xizmati