🌟USTOZ VA MURABBIYLARGA EHTIROM — YUKSAK E’ZOZ VA E’TIBOR IFODASI

✅Samarqand tumani "Visol" bazmgohida 1-oktabr — O‘qituvchi va murabbiylar kuni munosabati bilan ta’lim-tarbiya sohasida fidokorona mehnat qilayotgan ustoz va murabbiylarga bag‘ishlangan bayram tadbiri bo‘lib o‘tdi. Tadbir avvalida Samarqand tumani hokimi S.Usmanov barcha o‘qituvchi va murabbiylarni kasb bayrami bilan samimiy muborakbod etdi. Shuningdek, tadbirda Zarafshon va "Самаркандский вестник" gazetalari birlashgan tahririyati bosh muharriri F.Toshev va viloyat maktabgacha va maktab ta'limi boshqarmasi boshlig'i R.Yuldashev so‘zga chiqib, so‘nggi yillarda ta’lim va tarbiya sohasida amalga oshirilayotgan islohotlar, o‘qituvchilar uchun yaratilayotgan sharoit va imkoniyatlar haqida so‘z yuritdilar. Tadbirda yosh avlodga puxta bilim va munosib tarbiya berish, ularning qalbida Vatanga muhabbat, milliy va umuminsoniy qadriyatlarga hurmat tuyg‘ularini shakllantirishdek sharafli vazifani sidqidildan ado etib kelayotgan ustozlarning fidokorona mehnati alohida e’tirof etildi. Shuningdek, so'zga chiqqan rahbarlar ta’lim sifatini yanada oshirish, pedagoglarning jamiyatdagi nufuzini yuksaltirish hamda ular uchun munosib mehnat sharoitlarini yaratish borasidagi ishlar izchil davom ettirilishi ta’kidladilar.

✅Bayram tadbirida ta’lim tizimida ko‘p yillar samarali mehnat qilgan, o‘zining fidoyiligi va tashabbuskorligi bilan yosh avlod kamolotiga munosib hissa qo‘shib kelayotgan ustoz va murabbiylar e’tirof etilib, ularga hurmat va minnatdorlik bildirildi. Tadbir yakunida ustozlar uchun kuy-qo‘shiqlar, badiiy chiqishlar va ko‘tarinki kayfiyat ulashgan bayram dasturi namoyish etildi.

🖌Samarqand tumani maktabgacha va maktab ta’limi bo'limi axborot xizmati

@samtxtb