🇺🇿 SAMARQAND TUMANI YOSHLARI MUHIM UCHRASHUVDA ISHTIROK ETMOQDA

“El-yurt umidi” jamg‘armasi ijrochi direktori G.Ismailova bilan hamkorlikda Samarqand viloyatida o‘tkazilayotgan uchrashuvda Samarqand tumani yoshlari ham faol ishtirok etdilar.

Uchrashuv davomida yoshlar bilan ta’lim olish, xorijiy tillarni o‘rganish, zamonaviy kasb va ko‘nikmalarni egallash hamda xorijda tahsil olish imkoniyatlari yuzasidan fikr almashildi. Shuningdek, yoshlarning bilim va salohiyatini ro‘yobga chiqarish, ularni qo‘llab-quvvatlash hamda kelajakdagi maqsadlariga erishishlari uchun yaratilayotgan imkoniyatlar haqida ma’lumot berildi.

Bunday uchrashuvlar yoshlarning dunyoqarashini kengaytirish, yangi bilim va tajribalar orttirish hamda kelajakdagi maqsadlarini belgilashda muhim ahamiyat kasb etadi.

🌟Samarqand tumani yoshlari — yurt kelajagi yo‘lida izlanishda va intilishda!

🖌Samarqand tumani maktabgacha va maktab ta’limi bo'limi axborot xizmati

samtxtb

🌟🌟🌟🌟🌟🌟🌟

📚 Adabiyot — qalb tarbiyachisi

🌟Samarqand tumani maktabgacha va maktab ta’limi boʻlimi tasarrufidagi 23-umumiy oʻrta taʻlim maktabida O‘zbekiston Yozuvchilar uyushmasi ijodkori Tohir Ochil bilan ijodiy uchrashuv bo‘lib o‘tdi. Uchrashuv davomida o‘quvchilar bilan kitobxonlik, adabiyot va ijodning inson hayotidagi beqiyos o‘rni haqida samimiy va mazmunli suhbat tashkil etildi. Ijodkor o‘zining hayotiy tajribalari, adabiyotga bo‘lgan mehri hamda ijodiy faoliyati haqida qiziqarli fikrlar bilan o‘rtoqlashdi.

📖 Muloqot jarayonida o‘quvchilar o‘zlarini qiziqtirgan savollarga javob olib, kitob mutolaasining inson tafakkuri va dunyoqarashini boyitishdagi ahamiyati haqida yanada ko‘proq ma’lumotga ega bo‘ldilar.

✅Bunday uchrashuvlar yosh avlod qalbida kitobga mehr, adabiyotga qiziqish va ijodkorlikka intilish tuyg‘ularini yanada mustahkamlashga xizmat qiladi.

🖌Samarqand tumani maktabgacha va maktab ta’limi bo'limi axborot xizmati

@samtxtb

🌟Ma’rifat va e’tirof kechasi: sahnada — Mahmudxo‘ja Behbudiy siymosi

📚 Samarqand viloyati musiqali drama teatri ijodiy jamoasi tomonidan millatimiz ma’rifati va taraqqiyoti yo‘lida muhim o‘rin tutgan jadid bobomiz Mahmudxo‘ja Behbudiy hayoti va faoliyatiga bag‘ishlangan “Mahmudxo‘ja Behbudiy” dramatik sahna asari namoyish etildi. Mazmunan boy va ta’sirchan sahna asarida buyuk ma’rifatparvarning hayot yo‘li, milliy taraqqiyot va ma’rifat yo‘lidagi faoliyati badiiy talqin etildi. Mazkur ma’rifiy tadbirda Samarqand tumanidagi 45-umumiy o‘rta ta’lim maktabi o‘quvchilari ham faol ishtirok etib, sahna asarini katta qiziqish bilan tomosha qildilar. Tadbirning asosiy maqsadi — yosh avlodni buyuk ajdodlarimiz, xususan, jadidlar merosi bilan yaqindan tanishtirish, ularda milliy g‘urur, vatanparvarlik va tarixiy xotira tuyg‘ularini mustahkamlash, shuningdek, teatr san’atiga bo‘lgan qiziqishini oshirishdan iborat.

🖼Mazkur dramatik sahna asari o‘quvchilarda katta taassurot qoldirib, ularning tariximiz, milliy ma’rifatparvarlik harakati va jadidlarimizning boy merosiga bo‘lgan qiziqishini yanada oshirdi.

🖌Samarqand tumani maktabgacha va maktab ta’limi bo'limi axborot xizmati

@samtxtb