Yo‘llar uchun yana 13 ta zamonaviy texnika

Yaxshi yo‘l faqat asfalt bilan emas, uni sifatli yotqizadigan va tekislaydigan texnika bilan ham bog‘liq. Shu bois hududlarda yo‘l ta’mirlash ishlarini zamonaviy texnikalar bilan ta’minlashga alohida e’tibor qaratilmoqda.
O‘zbekiston Respublikasi Prezidentining 2025-yil 26-dekabrdagi PQ-387-son qarori asosida Samarqand viloyatidagi tuman va shahar obodonlashtirish boshqarmalari uchun 13 ta maxsus texnika xarid qilindi.

Ularning 6 tasi asfalt yotqizgich, 7 tasi esa katok.

Yangi texnikalarni foydalanishga topshirish tadbirida viloyat hokimi o‘rinbosari Navro‘z Rahmonov boshchiligidagi mas’ullar ishtirok etdi.

Bu texnikalar, avvalo, yo‘l qurish va ta’mirlash ishlarining o‘z vaqtida bajarilishi, asfalt qoplamasining sifatli yotqizilishi va yo‘llarning yanada tartibli bo‘lishiga xizmat qiladi.

🚌 Jamoat transportida xizmatlar sifati va nazorati kuchaytiriladi:

💳 Elektron to‘lov tizimiga alohida e’tibor qaratiladi.

Samarqand shahridagi 15, 27, 30, 31, 52, 70, 74, 77 hamda 256-sonli yo‘nalishlarda yo‘lovchi tashish xizmatini ko‘rsatuvchi “Marokand Trans 777” MChJda korxona rahbariyati hamda haydovchilar o‘rtasida tanqidiy yig‘ilish o‘tkazildi.

Unda tashuvlarda mas’uliyatni oshirish, amaldagi qonunchilik va belgilangan talablarning qat’iy bajarilishini ta’minlash masalalariga alohida e’tibor qaratildi.

Yig‘ilishda yo‘lkira haqini elektron tarzda qabul qilish amaliyoti joriy etilganiga qaramay, ayrim haydovchilar tomonidan naqd pul qabul qilish holatlari kuzatilayotgani tanqid qilindi.

Shuningdek, korxona rahbariyatiga haydovchilarning tashqi ko‘rinishi va muomala madaniyati, transport vositalarining kunlik texnik ko‘rigi, haydovchilarning tibbiy ko‘rigi hamda yo‘nalish chizmasiga qat’iy rioya etilishi bo‘yicha nazoratni kuchaytirish topshirildi.