26-iyun – Giyohvandlikka qarshi kurash xalqaro kuni munosabati bilan Samarqand viloyatida jamoat transporti vositalari ishtirokida targ‘ibot karvoni tashkil etildi.

Tadbirning asosiy maqsadi aholi, ayniqsa yoshlar o‘rtasida sog‘lom turmush tarzini targ‘ib qilish, giyohvandlikning salbiy oqibatlari haqida jamoatchilik xabardorligini oshirishdan iborat bo‘ldi.
Targ‘ibot karvoni davomida jamoat transporti vositalari maxsus banner va targ‘ibot materiallari bilan bezatilib, shahar ko‘chalari bo‘ylab harakatlandi.

Sog‘lom turmush tarzi – farovon kelajak garovi. Giyohvandlikka qarshi kurash – barchamizning umumiy vazifamiz.

🚍 Bu tasodif emas. Bu — jamoat mulkiga ataylab zarar yetkazishdir.

Videoda ko‘rib turganingiz — yangi elektrobus. U davlat mablag‘lari hisobidan xarid qilingan bo‘lib, aholiga zamonaviy, xavfsiz va qulay jamoat transporti xizmatini ko‘rsatish uchun mo‘ljallangan.

Videodagi lavhalar turli avtobuslardan emas — barchasi bitta elektrobus salonida tasvirga olingan. Eng achinarlisi, bu ish kuni yakunida ham emas.

Har bir kesilgan o‘rindiq, har bir tashlab ketilgan axlat — barchamizning mablag‘imiz hisobidan qoplanadigan zarardir. Jamoat transportini asrang. Shahrimizni va boshqalarning mehnatini hurmat qiling.

🎉 27-iyun — Matbuot va ommaviy axborot vositalari xodimlari kuni muborak!

Aziz va qadrli ommaviy axborot vositalari xodimlari!

Sizlarni kasb bayramingiz – Matbuot va ommaviy axborot vositalari xodimlari kuni bilan Samarqand viloyati transport boshqarmasi jamoasi nomidan chin qalbimizdan tabriklaymiz.

Mamlakatimiz taraqqiyoti, jamiyat hayotidagi dolzarb voqealar va amalga oshirilayotgan islohotlarni keng jamoatchilikka tezkor, xolis va haqqoniy yetkazishdagi xizmatlaringiz yuksak e’tirofga loyiqdir.

Sizlarga mustahkam sog‘liq, xonadonlaringizga fayzu baraka, ijodingizga yangi yutuqlar va ulkan zafarlar tilaymiz. Qalamingiz o‘tkir, so‘zingiz ta’sirchan, ijodingiz esa xalqimiz ishonchini qozonishda davom etsin!

🌷 Kasb bayramingiz muborak bo‘lsin!

Samarqand viloyati transport boshqarmasi jamoasi

🚌 Avtobuslarda konduktorlarni kamroq uchratayotganingizni sezdingizmi?

Yaqin vaqtgacha ularni avtobuslarda uchratish mumkin edi. Ular yo‘lovchilarni chaqirar edi va yo‘l haqini naqd pulda yig‘ishardi.

Ammo yo‘l haqini naqd pulsiz to‘lash tizimi joriy etilgach, ularga ehtiyoj yo‘qolib qoldi.

Bugun  yo‘lovchilar yo‘l haqini o‘zlari — bank yoki transport kartasi, QR-bilet yoki mobil ilova orqali to‘laydi.

Agar avtobusda hanuz konduktorga duch kelsak, bu nazoratchilar uchun qoidalarga rioya etilayotganini tekshirishga asosdir.

🚌✨ Qorasuv: transport rivojlanishida yangi qadamlar

Qorasuv massivi — qadimiy Samarqandning eng yosh va jadal rivojlanayotgan hududlaridan biri. Bu yerda yangi turar-joy binolari qurilishi davom etmoqda va aholi soni ortib bormoqda, bu esa qulay jamoat transportiga bo‘lgan ehtiyojni ham oshirmoqda.

🚏 Shu kunlarda hududda yangi avtobus bekatlari hamda 5.12 “Avtobus va trolleybus to‘xtash joyi” yo‘l belgilari o‘rnatildi.

📍 Shaharda transport infratuzilmasini rivojlantirish ishlari davom etmoqda.

#rasmiymunosabat

Ijtimoiy tarmoqlarda e’lon qilingan murojaat (https://www.facebook.com/groups/yasamarkandec3/posts/2341473886379209/)  yuzasidan «Yo‘lovchi tashishni monitoring va nazorat qilish» davlat muassasasining Transport xizmatlari sifatini nazorat qilish bo‘limi xodimlari tomonidan 3-sonli avtobus yo‘nalishida nazorat tadbirlari o‘tkazildi.

Holat joyiga chiqib o‘rganildi.

Tekshiruv davomida konditsioner tizimidan foydalanish talablarini buzgan haydovchilar ogohlantirildi. Tashuvchi korxonaga avtobuslarda konditsionerlarning doimiy ravishda soz va ishlash holatda bo‘lishini ta’minlash hamda kelgusida bunday holatlarga yo‘l qo‘ymaslik yuzasidan tegishli ko‘rsatmalar berildi.

Bildirilgan murojaat va befarq bo‘lmaganingiz uchun minnatdorchilik bildiramiz. Sizning murojaatlaringiz jamoat transporti faoliyatidagi kamchiliklarni o‘z vaqtida aniqlash hamda ularni bartaraf etish choralarini ko‘rishda muhim ahamiyat kasb etadi.

2 iyul — O‘zbekiston Respublikasi davlat Gerbi qabul qilingan kun

Bugun O‘zbekiston Respublikasi Davlat Gerbi qabul qilinganligiga 34 yil to‘ldi.

Maʼlumot oʻrnida:

Oʻzbekiston Respublikasining Davlat gerbi 1992-yil 2-iyul kuni qabul qilingan.

Davlat gerbida:

☀️ Quyosh — farovonlik va hayot timsoli;

🕊️ Humo qushi — baxt, erksevarlik va olijanoblik ramzi;

🌾 Bugʻdoy boshoqlari — moʻl-koʻllik;

🌿 Gʻoʻza shoxlari — mamlakatning boyligi;

⭐ Sakkiz qirrali yulduz, yarim oy va yulduz — milliy qadriyatlar va birlik ramzi sifatida tasvirlangan

.

📢 DIQQAT! RASMIY MA'LUMOT

Ijtimoiy tarmoqlarda Samarqand shahar avtobus yoʻnalishlarida harakatlanayotgan King Long va Asia Star rusumli avtobuslar tomonidan yoʻl harakati qoidabuzarliklari qayd etilib, haydovchilarga jarimalar rasmiylashtirilayotgani haqida xabarlar tarqalmoqda.

Bu esa oʻz navbatida aholining eʼtirozlariga sabab boʻlmoqda.

❌ Mazkur xabarlar haqiqatga toʻgʻri kelmaydi.

Maʼlum qilamizki, ushbu rusumdagi avtobuslarga yoʻl harakati qoidabuzarliklarini avtomatik qayd etuvchi kameralar oʻrnatilmagan.

Ijtimoiy tarmoq faollari va blogerlardan tekshirilmagan hamda asossiz maʼlumotlarni tarqatmaslikni soʻraymiz.

⚖️ Eslatib oʻtamiz, yolgʻon yoki haqiqatga toʻgʻri kelmaydigan axborotlarni tarqatish qonunchilikda belgilangan tartibda javobgarlikka sabab boʻlishi mumkin.

Axborot 24 | Samarqandda 30 million dollarlik yirik logistika markazi qurilmoqda.

💳  Avtobusga chiqishdan oldin kartangizda mablag‘ borligini tekshirib oling.

Yo‘l haqini to‘lash uchun kartada kamida 2 000 so‘m bo‘lishi kerak.

Afsuski, biz muntazam ravishda yo‘lovchilar validatorga balans yetarli bo‘lmagan kartani tekkizadigan holatlarga duch kelamiz. Shundan so‘ng ular yo‘l haqini naqd pulda to‘lashga urinadilar, biroq avtobuslarda amal qilayotgan yo‘l haqini to‘lash tartibi bunga yo‘l qo‘ymaydi.

Iltimos, balansni oldindan tekshirib boring — bu  noqulayliklarning oldini olishga yordam beradi.