🔴🟦🟦

SAYYOR QABULDA FUQAROLAR MUROJAATLARI TINGLANMOQDA

📍Ayni paytda Pushkin nomidagi Samarqand viloyati axborot-kutubxona markazida Sanitariya-epidemiologik osoyishtalik va jamoat salomatligi qo‘mitasi raisining birinchi o‘rinbosari Nurmat Atabekov ishtirokida sayyor qabul o‘tkazilmoqda.
Qabul davomida fuqarolar va tadbirkorlar o‘zlarini qiynayotgan masalalar, sanitariya-epidemiologik holat, jamoat salomatligi va sohadagi muammolar yuzasidan murojaatlarini bildirmoqda.

📝Sayyor qabulda Samarqand viloyati Xalq qabulxonasi boshlig‘i Xurshid Ochilov ham ishtirok etmoqda.

📌Fuqarolar va tadbirkorlarning murojaatlari joyida eshitilib, mas’ullarga tegishli topshiriqlar berilmoqda.


⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🟢🟦🟦

SANITARIYA-EPIDEMIOLOGIYA SOHASIDAGI ISLOHOTLAR VA YANGI IMKONIYATLAR

⚡️Sanitariya-epidemiologik osoyishtalik va jamoat salomatligi qo‘mitasining asosiy vazifasi — aholi salomatligini muhofaza qilish, yuqumli kasalliklarning oldini olish va sanitariya-epidemiologik osoyishtalikni ta’minlashdan iborat.

Bugungi kunda sohada kasalliklarning oldini olish, xavflarni erta aniqlash va raqamli nazoratni kuchaytirishga alohida e’tibor qaratilmoqda.

🔹 10 ta axborot tizimidan 3 tasi ishga tushirildi;
🔹 xalqaro akkreditatsiyadan o‘tgan laboratoriyalar soni 29 taga yetdi;
🔹 112 ta sanitariya normativi (SaNQvaN) xalqaro talablarga muvofiqlashtirildi;
🔹 sanitariya-epidemiologik xulosa rasmiylashtirish jarayoni 30 foizgacha qisqartirildi;
🔹 emlash qamrovi 95 foizga yetkazildi;
🔹 46 ta muassasada qurilish va rekonstruksiya ishlari olib borilmoqda;
🔹 204 ta muassasa zamonaviy uskunalar bilan ta’minlanmoqda.
Kelgusida kasalliklarni prognozlash, laboratoriya tahlillari va profilaktika jarayonlariga sun’iy intellekt texnologiyalarini joriy etish rejalashtirilgan.
Sanitariya-epidemiologiya sohasi zamonaviy, raqamli va xavflarning oldini olishga yo‘naltirilgan tizimga aylanmoqda.

🎙Bularning barchasi haqida «O‘zbekiston-1» telekanalining «Taraqqiyot yo‘li» ko‘rsatuvida batafsil ma’lumot beriladi.


⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

🔴⭕️⭕️⭕️⭕️

Noto‘g‘ri parta bolaning qaddi-qomatiga zarar yetkazishi mumkin!

Maktab o‘quvchilari kunning katta qismini sinfxonada, parta ortida o‘tkazadi. Shu sababli parta va stullar gigiyenik talablarga mos bo‘lishi juda muhim.

Asosiy gigiyenik talablar:

⌛ O‘quvchi bo‘yiga moslik: parta va stullar o‘quvchilarning bo‘yiga mos o‘lcham guruhlariga ega bo‘lishi hamda raqamli va rangli belgilar bilan markalanishi kerak.

✏️ Yuzaning qiyaligi: parta yuzasi 7–15 daraja qiyalikda bo‘lishi lozim.

🎨 Xavfsiz qoplama: parta va stullar xavfsiz rang hamda silliq, tozalashga qulay qoplama bilan qoplangan bo‘lishi kerak.

🪵 Ekologik xavfsizlik: mebellar formaldegid kabi zararli kimyoviy moddalarni ajratmaydigan, sertifikatlangan xavfsiz materiallardan tayyorlanishi lozim.

🚨 Unutmang: o‘quvchining bo‘yiga mos va to‘g‘ri tanlangan parta — sog‘lom qaddi-qomat hamda darsda diqqatni yaxshi jamlash garovidir!


⚡️ Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

❗️Ish joyida tazyiq va zo‘ravonlikka qarshi yangi tizim: murojaat endi nazorat ostida bo‘ladi

Joriy yil 21-sentabr kuni “Mehnat sohasida xavfsiz va hurmatga asoslangan ish muhitini ta’minlash chora-tadbirlari to‘g‘risida” Prezident qarori qabul qilindi. Hujjat bilan ish joyida tazyiq, zo‘ravonlik, shahvoniy shilqimlik, ruhiy bosim, ta’qib va kamsitishning oldini olish, murojaatlarni xolis ko‘rib chiqish va bunday holatlarni yashirishga yo‘l qo‘ymaslik bo‘yicha yaxlit tizim joriy etilmoqda.

❓ Raqamli tizim qachondan ishlaydi?

2026-yil 1-dekabrgacha “Xavfsiz va hurmatga asoslangan ish muhiti” axborot portali ishga tushiriladi. U orqali tazyiq va zo‘ravonlik holatlari bo‘yicha murojaatlar onlayn qabul qilinadi, murojaatlarni ko‘rib chiqish, dalillarni yig‘ish, xulosa tayyorlash va tekshiruv natijalarini nazorat qilish jarayonlari raqamlashtiriladi.

⚡ Eng muhim kafolatlar

✔️Murojaat qilgan xodimning shaxsiy ma’lumotlari himoya qilinadi.
Bunday ma’lumotlarning qonunchilikda nazarda tutilmagan hollarda oshkor qilinishiga yo‘l qo‘yilmaydi.
✔️ Rahbar ustidan murojaat tushsa, masala yuqori turuvchi instansiyaga avtomatik yo‘naltiriladi.
Bu manfaatlar to‘qnashuvining oldini olishga xizmat qiladi.
✔️ Murojaat uchun bosim o‘tkazishga yo‘l qo‘yilmaydi.

⛔Qaror materiallarida xodim o‘z huquqlarini himoya qilgani uchun uning ish sharoitlarini yomonlashtirish yoki jazolashga yo‘l qo‘yilmasligi alohida ta’kidlangan.

👍 Zarur holatlarda “112” orqali vakolatli organlarga yuborish mexanizmi ham tizimga integratsiya qilinadi.

📌Bu faqat shikoyat tizimi emas

🔷Davlat organlari va tashkilotlari xodimlari har yili qisqa trening kurslarida o‘qitiladi. Har bir tashkilotda portalni yuritish va profilaktik treninglarni tashkil etish uchun kamida bir nafar mas’ul xodim belgilanadi.

🔷Nodavlat tashkilotlar uchun ham dmi.mehnat.uz tizimida mazkur imkoniyatlardan ixtiyoriy foydalanish sharoiti yaratiladi.

⛔

Qarorning asosiy mazmuni bitta: ish joyidagi tazyiq yoki zo‘ravonlikni yashirish emas, uni xavfsiz bildirish, xolis ko‘rib chiqish va natijasini nazorat qilishning aniq mexanizmi yaratilmoqda.

✅ Hurmat — imtiyoz emas. Xavfsiz ish muhiti esa endi alohida talab emas, tizimli vazifaga aylanmoqda.

⚡️Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

💉 BOLALARGA PROFILAKTIK EMLASHLAR QACHON VA QAYSI KASALLIKLARGA QARSHI O‘TKAZILADI?

O‘zbekistonda bolalar profilaktik emlashlar milliy kalendariga muvofiq quyidagi kasalliklarga qarshi emlanadi:

🔹 1 sutkalikda — VGB-1: virusli gepatit Bga qarshi.
🔹 2–5 kunlikda — BSJ-1: silga qarshi.
🔹 2 oylikda — OPV-1, Rota-1, Pnevmo-1 va Penta-1. Ular poliomiyelit, rotavirus infeksiyasi, pnevmokokk infeksiyasi, shuningdek difteriya, ko‘kyo‘tal, qoqshol, gepatit B va b turidagi gemofil infeksiya (XIB)ga qarshi himoya hosil qilishga xizmat qiladi.
🔹 3 oylikda — OPV-2, Rota-2, Pnevmo-2 va Penta-2: tegishli vaksinalarning navbatdagi dozalari.
🔹 4 oylikda — OPV-3, Rota-3, Penta-3 va IPV-1. OPV ham, IPV ham poliomiyelitga qarshi vaksinalardir.
🔹 9 oylikda — IPV-2: poliomiyelitga qarshi navbatdagi doza.
🔹 12 oylikda — KPK-1 va Pnevmo-3: qizamiq, epidemik parotit (tepki), qizilcha hamda pnevmokokk infeksiyasiga qarshi.
🔹 16 oylikda — AKDS-4 va OPV-4: difteriya, ko‘kyo‘tal, qoqshol va poliomiyelitga qarshi.
🔹 6 yoshda — KPK-2: qizamiq, tepki va qizilchaga qarshi.
🔹 7 yoshda — ADS-M-5 va OPV-5: difteriya, qoqshol va poliomiyelitga qarshi.
🔹 9 yoshda — VPCH: odam papilloma virusiga qarshi.
🔹 16 yoshda — ADS-M-6: difteriya va qoqsholga qarshi.

📌 Eslatma: 2, 3 va 4 oylikda kalendarda ko‘rsatilgan Penta bitta kombinatsiyalangan vaksina bo‘lib, uning tarkibiga AKDS, VGB va XIB komponentlari kiradi. OPV va Rota og‘iz orqali, qolganlari esa tegishli yo‘riqnomaga muvofiq inʼeksiya orqali yuboriladi. Aniq doza va yuborish joyi ishlatilayotgan vaksina yo‘riqnomasiga qarab tibbiyot xodimi tomonidan belgilanadi.

🚨Mamlakatdagi epidemiologik vaziyatni inobatga olib, qo'shimchalar kiritilishi mumkin. (Masalan hozirda qizamiqqa qarshi emlash 6 oylikda ham amalga oshirilmoqda)


⚡️Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt

⏸📯📯📯

YOSHLAR SALOMATLIGI — DOIMIY E’TIBORDA

Xiva shahrida Xorazm viloyati Sanitariya-epidemiologik osoyishtalik va jamoat salomatligi boshqarmasi tomonidan O‘zbekiston Respublikasi Prezidentining PF–66-sonli Farmoni ijrosini ta’minlash, yoshlar o‘rtasida sog‘lom turmush tarzini targ‘ib qilish va ularning sportga bo‘lgan qiziqishini oshirish maqsadida sport musobaqalari tashkil etildi. Musobaqalarda boshqarma hamda Xiva shahri, Xiva va Yangiariq tumanlari bo‘limlarining yosh xodimlari ishtirok etdi.

🚩Bellashuvlar voleybol, shaxmat, shashka va stol tennisi bo‘yicha o‘tkazilib, ishtirokchilar o‘zlarining jismoniy tayyorgarligi, chaqqonligi, mantiqiy fikrlashi va jamoaviy hamjihatligini namoyon etdi.

🥇Qizg‘in va murosasiz kechgan bahs yakuniga ko‘ra, xotin-qizlar o‘rtasidagi voleybol musobaqasida Xorazm viloyati boshqarmasi jamoasi, shaxmat bo‘yicha Xiva tumani jamoasi, yigitlar o‘rtasidagi voleybol bahslarida Xiva shahri jamoasi, stol tennisi bo‘yicha esa Xorazm viloyati boshqarmasi jamoasi 1-o‘rinni egalladi.

⚡️Sanepidqo'mita Axborot xizmati

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt