😁😂😅😅

Sanminimum kurslarida study.sanepid.uz onlayn platformasi orqali tez va oson o‘qing

O‘qishni boshlash uchun QR kodni skanerlang https://study.sanepid.uz

Hozircha platformada orqali
➡️go‘sht va go‘sht mahsulotlari
➡️sut va sut mahsulotlari
➡️non va un mahsulotlari
➡️ oziq-ovqat qo‘shimchalari
➡️biologik faol qo‘shimchalar
➡️ tamaki mahsulotlari ishlab chiqaruvchi korxonalari da faoliyat yurituvchiklar uchun kurslar mavjud

📚 O‘qishni muvaffaqiyatli yakunlaganlar uchun QR-kodli sertifikatlarni avtomatik qo‘lga kiritasiz

🔝 Hoziroq o‘qishni boshlang!
Xavfsiz xizmat faoliyatingizni kafolatlang!

⚡️Zero aholi salomatligini saqlash siz-u bizning burchimizdir

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

▶️⭕️⭕️⭕️

EBOLA VIRUSI MAMLAKATIMIZGA XAVF SOLMAYAPTI

Ebola virusi infeksiyasi jiddiy kasallik bo‘lib, ayniqsa Afrika qit’asida tez-tez uchraydi. Bu virus kasallangan hayvonlarning qon, najas, siydik, ter, so‘lagi va boshqa tana suyuqliklari orqali yuqishi mumkin. Ebola virusi infeksiyasini davolashning o‘ziga xos usuli yo‘q, infeksiyalangan odamlarni davolash esa simptomatik terapiya bilan amalga oshiriladi.

📊Joriy yilda Afrikada Ebola bilan kasallanish 263 ta tasdiqlangan holatlar qayd etilgan. Kongo Demokratik Respublikasi epidemiya markazi hisoblanmoqda.

JSST Ebola global pandemiya chaqirish ehtimoli past deb baholamoqda.
Ushbu kasallik O‘zbekistonda tarqalish xavf past hisoblanadi.

Kasallikni mamlakatimizga kirib kelishini oldini olish maqsadida, Sanitariya-epidemiologik osoyishtalik va jamoat salomatligi qo‘mitasi mutaxassislari tomonidan davlat chegaralarida kirib kelayotgan fuqarolar tibbiy kuzatuvi olib borilmoqda.

⚠️Mamlakatimizda epidemiologik vaziyat barqaror.

Shu o‘rinda fuqarolarimizdan Ebola virusi faol tarqalgan mamlakatlar va mintaqalarga sayohat qilmaslikni so‘raymiz.

Ebola virusi kasallangan odam yoki hayvonning biologik suyuqliklari bilan to‘g ‘ridan-to‘g ‘ri muloqot orqali yuqadi.

Shu sababli quyidagi tavsiyalarga amal qiling
✔️ yovvoyi hayvonlar bilan aloqa qilishdan saqlaning: Primatlar (maymunlar, shimpanzelar) va ko'rshapalaklar yashaydigan joylarga bormang;
✔️ ekzotik taomlardan saqlaning: yovvoyi hayvonlarning go'shti yoki xom ovqatlarni yemang;
✔️kasal odamlardan – nafas olish yo'llarida shamollash alomatlari, isitma, toshma yoki qon ketish belgilari bo'lgan odamlardan xavfsiz masofani saqlang;
✔️ qo'llaringizni iloji boricha tez-tez sovun bilan yuving yoki dezinfektsiyalovchi vositadan foydalaning;
✔️ faqat qadoqlangan yoki qaynatilgan suv iching;
✔️ endemik hududdan qaytganingizdan keyin 21 kun davomida sog'lig'ingizni diqqat bilan kuzatib boring (bu standart inkubatsiya davri);
✔️ аgar sizda isitma, holsizlik, qusish yoki diareya paydo bo'lsa, darhol tibbiy yordamga murojaat qiling;
✔️аgar yaqinda epidemiya xavfi bor hududga sayohat qilgan bo'lsangiz, shifokoringizga xabar bering.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

MUZQAYMOQ BOLAGA ZARAR QILADIMI? MUTAXASSIS JAVOB BERADI

‼️Muzqaymoq bolalarning eng sevimli shirinliklaridan biri hisoblаnаdi. Ko‘plab ota-onalar esa “Bolaga muzqaymoqni necha yoshdan berish mumkin?”, “U tomoq og‘rig‘ini keltirib chiqaradimi?”, “Qaysi turi xavfsizroq?” kabi savollarga javob izlaydi. Haqiqatdan ham, muzqaymoq nafaqat mazali desert, balki uning tarkibi, miqdori va iste’mol qilish usuli bola salomatligiga ma’lum darajada ta’sir ko‘rsatishi mumkin.

🔰Mutaxassislar fikriga ko‘ra, muzqaymoqni to‘g‘ri tanlash va me’yorda berish orqali uning ehtimoliy zararlarini kamaytirish mumkin.

♻️Muzqaymoqning bolalar organizmiga ta’siri, uni qaysi yoshdan boshlab berish mumkinligi, foydali va ehtiyot bo‘lish lozim bo‘lgan jihatlari haqida aholini qiziqtirgan savollar bilan tibbiyot fanlari nomzodi Aqida Nosirova bilan suhbatlashdik.

❓Bolalarga muzqaymoqni necha yoshdan boshlab berish mumkin?

Batafsil: 👇👇
https://gov.uz/oz/sanepid/news/view/171917

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

☀️ YOZ O‘TKIR YUQUMLI ICHAK KASALLIKLAR MAVSUMI

🌍 Ona zaminimizda pishib, yetiladigan meva, poliz, sabzavot mahsulotlari rangin jilosi, shirin-shakarligi, mo‘lu ko‘lligi bilan ko‘zlarni quvnatadi. Agar farzandlarngiz yoningizda bo‘lsa shoshib donasini og‘ziga solib oladi. Hatto ba’zi kattalar ham nafsining gapiga kirib, yuvib yeyish xayolidan ko‘tarilib, mazzasini tatib ko‘radilar. Ana shu paytda ularni o‘tkir yuqumli ichak kasalliklari, uni yuqish hollari haqida  ma’lumotga ega emasliklarini tushunib yetasiz.

⁉️ Shunda haqli savol tug‘iladi. Xaridor ya’ni bu fuqaro nega kasallikka chalindi? O‘tkir yuqumli kasallik nima? Unga chalinmaslik uchun nimalarga ahamiyat berish kerak? Mazkur savollarga Farg‘ona viloyat Sanitariya-epidemiologik osoyishtalik va jamoat salomatligi boshqarmasining  Epidemiologiya bo‘limi mudiri Feruzbek Mamadaliyev javob berdi. 👇

👉 Batafsil o'qish

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🟦🟦🟦

☄️Samarqandda raqamlashtirish jarayonlarini yanada rivojlantirish masalalariga bag‘ishlangan seminar-trening bo‘lib o‘tdi

💬Bugungi kunda mamlakatimizda barcha sohalarda raqamlashtirish jarayonlari bosqichma-bosqich amalga oshirilib, zamonaviy axborot texnologiyalarini keng joriy etishga alohida e’tibor qaratilmoqda. Ayniqsa, sog‘liqni saqlash tizimida elektron platformalar va raqamli xizmatlarni amaliyotga tatbiq etish ishlari jadal sur’atlarda olib borilmoqda.

Elektron axborot tizimlarining joriy etilishi tibbiyot muassasalari faoliyati samaradorligini oshirish, ma’lumotlar almashinuvini tezlashtirish hamda aholiga ko‘rsatilayotgan tibbiy xizmatlar sifatini yaxshilashga xizmat qilmoqda.

🔈Samarqand viloyatida Sanepidqo‘mita hamda Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazi tomonidan Birlashgan Millatlar Tashkilotining Loyihalar xizmatlari boshqarmasi bilan hamkorlikda Xalqaro tibbiy sanitariya qoidalari(XTSQ)ni amalga oshirish uchun mas’ul bo‘lgan tegishli davlat organlari bilan tashkil etildi.

Tadbir Xalqaro tibbiy sanitariya qoidalarini amalga oshirish uchun mas’ul davlat organlari o‘rtasida raqamli axborot almashinuvini takomillashtirish hamda “Yuqumli kasalliklarning elektron monitoring axborot tizimi” YUKEMni hududlarda samarali joriy etishga qaratilgan.

Seminarda epidemiologlar, AKT mutaxassislari, infeksionist shifokorlar va tibbiyot xodimlari ishtirok etdi. Mashg‘ulotlar davomida ishtirokchilarga YUKEM tizimining funksional imkoniyatlari, undan foydalanish tartiblari hamda texnik va tashkiliy masalalar yuzasidan atroflicha ma’lumotlar berildi.

Tadbir jarayonida tizim bilan ishlashning amaliy jihatlari ko‘rgazmali tarzda tushuntirilib, ishtirokchilarni qiziqtirgan savollariga mutaxassislar tomonidan batafsil javob qaytarildi. Shuningdek, soha xodimlari o‘z tajribalari va faoliyat davomida uchrayotgan muammolar yuzasidan fikr almashdi.

Mazkur o‘quv-seminarlar YUKEM axborot tizimini samarali joriy etish, sohada raqamli transformatsiya jarayonlarini yanada jadallashtirish hamda kadrlar salohiyatini oshirishda muhim ahamiyat kasb etadi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🟦🟦🟦

YUQUMLI ICHAK KASALLIKLARI HAQIDA NIMALAR BILISH MUHIM?

O‘tkir yuqumli ichak kasalliklariga — o‘tkir diareya, salmonellyoz, ichburug‘, vabo kabi kasalliklar bo‘lib, ular ko‘pincha iflos suv, yuvilmagan meva-sabzavot yoki gigiyena qoidalariga rioya qilmaslik oqibatida yuqadi.

🌡Issiq mavsumda kasalliklarning tarqalishi keskin oshadi. Ayniqsa bolalar qaynatilmagan suv ichishi, ochiq suv havzalarida cho‘milishi yoki yuvilmagan oziq-ovqat iste’moli orqali tez yuqtirib olishi mumkin.

⁉️Xo‘sh, o‘tkir yuqumli ichak kasalliklarining oldini olish uchun nimalarga e’tibor berish kerak?Kasalliklarning yuqish yo‘llari va keltirib chiqaruvchi omillar nimalardan iborat?

📌Ushbu savollarga Sanepidqo‘mita Yangihayot tuman bo‘limi vrach-epidemiologi Shoira Alimatova javob berib o'tdi.

O‘tkir yuqumli ichak kasalliklari — o‘tkir diareya, salmonellyoz, ichburug‘ (dizenteriya), vabo va boshqa bir qator o‘tkir yuqumli ichak kasalliklarini o‘z ichiga oladi. Ushbu kasalliklarni aksariyat hollarda bakteriya va viruslar qo‘zg‘atib, bemor hamda sog‘lom bakteriya tashuvchi insonlar kasallik qo‘zg‘atuvchilarining asosiy manbalari hisoblanadi. Ular kasallik qo‘zg‘atuvchi mikroblarni asosan najasi orqali tashqi muhitga chiqarib, tashqi muhitni kasallik qo‘zg‘atuvchilari bilan ifloslantiradilar.

O‘tkir yuqumli ichak kasalliklari bir-biriga juda o‘xshash bo‘lsa-da, ayrim yetakchi yuqish omillari orqali farqlanadi. Masalan, o‘tkir diareya, salmonellyoz, ichburug‘ (dizenteriya) kabi kasalliklarning yuqishida yetakchi omil — ifloslangan oziq-ovqat yoki tayyor taomlar bo‘lsa, vabo kasalligining yetakchi yuqish omili — ifloslangan suv hisoblanadi. Yuqorida sanab o‘tilgan o‘tkir yuqumli ichak kasalliklari maishiy muloqot yo‘li bilan ham yuqadi. Ushbu kasalliklarning aholi orasida keng tarqalishiga pashsha va chivinlar ham muhim rol o‘ynaydi. Ular turli xil sig‘imdagi og‘zi ochiq qoldirilgan idishlardagi suv va usti ochiq qolgan taomlar hamda oziq-ovqat mahsulotlariga qo‘nib, ularni ifloslaydi.

O‘tkir yuqumli ichak kasalliklarining aholi orasida paydo bo‘lishi va ko‘payishi mavsumiy tusga ega bo‘lib, tashqi muhit harorati ko‘tarilishi bilan boshlanadi va keyinchalik kuchayadi. Kasalliklar, odatda, bahor fasli o‘rtalarida paydo bo‘lib, kech kuzgacha davom etadi. Ayniqsa 14 yoshgacha bo‘lgan bolalarning qaynatilmagan suv, har xil sifati kafolatlanmagan chanqovbosdi ichimliklar, meva-sabzavot va ko‘katlarni toza suvda yuvmasdan iste’mol qilishi hamda ushbu kasalliklar qo‘zg‘atuvchilari bilan ifloslangan ochiq suv havzalarida cho‘milishi oqibatida kasalliklarni yuqtirib olish hollari ko‘payadi.

Kasallik qo‘zg‘atuvchi mikroblar inson organizmiga tushganidan to kasallik alomatlari paydo bo‘lgunicha o‘tadigan vaqt “yashirin davr” deb ataladi. Bu davr barcha turdagi yuqumli kasalliklarga xos bo‘lib, bir necha soatdan 21 kungacha davom etishi mumkin.

Kasalliklarning yuqish yo‘llari va kelib chiqaruvchi omillar:

Qaynatilmagan suvni (sifati kafolatlanmagan ariq, kanal va boshqa ochiq suv havzalari) iste’mol qilish;

Uy sharoitida uzoq muddat saqlangan (sovutkichda saqlangan bo‘lsa ham) ovqatni iste’mol qilish;

Qovun-tarvuz, meva-chevalarni ko‘chadan xarid qilib, yuvmasdan, suvga chayqamasdan iste’mol qilish;

1 yoshdan 3 yoshgacha bo‘lgan bolalarga qarashda shaxsiy gigiyena qoidalariga rioya qilmaslik;

Yosh bolalarga beriladigan sun’iy yoki qo‘shimcha ovqatlarni tayyorlash va saqlashda gigiyena qoidalariga amal qilmaslik.

📌Unutmang!
Ovqatlanganda, ichimlik suvini iste’mol qilganda va bola parvarishida shaxsiy gigiyena qoidalariga amal qilish, kasallik alomatlari paydo bo‘lganda esa tezda shifokorga murojaat etish — o‘tkir yuqumli ichak kasalliklari kelib chiqishining oldini olishda eng muhim omildir.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🚰Jamoat hojatxonalarida suvni tejaylik!

🌍 Suv — hayot manbai. Uni asrash har birimizning burchimiz!

Jamoat hojatxonalaridan foydalanishda suv resurslaridan oqilona va tejamkor foydalanish juda muhim. Quyidagi choralar orqali suvni asrashga hissa qo‘shamiz:

🔎Suv tejamkorligiga qat’iy nazorat o‘rnatish
📣 Videoroliklar, bannerlar va bukletlar orqali targ‘ibot olib borish
📱 OAV va ijtimoiy tarmoqlarda muntazam tushuntirish ishlari
👨‍👩‍👧 Aholi o‘rtasida suvni tejash madaniyatini shakllantirish
🚿 Sensorli kranlar va ikki rejimli bachoklarni joriy etish
✅ Ijroni doimiy nazoratga olish

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

Tibbiyot muassasalari hamshiralari uchun xalqaro darajadagi o'quv-seminar bo'lib o'tmoqda

Toshkent shahar aholisi o‘rtasida tibbiy savodxonlikni oshirish, sog‘lom turmush tarzini targ‘ib qilish hamda tibbiyot xodimlari, ommaviy axborot vositalari va aholi o‘rtasidagi samarali kommunikatsiyani yo‘lga qo‘yish maqsadida, Sanepidqo‘mita, Koreya ijtimoiy xayriya fondi hamda KOFIH tashkiloti hamkorligida tibbiyot muassasalarida faoliyat yuritayotgan hamshiralar ishtirokida jamoat salomatligini mustahkamlashga qaratilgan muhim seminar-trening tashkil etildi.

🔰Tadbir davomida ishtirokchilarga aholi bilan to‘g‘ri va samarali muloqot qilish, tibbiy ma’lumotlarni sodda va tushunarli shaklda yetkazish, profilaktik chora-tadbirlarning ahamiyatini keng targ‘ib qilish bo‘yicha amaliy tavsiyalar berildi. Shuningdek, jurnalistlar uchun tibbiy axborotni mas’uliyat bilan yoritish, noto‘g‘ri ma’lumotlar tarqalishining oldini olish hamda ishonchli manbalar bilan ishlash masalalari ham muhokama qilindi.

‼️Seminarda tibbiyot xodimlari faol ishtirok etib, o'[z fikrlari va takliflari bilan ochiq muloqot olib bordi. Bu esa kelgusida sog‘liqni saqlashga oid dolzarb mavzularni aholiga yanada aniq, tezkor va ishonchli yetkazishda muhim ahamiyat kasb etadi.

📝Mazkur loyiha doirasida o‘qitilgan mutaxassislar o‘z bilim va ko‘nikmalarini amaliyotga joriy etib, aholi orasida sog‘lom turmush tarzini shakllantirish, yuqumli kasalliklarning oldini olish va profilaktikaga bo‘lgan ishonchni oshirishga xizmat qiladi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🟦🟦🟦

Aholining tibbiy savodxonligini oshirish va jamoat salomatligini mustahkamlash masalalarida OAV vakillarining o‘rni mavzusidagi seminar tashkil etildi

📣Toshkent shahrida jurnalistlarni tibbiy ma’lumotni to‘g‘ri va mas’uliyatli tarzda yetkazishga o‘qitish maqsadida Sanitariya-epidemiologik osoyishtalik va jamoat salomatligi qo‘mitasi, Koreya xalqaro sog‘liqni saqlash jamg‘armasi (KOFIH) hamda Koreya jamoat fondi tomonidan jurnalistlar uchun O‘zbekiston Respublikasi aholisi o‘rtasida jamoat salomatligi masalalari bo‘yicha xabardorlik va tibbiy savodxonlikni oshirishga doir o‘quv-treninglar tashkil etildi.

🔴 Tadbir davomida ishtirokchilarga aholi bilan to‘g‘ri va samarali muloqot qilish, tibbiy ma’lumotlarni sodda va tushunarli shaklda yetkazish, profilaktik chora-tadbirlarning ahamiyatini keng targ‘ib qilish bo‘yicha amaliy tavsiyalar berildi. Shuningdek, jurnalistlar uchun tibbiy axborotni mas’uliyat bilan yoritish, noto‘g‘ri ma’lumotlar tarqalishining oldini olish hamda ishonchli manbalar bilan ishlash masalalari ham muhokama qilindi.

➡️ Seminarda OAV xodimlari faol ishtirok etib, o‘z fikrlari va takliflari bilan ochiq muloqot olib bordi. Bu esa kelgusida sog‘liqni saqlashga oid dolzarb mavzularni aholiga yanada aniq, tezkor va ishonchli yetkazishda muhim ahamiyat kasb etadi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🟦🟦🟦

🎥 Immunizatsiya masalalariga bag‘ishlangan seminar o‘tkazildi

🎤 Qarshi shahrida birlamchi davolash-profilaktika muassasalarining immunizatsiya yo‘nalishida faoliyat yurituvchi tibbiyot xodimlari uchun ikki kunlik seminar tashkil etildi.
📊Seminarda qizamiq, qizilcha, meningit va VPChga qarshi emlash profilaktikasi, emlashdan keyingi nojo‘ya holatlarni o‘rganish, aholi orasida xavfsiz emlashni tashkil etish hamda shaxslararo muloqot ko‘nikmalarini oshirish masalalari muhokama qilindi.
📌Tadbirning asosiy maqsadi — tibbiyot xodimlarining kasbiy bilim va ko‘nikmalarini yanada mustahkamlash, boshqariluvchi yuqumli kasalliklarning oldini olish bo‘yicha profilaktik tadbirlar samaradorligini oshirishdan iborat bo‘ldi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🥲🥲🥲🥲🥲🥲🥲🥲😊

Yakunlangan hafta davomida kanalimizda e'lon qilingan eng muhim xabarlar:

⚽️O‘zbegim o‘g‘lonlari, sizlarga Jahon chempionatida ulkan zafarlar tilaymiz!

