“Shirin” shaharchasida yangi ma’muriy markaz qurilishi boshlandi

Samarqandning yangi ma’muriy markazi “Shirin” shaharchasida barpo etiladi. Zamonaviy loyiha asosida bunyod etiladigan markaz qurilishiga start berildi. Shu munosabat bilan o‘tkazilgan tadbirda viloyat hokimi Adiz Boboyev, sektor rahbarlari, jamoatchilik vakillari va nuroniylar ishtirok etdi.

🚌 Jamoat transportida xizmat sifati va xavfsizlik — diqqat markazida!

Aholining e’tirozlariga sabab bo‘layotgan salbiy holatlarga chek qo‘yish, ijtimoiy tarmoqlarda tarqalayotgan murojaatlarga ijobiy yechim topish maqsadida boshqarma xodimlari “Dilshod trans servis” MCHJda bo‘ldi. Unda korxona rahbariyati va haydovchilari o‘rtasida jamoat transporti yuzasidan bildirilayotgan e’tirozlar muhokama qilindi.

Muhokama jarayonida yo‘l harakati qoidalari hamda texnika xavfsizligiga qat'iy rioya etish, yo‘lovchilar bilan xushmuomalada bo‘lish — bugungi kunning asosiy talabi ekanligi ta’kidlandi. Eng asosiysi, haydovchilarni yetarli oylik maoshlari hamda shart-sharoit bilan ta’minlash lozimligi qayd etildi. Bundan tashqari, yo‘lkira haqini naqd pulda yig‘ish amaliyotiga butkul chek qo‘yish aks holda, belgilangan tartibda choralar ko‘rilishi yuzasidan barcha birdek ogohlantirildi.

Asosiy maqsad — yo‘lovchilarga ko‘rsatilayotgan xizmat sifatini yanada yaxshilash va yuzaga kelishi mumkin bo‘lgan muammolarning oldini olish.

Yig‘ilish yakunida mutasaddilar korxonaning kuz-qish mavsumiga tayyorgarligini ko‘zdan kechirishdi. Mavsum uchun yoqilg‘i-moylash mahsulotlari, avtobus shinalari va boshqa ehtiyot qismlarining zaxirasi bilan tanishdi.

Korxona rahbariyatiga tashuvlarda sifat darajasini oshirish va avtotransport vositalarini mavsumga shayligini yana bir bor ko‘zdan kechirish vazifasi yuklatildi.

Sifatli va xavfsiz transport — qulay safar garovidir! 🚍✨