📝Bugungi kunda mamlakatimizda tizimli raqamlashtirish jarayonlari izchil davom ettirilib, barcha sohalarda zamonaviy axborot texnologiyalarini joriy etishga alohida e’tibor qaratilmoqda.

🪩Ayniqsa, sog‘liqni saqlash tizimida elektron platformalar va raqamli xizmatlarni amaliyotga tatbiq etish ishlari bosqichma-bosqich kengayib bormoqda. Bu esa, o‘z navbatida, tibbiyot muassasalari faoliyati samaradorligini oshirish, ma’lumotlar almashinuvini tezlashtirish hamda aholiga ko‘rsatilayotgan tibbiy xizmatlar sifatini yanada yaxshilashga xizmat qilmoqda.

📌Shu bilan birga, yangi axborot tizimlarining samarali ishlashi ulardan foydalanuvchi mutaxassislarning bilim va amaliy ko‘nikmalariga bevosita bog‘liq. Shu maqsadda joylarda soha xodimlarining raqamli bilimlarini oshirish, yangi elektron platformalar bilan ishlash bo‘yicha amaliy ko‘nikmalarini mustahkamlashga qaratilgan o‘quv-seminarlar tashkil etilmoqda.

📍Jumladan, Buxoro viloyatida “Yuqumli kasalliklarning elektron monitoring axborot tizimi” (YuKEM)ni amaliyotga joriy etish masalalariga bag‘ishlangan 2 kunlik seminar-trening o‘tkazildi.

💎Sanepidqo'mita, Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazi tomonidan Birlashgan Millatlar Tashkilotining Loyihalar xizmatlari boshqarmasi (UNOPS) bilan hamkorlikda Xalqaro tibbiy sanitariya qoidalari(XTSQ)ni amalga oshirish uchun mas’ul bo‘lgan tegishli davlat organlari bilan o‘z vaqtida aloqa qilish sifatini oshirish uchun raqamli axborot almashinuvi tizimlaridan foydalanish, “Yuqumli kasalliklarning elektron monitoring axborot tizimi (YuKEM)”ni amaliyotga joriy etish bo‘yicha seminar-treninglar tashkil etildi.

📖Seminarda epidemiologlar, AKT mutaxassislari, infeksionist shifokorlar hamda tibbiyot xodimlari faol ishtirok etdi. Tadbir davomida Sanepidqo‘mita tizimida faoliyat yurituvchi malakali mutaxassis-trenerlar tomonidan ishtirokchilarga YuKEM tizimining funksional imkoniyatlari, undan samarali foydalanish tartiblari, shuningdek, amaliyotda uchrayotgan texnik va tashkiliy masalalar yuzasidan atroflicha tushuntirishlar berildi.

🗳Shuningdek, mashg‘ulotlar jarayonida tizim bilan ishlashning amaliy jihatlari ko‘rgazmali tarzda tushuntirilib, ishtirokchilarni qiziqtirgan savollarga mutaxassislar tomonidan batafsil javob qaytarildi. Jonli muloqot ruhida o‘tgan seminar-treninglar soha xodimlariga faoliyat davomida uchrayotgan muammolar yuzasidan o‘zaro fikr almashish va ularning yechimlarini birgalikda muhokama qilish imkonini yaratdi.

❗️Mazkur o‘quv-seminarlar YuKEM axborot tizimini hududlarda samarali joriy etish, sohada raqamli transformatsiya jarayonlarini yanada jadallashtirish hamda mutaxassislarning kasbiy salohiyatini oshirishda muhim ahamiyat kasb etmoqda.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

SAVDO-SANOAT PALATASIDA TADBIRKORLAR BILAN OCHIQ MULOQOT BO‘LIB O‘TDI

Bugun Savdo-sanoat palatasida Sanitariya-epidemiologik osoyishtalik va jamoat salomatligi qo‘mitasi tomonidan o‘tkazilayotgan tekshiruvlar bilan bog‘liq masalalar yuzasidan ochiq muloqot tashkil etildi.

‼️Muloqotda  Sanepidqo‘mita, Biznes-ombudsman, Savdo-sanoat palatasi va boshqa tegishli idoralar rahbarlari ishtirok etdi.

🗓Bugungi o‘tkazilgan muloqot davomida tadbirkorlar tomonidan Sanepidqo‘mita tekshiruvlari jarayonida yuzaga kelayotgan dolzarb masalalar muhokama qilindi.

Batafsil:👇👇👇
https://gov.uz/oz/sanepid/news/view/167457

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

Samarqand viloyatida profilaktik emlash ishlari monitoring qilinmoqda

📝O‘zbekiston Respublikasi Prezidentining 2026-yil 16-fevraldagi «Mahallani rivojlantirish va jamiyatni yuksaltirish» yilida ustuvor yo‘nalishlar bo‘yicha islohotlar dasturlari va «O‘zbekiston — 2030» strategiyasini amalga oshirish bo‘yicha davlat dasturi to‘g‘risida"gi Farmonida belgilangan vazifalarni bajarish maqsadida yurtimizda boshqariluvchi yuqumli kasalliklar bo‘yicha epidemiologik barqarorlikni ta’minlashga qaratilgan keng qamrovli ishlar amalga oshirilmoqda.

📌Mazkur vazifalar ijrosini ta’minlash, profilaktik emlash tadbirlarini izchil amalga oshirish hamda Respublika bo‘yicha 5,6 mln. nafar bolada 13 turdagi vaksinalar bilan boshqariluvchi yuqumli kasalliklarga qarshi emlash tadbirlari milliy emlash kalendari asosida tashkil etilmoqda.

📍Bolalarni 13 turdagi vaksina bilan qamrab olish ishlarini monitoring qilish maqsadida Sanepidqo‘mita mas’ul xodimlari Samarqand viloyatida o‘rganish ishlarini olib bormoqda.

🔗Jumladan, Samarqand viloyatidagi oilaviy poliklinikalarda Sanepidqo‘mita Vaksinalar logistikasi va immunoprofilaktika bo‘limi boshlig‘i Dilorom Tursunova hamda bosh mutaxassis Xursanoy Jamalova tomonidan emlash jarayonlari monitoring qilinmoqda.

🖌O‘rganishlar davomida poliklinikalarda emlash jarayonlari uchun yaratilgan shart-sharoitlar, vaksinalarni belgilangan talablar asosida saqlash, emlash tadbirlarini amalga oshirish hamda emlashdan keyin bolalar holatini monitoring qilish ishlari atroflicha o‘rganildi. Shuningdek, emlash jarayonlarini raqamlashtirish, sohada faoliyat yuritayotgan mutaxassislarning malakasini oshirish va ularning amaliy ko‘nikmalarini mustahkamlashga qaratilgan ishlar ham tahlil qilindi.

🔎Monitoring jarayonida davolash-profilaktika muassasalaridagi emlash punktlarida 13 turdagi yuqumli kasalliklarga qarshi vaksinalarning yetarli zaxirasi yaratilganligi ham ko‘zdan kechirildi.

🗂O‘rganishlar yakunida Samarqand viloyatida milliy emlash kalendari asosida tashkil etilayotgan emlash tadbirlari yuqori saviyada olib borilayotgani alohida e’tirof etildi.

Ayniqsa, tibbiyot xodimlari bilan bir qatorda mahalliy aholining ham emlash jarayonlarida faol ishtirok etayotgani profilaktik tadbirlar samaradorligini yanada oshirishga xizmat qilayotgani ta’kidlandi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt