#FIPhO_2026

⭐️FIPhO 2026: Nazariy imtihon boshlandi

📍Samarqand

⚡️Ayni daqiqalarda Al-Fargʻoniy nomidagi Xalqaro fizika olimpiadasining eng muhim bosqichlaridan biri — nazariy imtihon boshlandi

🌍 Dunyoning turli mamlakatlaridan tashrif buyurgan eng iqtidorli yosh fiziklari o‘z bilimlarini sinovdan o‘tkazishmoqda.

📍Jonli efir

Samarqand viloyati Maktabgacha va maktab ta’limi boshqarmasi axborot xizmati   

📱Telegram |📱 Facebook |📱 YouTube📱Veb-sayt📱instagram

🏆 ASOSIY FAN OLIMPIADASINING TUMAN (SHAHAR) BOSQICHLARIGA START BERILDI!

📚 Respublikamiz bo‘ylab Asosiy fan olimpiadasining tuman (shahar) bosqichlari boshlandi.

📅 15–27-oktabr kunlari o‘tkazilishi belgilangan mazkur olimpiada Samarqand viloyatida onlayn formatda tashkil etiladi.

📊 Olimpiada jarayonlarida viloyatimiz bo‘yicha 35 ming nafarga yaqin o‘quvchi ishtirok etishi kutilmoqda.

Bugun o‘quvchilar Geografiya fanidan bilimlarni sinovdan o‘tkazadi

🎯 Ushbu olimpiada o‘quvchilarning bilim va salohiyatini namoyon etish, iqtidorli yoshlarni aniqlash hamda ularni qo‘llab-quvvatlashda muhim ahamiyat kasb etadi.

👏 Barcha ishtirokchilarga omad, yuqori natijalar va muvaffaqiyat tilaymiz!

🎥Mazkur rasmlar Samarqand shahri, Toyloq tumani va Ishtixon tumanidagi jarayonlar davomida olingan.

Samarqand viloyati Maktabgacha va maktab ta’limi boshqarmasi axborot xizmati   

📱Telegram |📱 Facebook |📱 YouTube📱Veb-sayt📱instagram

🇹🇷🇺🇿 Ta’limda an’ana va innovatsiya uyg‘unligi: O‘zbekiston va Turkiya hamkorligida yangi imkoniyatlar

O‘zbekiston Respublikasi Prezidenti Administratsiyasi rahbari Saida Mirziyoyeva Istanbulda Najmiddin Bilol Erdo‘g‘an bilan birgalikda Ibn Xaldun universiteti va “Yenidoğu” maktabiga tashrif buyurdi.

Tashrif davomida ta’lim muassasalarining o‘qitish uslublari, yoshlarning iqtidorini yuzaga chiqarish va ularda mustaqil fikrlash ko‘nikmalarini rivojlantirishga qaratilgan yondashuvlar bilan tanishildi.

“Bu yerda ta’lim sifatiga, yoshlarning iqtidorini ro‘yobga chiqarish va ularda mustaqil fikrlash ko‘nikmasini shakllantirishga alohida e’tibor qaratilgan”, - deya ta’kidladi Saida Mirziyoyeva.

Uning qayd etishicha, tashrif davomida ta’lim muassasalari o‘rtasidagi aloqalarni kengaytirish, tajriba almashish, maktab o‘quvchilari, talabalar va pedagoglar uchun yangi imkoniyatlar yaratish bo‘yicha kelishuvga erishildi.

📌Ibn Xaldun universiteti — 2015-yilda tashkil etilgan xususiy tadqiqot universiteti. Unda gumanitar va ijtimoiy fanlarga alohida e’tibor qaratiladi, ta’lim ingliz, turk va arab tillarida olib boriladi. Universitetda 1 800 nafardan ortiq talaba tahsil oladi. Oliy ta’lim muassasasi O‘zbekistonning sakkizta yetakchi universiteti bilan hamkorlik memorandumlarini imzolagan.

📌“Yenidoğu” maktabi esa maktabgacha ta’limdan yuqori sinflargacha bo‘lgan bosqichlarni qamrab oladi. Ta’lim jarayonida an’anaviy qadriyatlar zamonaviy metodlar bilan uyg‘unlashtirilgan. Bolalarda tanqidiy va mustaqil fikrlashni rivojlantirish, xorijiy tillarni chuqur o‘rgatish, ijodiy hamda amaliy loyihalarga jalb etishga alohida e’tibor beriladi.

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

"JASORAT MAKTABI"GA QABUL QILINGAN O‘QUVCHILARNING VA’DA BЕRISH MAROSIMI BO‘LIB O‘TDI

Bugun respublikamizning barcha hududlarida bir vaqtning o‘zida “Jasorat maktablari”ga qabul qilingan o‘quvchilarning tantanali “Va’da berish” tadbiri bo‘lib o‘tdi.

Shu munosabat bilan Samarqand viloyati Maktabgacha va maktab ta’limi boshqarmasi tomonidan Samarqand shahridagi Serjantlar tayyorlash Oliy maktabida tantanali tadbir tashkil etildi
Ushbu tantanali marosimda viloyat maktabgacha va maktab ta’limi boshqarmasi, Qurolli Kuchlar tarkibiga kiruvchi vazirlik va idoralarning hududiy rahbarlari, keng jamoatchilik vakillari, ota-onalar ishtirok etishdi.

“Jasorat maktablari”ga o‘qishga qabul qilish 5-sinf o‘quvchilari o‘rtasida 2 bosqichli (1-bosqich test, 2-bosqich jismoniy tayyorgarlik mashqlari) imtihonlarida yuqori natijaga erishgan o‘quvchilar qabul qilindi.
Jasorat maktabi”da tahsil olayotgan yoshlar ona Vatanga sadoqat, matonat va mas’uliyat ramzi sifatida tantanali va’da berishdi

“Jasorat maktablari” viloyatning 16 ta tuman(shahar)larda 1 tadan tashkil etilib, 26 nafardan o‘quvchilar (viloyat bo‘yicha jami 416 nafar o‘g‘il va qizlar) qabul qilindi.

Samarqand viloyati Maktabgacha va maktab ta’limi boshqarmasi axborot xizmati   

📱Telegram |📱 Facebook |📱 YouTube📱Veb-sayt📱instagram