👶“Bor mehrimiz senga, bolajon!” xayriya donorlik aksiyasida Sanepidqo‘mita tizimi xodimlari faol ishtirok etdi

🛃Sanminimum kurslarida study.sanepid.uz onlayn platformasi orqali tez va oson o‘qing

⚡️Ebola virusi mamlakatimizga xavf solmayapti

💠 Samarqandda raqamlashtirish jarayonlarini yanada rivojlantirish masalalariga bag‘ishlangan seminar-trening bo‘lib o‘tdi

⚠️Jamoat hojatxonalarida suvni tejaylik!

👩‍⚕️Tibbiyot muassasalari hamshiralari uchun xalqaro darajadagi o'quv-seminar bo'lib o'tmoqda

‼️Aholining tibbiy savodxonligini oshirish va jamoat salomatligini mustahkamlash masalalarida OAV vakillarining o‘rni mavzusidagi seminar tashkil etildi

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🇺🇿Urganch davlat tibbiyot institutida “Infeksiyalar va jamoat salomatligi: dolzarb muammolar va ularning yechimlari” mavzusidagi xalqaro ilmiy-amaliy anjuman bo‘lib o‘tdi.

🔴Anjuman institut rektori Ruziboyev Rashid ochib berib, infeksion kasalliklar va jamoat salomatligini muhofaza qilish bugungi kunning eng dolzarb masalalaridan biri ekanligini ta’kidlab, ushbu yo‘nalishda ilmiy izlanishlar, tajriba almashish va xalqaro hamkorlikni rivojlantirish muhim ahamiyat kasb etishini qayd etdi. Shuningdek, anjumanda ishtirok etish uchun tashrif buyurgan xorijiy va mahalliy olimlar, mutaxassislar hamda mehmonlarga samimiy minnatdorlik bildirdi.

📊Anjuman davomida xorijiy ekspertlar va yetakchi mutaxassislar tomonidan infeksion va parazitar kasalliklarning oldini olish, zamonaviy diagnostika va davolash usullari, epidemiologik xavfsizlikni ta’minlash hamda jamoat salomatligini mustahkamlashga qaratilgan ma’ruzalar tinglandi.

♻️Sanitariya-epidemiologik osoyishtalik va jamoat salomatligi qo‘mitasi raisi Baxodir Yusupaliyev ham mazkur mavzu yuzasidan ma’ruza qilib, infeksion kasalliklarning oldini olish, epidemiologik barqarorlikni ta’minlash va jamoat salomatligini mustahkamlash bo‘yicha o‘z tavsiya hamda takliflarini bildirdi.

Anjumanda Koreyaning KOICA va Koreya universiteti vakillari qatnashib, 2 nafar professor ma'ruzalar bilan ishtirok etishdi.

🔰Anjumanning asosiy maqsadi yuqumli va parazitar kasalliklarga qarshi kurashish sohasida faoliyat yuritayotgan mutaxassislarning ilmiy va amaliy sa’y-harakatlarini birlashtirish, kasalliklarni tashxislash, davolash hamda profilaktika qilishning zamonaviy yondashuvlarini muhokama etishdan iborat. Shuningdek, ilg‘or tajribalarni o‘rganish va almashish, innovatsion yechimlarni amaliyotga tatbiq etish hamda mahalliy va xorijiy olimlar o‘rtasidagi ilmiy hamkorlikni yanada mustahkamlash anjumanning muhim vazifalaridan biri hisoblanadi.

‼️Anjuman yakunida ishtirokchilar tomonidan bildirilgan ilmiy taklif va tavsiyalar kelgusida sog‘liqni saqlash tizimini takomillashtirish, infeksion kasalliklarning oldini olish hamda jamoat salomatligini mustahkamlashga xizmat qilishi ta’kidlandi.

⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt