😎🟦🟦🟦

YOSHLAR SPORT MAYDONIDA: G‘ALABA VA HAMJIHATLIK

Prezidentimizning PF–66-son Farmoni ijrosini ta’minlash, yosh xodimlar o‘rtasida sog‘lom turmush tarzini keng targ‘ib qilish, ularning bo‘sh vaqtini mazmunli tashkil etish hamda sportga bo‘lgan qiziqishini yanada oshirish maqsadida Xorazm viloyati Sanitariya-epidemiologik osoyishtalik va jamoat salomatligi boshqarmasi tomonidan Urganch shahri, Urganch tumani va Yangibozor tumani yosh xodimlari o‘rtasida sport musobaqalari o‘tkazildi.

Musobaqalarda yoshlar voleybol, shaxmat, shashka va stol tennisi bo‘yicha o‘zaro bellashib, o‘zlarining sport mahorati, jismoniy tayyorgarligi, chaqqonligi va mantiqiy fikrlash qobiliyatlarini namoyon etdilar.

Qizg‘in va murosasiz kechgan bahslar yakunida voleybol bo‘yicha yigitlar o‘rtasida Urganch shahri, xotin-qizlar o‘rtasida Yangibozor tumani jamoasi birinchi o‘rinni egalladi. Shashka bo‘yicha xotin-qizlar o‘rtasida Urganch tumani, erkaklar o‘rtasida esa Urganch shahri jamoasi birinchi o‘rinni qo‘lga kiritdi. Shaxmat bo‘yicha xotin-qizlar o‘rtasida Yangibozor tumani, yigitlar o‘rtasida Urganch shahri jamoasi birinchi o‘ringa sazovor bo‘ldi. Stol tennisi bo‘yicha xotin-qizlar o‘rtasida esa Urganch tumani vakillari birinchi o‘rinni egalladi.

Bellashuvlarda yoshlarning sportga bo‘lgan qiziqishi, faolligi va jamoaviy hamjihatligi yaqqol namoyon bo‘ldi. G‘olib va sovrindorlar munosib taqdirlandi.

Mazkur tadbir yoshlarni sog‘lom turmush tarziga keng jalb etish, sportga bo‘lgan qiziqishini oshirish, bo‘sh vaqtini mazmunli tashkil etish hamda yosh xodimlar o‘rtasida do‘stlik va hamjihatlik muhitini mustahkamlashga xizmat qildi.

⭕️⭕️⭕️⭕️⭕️⭕️⭕️⭕️⭕️⭕️⭕️⭕️

📱Telegram|📱Instagram|📱Facebook|📱YouTube|📱Veb-sayt | 🌐Emlash veb-sayt