G‘azo sektorida og‘ir sharoitlarda yashayotgan bolajonlarga sut va bolalar tagligi ulashdik.

Ko‘plab oilalar kundalik ehtiyojlarini ta’minlashda jiddiy qiyinchiliklarga duch kelayotgan bir paytda, ushbu yordam kichkintoylar salomatligi va parvarishi uchun oz bo‘lsa-da yengillik bo‘lishini niyat qildik.

Saxovatli Qo‘llar xayriya tashkiloti sifatida ushbu loyiha siz aziz ehson egalarining ko‘magi bilan amalga oshirildi.

🤲 Alloh taolo bu xayrli ishda hissa qo‘shgan barcha saxovatli insonlardan rozi bo‘lsin va qilgan ehsonlaringizni qabul qilsin.

☎️ Aloqa va yordam uchun:

Telegram; t.me/saxovatli

WhatsApp; +905335661145

Bu yil Ramazon G‘azoga odatdagi quvonch va shodlik bilan emas, og‘ir sinovlar ichida kirib keldi.
Bir paytlar chiroqlar bilan bezatilgan ko‘chalar bugun vayronalar va sukutga burkangan.

Ko‘plab oilalar o‘z uylarisiz, chodirlar yoki yarim vayrona joylarda saharlik va iftorlikni qarshi olmoqda.
Sovuq tunlarda kichik o‘t atrofida yig‘ilgan bolalar, ota-onalarining ko‘zlarida esa tashvish va sabr aks etadi.

Ramazon — rahmat va baraka oyi. Ammo bu yerda u ko‘proq sabr, chidam va matonat oyiga aylangan.
Suv uchun navbatlar, bir burda non uchun kutish, oddiy hayot ne’matlarining qanchalik qadrli ekanini yana bir bor eslatmoqda.

Shunga qaramay, qalblarda iymon nuri so‘nmagan.
Azon sadolari vayronalar orasida ham yangraydi, duolar osmon sari ko‘tariladi, ro‘zadorlar esa sabr bilan bu muborak kunlarni o‘tkazmoqda.

Bu manzaralar bizga Ramazonning asl ma’nosini — rahm-shafqat, mehr va insoniylikni eslatadi.
Uzoqda bo‘lsak ham, qalblar yaqinligini his qilamiz.

Muborak Ramazon oyida Saxovatli Qo‘llar xayriya jamoasi tomonidan G‘azo sektorida og‘ir sharoitlarda yashayotgan muhtoj oilalarga oziq-ovqat paketlari ulashildi.

Ushbu loyiha doirasida 100 ta oilaga oziq-ovqat mahsulotlari yetkazildi. Ko‘plab oilalar kundalik oziq-ovqat topishda jiddiy qiyinchiliklarga duch kelayotgan bir paytda, bu yordam ularning dasturxoniga oz bo‘lsa-da baraka, yengillik va taskin bo‘lishini niyat qildik.

Saxovatli Qo‘llar xayriya tashkiloti sifatida G‘azoda insonparvarlik faoliyatlarimiz izchil davom etmoqda. Jumladan, iftorlik taomlari ulashish, toza ichimlik suvi yetkazib berish hamda boshqa xayriya loyihalarimiz ham muntazam amalga oshirilib kelmoqda.

Mazkur loyihalar siz aziz ehson egalarining ko‘magi bilan amalga oshirildi. Sizning saxovatingiz sinovli kunlarda muhtoj oilalar uchun katta dalda bo‘lib xizmat qilmoqda.

🤲 Alloh taolo bu xayrli ishda hissa qo‘shgan barcha saxovatli insonlardan rozi bo‘lsin, qilgan ehsonlaringizni qabul qilsin va savobingizni ziyoda qilsin.