🌟Ma’rifat va e’tirof kechasi: sahnada — Mahmudxo‘ja Behbudiy siymosi

📚 Samarqand viloyati musiqali drama teatri ijodiy jamoasi tomonidan millatimiz ma’rifati va taraqqiyoti yo‘lida muhim o‘rin tutgan jadid bobomiz Mahmudxo‘ja Behbudiy hayoti va faoliyatiga bag‘ishlangan “Mahmudxo‘ja Behbudiy” dramatik sahna asari namoyish etildi. Mazmunan boy va ta’sirchan sahna asarida buyuk ma’rifatparvarning hayot yo‘li, milliy taraqqiyot va ma’rifat yo‘lidagi faoliyati badiiy talqin etildi. Mazkur ma’rifiy tadbirda Samarqand tumanidagi 45-umumiy o‘rta ta’lim maktabi o‘quvchilari ham faol ishtirok etib, sahna asarini katta qiziqish bilan tomosha qildilar. Tadbirning asosiy maqsadi — yosh avlodni buyuk ajdodlarimiz, xususan, jadidlar merosi bilan yaqindan tanishtirish, ularda milliy g‘urur, vatanparvarlik va tarixiy xotira tuyg‘ularini mustahkamlash, shuningdek, teatr san’atiga bo‘lgan qiziqishini oshirishdan iborat.

🖼Mazkur dramatik sahna asari o‘quvchilarda katta taassurot qoldirib, ularning tariximiz, milliy ma’rifatparvarlik harakati va jadidlarimizning boy merosiga bo‘lgan qiziqishini yanada oshirdi.

🖌Samarqand tumani maktabgacha va maktab ta’limi bo'limi axborot xizmati

@samtxtb

🇺🇿«QATAGʻON QURBONLARI» — TARIXIY XOTIRA VA MA’RIFAT SABOGʻI

🌟Samarqand tumani maktabgacha va maktab ta’limi boʻlimi tasarrufidagi 33-umumiy oʻrta taʻlim maktabida yuqori sinf o‘quvchilari ishtirokida «Qatag‘on qurbonlari» mavzusida ma’naviy-ma’rifiy seminar mashg‘uloti o‘tkazildi. Seminar davomida o‘quvchilarga yurtimiz tarixidagi og‘ir va murakkab davrlar, qatag‘on siyosati oqibatlari, xalqimiz ozodligi va ma’rifati yo‘lida fidokorlik ko‘rsatgan ajdodlarimiz hayoti haqida ma’lumotlar berildi. Tadbir jarayonida tarixiy xotirani asrash, ajdodlar merosini o‘rganish, yosh avlodda Vatanga muhabbat va milliy qadriyatlarga hurmat tuyg‘ularini shakllantirish masalalariga alohida e’tibor qaratildi.

📕 Tarix — xotira. Xotira — millatning ma’naviy tayanchi!

🖌Samarqand tumani maktabgacha va maktab ta’limi bo'limi axborot xizmati

@samtxtb

#maktabgacha_taʻlim

🌟 Samarqand tumani maktabgacha va maktab ta’limi boʻlimi tasarrufidagi 3-sonli davlat maktabgacha ta’lim tashkiloti tayyorlov 2-guruhi tarbiyalanuvchilari ishtirokida «Oiladan o‘rganganim — kasblar haqida» mavzusida qiziqarli davra suhbati tashkil etildi.

🌈 Mashg‘ulot davomida tarbiyalanuvchilar turli kasblar haqida o‘z tasavvurlari bilan o‘rtoqlashib, oila a’zolarining kasblari, ularning mehnati va jamiyatdagi o‘rni haqida qiziqarli suhbat olib bordilar. Bunday mashg‘ulotlar bolalarda mehnatsevarlik, turli kasblarga hurmat, qiziquvchanlik va kelajakdagi orzu-maqsadlarini shakllantirishga xizmat qiladi.

📸 Davra suhbatidan lavhalar.

🖌Samarqand tumani maktabgacha va maktab ta’limi bo'limi axborot xizmati

@samtxtb