Jarayonda hududga mas’ul sanitar tozalash korxonasi tomonidan aholiga ko‘rsatilayotgan xizmatlar holati, belgilangan majburiyatlarning bajarilishi va mavjud muammolar atroflicha tahlil qilindi.

O‘rganish davomida aholining qattiq maishiy chiqindilarni olib chiqib ketish xizmati bilan qamrab olinganlik darajasi, chiqindilarni belgilangan grafik asosida olib chiqish holati, shuningdek, hududlarda xizmat sifati va uzluksizligini ta’minlash masalalariga alohida e’tibor qaratildi.

Jumladan, poligon hududida chiqindilarni belgilangan tartibda joylashtirish, atrof-muhitga salbiy ta’sirning oldini olish va hududda xavfsiz faoliyat yuritish maqsadida poligon atrofi beton devor to‘siq bilan to‘liq o‘raldi.

Shuningdek, maxsus texnikalarning poligon hududiga erkin harakatlanishini ta’minlash maqsadida kirish yo‘laklari asfaltlanib, zarur qismlarga shag‘al yotqizildi. Ushbu ishlar chiqindilarni olib kelish va joylashtirish jarayonlarida qulaylik yaratish bilan birga, transport harakatining xavfsizligini oshiradi.

Bundan tashqari hududda ekologik muhitni yaxshilash va yashil hududlar barpo etish maqsadida poligon atrofiga pavlovniya ko‘chatlari ekildi. Ko‘chatlarning yaxshi rivojlanishi uchun sug‘orish tizimi yo‘lga qo‘yilib, ularni muntazam parvarishlash choralari ko‘rilmoqda.

Shuningdek, xavfsizlik va doimiy nazoratni ta’minlash maqsadida zamonaviy videokuzatuv kameralari o‘rnatildi. Videokuzatuv tizimi orqali poligon hududida olib borilayotgan ishlar, maxsus texnikalar harakati hamda xavfsizlik talablari bajarilishi doimiy nazorat qilib boriladi.

Jarayonda korrupsiyaviy holatlarning oldini olish, manfaatlar to‘qnashuviga yo‘l qo‘ymaslik, xodimlarning huquqiy madaniyatini oshirish hamda sohada ochiqlik va shaffoflikni ta’minlash masalalari muhokama qilindi.

Shuningdek, ishtirokchilarga korrupsiyaga qarshi kurashish bo‘yicha amaldagi qonunchilik talablari, xizmat faoliyatida halollik va mas’uliyat tamoyillariga rioya etish yuzasidan tushuntirishlar berildi.

Xodimlarining salomatligi muntazam ravishda nazorat qilinib, ularning mehnat faoliyatini xavfsiz sharoitda olib borishi uchun zarur choralar ko‘riladi. Shuningdek, chiqindilarni tashishga jalb etilgan maxsus texnikalarning texnik holati doimiy ravishda tekshirilib, ularning soz va xavfsiz holatda harakatlanishi ta’minlanadi.

Bundan tashqari, aholiga ko‘rsatilayotgan xizmatlar sifati muntazam monitoring qilinadi. Chiqindilarni belgilangan jadval asosida o‘z vaqtida olib chiqish, fuqarolarning murojaatlariga tezkor munosabat bildirish hamda xizmat ko‘rsatish samaradorligini oshirish ustuvor vazifalardan biri hisoblanadi.

Seminarda boshqarma boshlig‘i boshchiligida “Toza hudud” hamda “Chiqindi poligonlarini boshqarish direksiyasi” davlat muassasasi mutasaddilari va tizim tashkilotlari xodimlari qatnashdi.

Jarayonda korrupsiya va poraxo‘rlikning salbiy ta’siri, uning oqibatlari haqida batafsil so‘z yuritildi. Ishtirokchilarga korrupsiyaviy holatlarga qarshi kurashishning huquqiy asoslari, qonunchilikda belgilangan jazo choralari misollar bilan tushuntirib berildi.