📚 USTOZIMGA SAVOLIM BOR — KITOBXONLIK SARI ILK QADAM!

🌟Samarqand tumani maktabgacha va maktab ta’limi bo‘limi tasarrufidagi 23-umumiy o‘rta ta’lim maktabining 1–4-sinf o‘quvchilari ishtirokida “Ustozimga savolim bor” hamda “35 kitob — 35 tavsiya” mavzularida "Kelajak soati" mashg‘ulotlar tashkil etildi. Mashg‘ulotlar davomida o‘quvchilar o‘zlarini qiziqtirgan savollar bilan ustozlarga murojaat qilib, bilimlarini yanada boyitdilar. Shuningdek, kitobxonlikning ahamiyati, kitob tanlash madaniyati va mutolaaning inson kamolotidagi o‘rni haqida fikr almashdilar. Ushbu mashg‘ulotlar yosh avlod qalbida ustozga hurmat, kitobga mehr, ilm olishga intilish va mustaqil fikrlash ko‘nikmalarini shakllantirishga xizmat qilmoqda.

🤩Inson kelajakda qaysi kasbni tanlamasin, bu kasb uchun kerak boʻladigan bilim va koʻnikmalarni avvalo ustozlaridan oʻrganadi

🖌Samarqand tumani maktabgacha va maktab ta’limi bo'limi axborot xizmati

@samtxtb

🤩“KELAJAK SOATI”: USTOZ VA ZAMONAVIY TEXNOLOGIYALAR

🌟Samarqand tumani maktabgacha va maktab ta’limi bo‘limi tasarrufidagi 21-umumiy o‘rta ta’lim maktabining 11-sinf o'quvchilari ishtirokida “Ustoz va zamonaviy texnologiyalar” mavzusida “Kelajak soati” mashg'ulotlari tashkil etildi. Dars davomida o‘quvchilar faol ishtirok etib, mavzu yuzasidan o‘z fikr-mulohazalarini bildirdilar. Turli topshiriqlar va savol-javoblar orqali o‘z bilimlari, ijodiy yondashuvlari hamda intellektual salohiyatlarini namoyon etdilar. Dars yakunida sinf rahbari Sh. Narzullayeva tomonidan faol qatnashgan va namunali ishtiroki bilan ajralib turgan o‘quvchilar rag‘batlantirildi. Ularga “Sen buyuklar izdoshisan”, “Odobingga balli!” kabi nominatsiyalar hamda turli motivatsion yorliqlar topshirildi. Bunday rag‘batlantirishlar o‘quvchilarning o‘ziga bo‘lgan ishonchini oshirish, odob-axloq fazilatlarini mustahkamlash, vatanparvarlik tuyg‘ularini yuksaltirish va kelajak sari dadil intilishlarini qo‘llab-quvvatlashda muhim ahamiyat kasb etadi.

🤩Bugun texnologiyalar juda tez o‘zgarayotgani kabi, bundan bir asr avval ham ta’lim, fan va texnika sohasida katta yangilanishlar yuz berayotgan edi. O‘sha davrning ilg‘or yoshlari zamonaviy bilimlarni o‘rganish, yangi fan va texnika yutuqlarini egallashga intilganlar.

🖌Samarqand tumani maktabgacha va maktab ta’limi bo'limi axborot xizmati

@samtxtb