🌟🌟🌟🌟🌟🌟🌟

🌟O‘QITUVCHI MAQOMI — QONUN HIMOYASIDA

✅Samarqand tumani maktabgacha va maktab ta’limi boʻlimi tasarrufidagi 24-umumiy oʻrta taʻlim maktabida pedagog xodimlar ishtirokida mazmunli davra suhbati tashkil etildi. Tadbirda Samarqand tumani Adliya bo‘limi boshlig‘i S.Qodirov hamda tuman maktabgacha va maktab ta’limi bo‘limi boshlig'i Sh. Abulxayrov ishtirok etib, pedagoglarga “Pedagogning maqomi to‘g‘risida”gi Qonunning mazmun-mohiyati, unda belgilangan pedagoglarning huquqlari, ijtimoiy himoyasi, shuningdek, ularning sha’ni, qadr-qimmati va kasbiy faoliyati daxlsizligini ta’minlash kafolatlari haqida tushuncha berdilar. Muloqot davomida o‘qituvchilar o‘zlarini qiziqtirgan savollar bilan murojaat etib, ularga mutaxassislar tomonidan batafsil javob berildi.

✅O‘qituvchi — jamiyat taraqqiyotining muhim tayanchi. Pedagogning huquq va manfaatlarini himoya qilish, uning munosib mehnat qilishi uchun zarur shart-sharoitlarni yaratish — ta’lim tizimining ustuvor vazifalaridan biridir.

🖌Samarqand tumani maktabgacha va maktab ta’limi bo'limi axborot xizmati

@samtxtb

〰️〰️〰️〰️

🌟Samarqand tumanida giyohvandlikning oldini olishga qaratilgan targ‘ibot tadbiri o‘tkazildi

✅Samarqand tumani maktabgacha va maktab ta’limi boʻlimi tasarrufidagi 33-umumiy oʻrta taʻlim maktabida “Biz giyohvandlikka qarshimiz!” shiori ostida maktabning yuqori sinf o‘quvchilari ishtirokida davra suhbati tashkil etildi. Tadbir davomida o‘quvchilarga giyohvandlikning inson salomatligi, kelajagi va jamiyat hayotiga salbiy ta’siri, uning oldini olish hamda sog‘lom turmush tarziga amal qilishning ahamiyati haqida tushuncha berildi. Tadbirda Samarqand tumani hokimning o'rinbosari G‘.Boboxolov, Respublika Ma'naviyat-ma'rifat markazi Samarqand tumani bo'limi rahbari X.Hojiqulov, tuman maktabgacha va maktab ta’limi bo‘limi boshlig'i Sh. Abulxayrov ishtirok etdilar.

✅Tadbir o‘quvchilarning huquqiy va tibbiy savodxonligini oshirish, zararli illatlardan yiroq bo‘lish hamda sog‘lom kelajak sari intilishlarini qo‘llab-quvvatlashga xizmat qildi.

🖌Samarqand tumani maktabgacha va maktab ta’limi bo'limi axborot xizmati

@samtxtb