Ilm, amaliyot va islohotlar uyg‘unligi: notarif choralar va soddalashtirilgan tartibotlar muhokamasi

📍Bojxona institutida “Tashqi savdoda notarif choralar: ichki bozorni himoya qilish va bojxona tartibotlarini soddalashtirish o‘rtasidagi muvozanatni ta’minlash” mavzusida respublika ilmiy-amaliy konferensiyasi o‘tkazildi. Unda Bojxona qo‘mitasi, Ekologiya, Qishloq xo‘jaligi, Adliya vazirliklari huzuridagi agentlik va Sanepidqo'mita vakillari hamda yetakchi oliy ta’lim muassasalari olimlari ishtirok etishdi.

📝Tadbirda so‘zga chiqqanlar bugungi globallashuv sharoitida milliy mahsulotlarni sifatsiz tovarlardan himoya qilish bilan bir qatorda, tadbirkorlar uchun bojxona tartibotlarini soddalashtirish dolzarb masala ekanini ta’kidladilar. Xususan, so‘nggi yillarda amalga oshirilgan islohotlar natijasida bojxona deklaratsiyalarini rasmiylashtirish muddati eksportda 1,7 barobarga, importda esa 1,4 barobarga qisqargani qayd etildi.

📌Anjumanda oziq-ovqat va qishloq xo‘jaligi mahsulotlari uchun sanitariya-epidemiologik xulosalarni rasmiylashtirish, fitosanitar xavfsizlik va veterinariya nazorati tizimini takomillashtirish, kontrafakt mahsulotlarga qarshi kurashishda bojxona organlarining roli, notarif choralarni raqamlashtirish hamda “Integratsiyalashgan tarif” interaktiv xizmatining yangi imkoniyatlari kabi muhim masalalar muhokama qilindi.

✔️Tadbir yakunida sohani yanada liberallashtirish va notarif cheklovlarni optimallashtirishga qaratilgan tavsiyalar Bojxona qo‘mitasi rahbariyatiga taqdim etilishi belgilandi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

OIV infeksiyasining shifoxona ichida tarqalishini oldini olish holati muhokama qilindi

📌 Navoiy viloyat sog‘liqni saqlash boshqarmasida videokonferensaloqa orqali navbatdan tashqari yig‘ilish bo‘lib o‘tdi. Unda boshqarma boshlig‘ining birinchi o‘rinbosari Abror Yoriqulov, Respublika OITSga qarshi kurashish markazi direktori Bahrom Egamberdiyev, viloyat OITS markazi bosh shifokori Azamat Ro‘ziyev hamda mutaxassislar ishtirok etdi.

➡️ Unda OITS va OIVga qarshi kurashishda raqamli texnologiyalarni joriy etishning ahamiyati ta’kidlandi. Qayd etilganidek, markazda joriy etilgan yagona elektron axborot tizimi natijasida raqamlashtirish darajasi 90 foizdan yuqoriga oshgan. Tizim orqali bemorlarni ro‘yxatga olish, dispanser nazorati, laborator tashxis va dori vositalari ta’minoti kabi jarayonlar to‘liq avtomatlashtirilgan.

✅ Yig‘ilish yakunida sohada profilaktik choralarni kuchaytirish va raqamlashtirish jarayonlarini yanada kengaytirish muhimligi ta’kidlandi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt