1. Germaniya
Relyefi shimoldan janubga tomon ko‘tarilib boradi. Shimoliy qismida pasttekisliklar, markazida past va o‘rta balandlikdagi tog‘lar, janubida esa balandligi 3000 metrga yaqin bo‘lgan Alp tog‘lari joylashgan.

2. Buyuk Britaniya
Janubi-sharqiy qismi asosan tekisliklardan iborat, shimoli-g‘arbiy hududlarida esa o‘rta balandlikdagi tog‘lar ustunlik qiladi.

3. Fransiya
Hududining 2/3 qismini tekisliklar tashkil etadi. Sharqiy, markaziy va janubiy qismida turli balandlikdagi tog‘lar mavjud.

4. Italiya
Relyefi asosan tog‘lardan iborat. Bu seysmik va vulkanik faol hudud hisoblanadi. Mamlakatda bir necha faol vulqonlar mavjud; qit’adagi eng baland vulqon ham shu yerda joylashgan.

5. Rossiya
Hududining 70% ga yaqini tekisliklardan iborat. Baland tog‘lar esa mamlakatning sharqiy va janubiy chekka qismlarida joylashgan.

6. Qozog‘iston
Relyefida tekisliklar ustunlik qiladi. Tog‘ tizmalari faqat janubi-sharqiy qismida joylashgan. Markaziy hududlari kuchli parchalangan yassitog‘liklardan iborat.

7. Qirg‘iziston
Mamlakat relyefining asosiy xususiyati — uning tog‘li ekani. Hududning qariyb 90 % ini tog‘ tizmalari egallaydi.

8. Turkmaniston
Hududining katta qismi pasttekisliklardan iborat. Janubiy va janubi-sharqiy qismida Kopetdog‘ tog‘lari, shimoli-g‘arbida esa Ustyurt platosi joylashgan.

9. Tojikiston
Hududining qariyb 90% ini baland tog‘lar egallaydi. Sharqiy qismi o‘rtacha balandligi 4000 metrdan yuqori bo‘lgan hududlardan iborat. Seysmik faol mintaqa bo‘lgani uchun kuchli zilzilalar tez-tez sodir bo‘ladi.

10. Turkiya
Relyefi asosan tog‘liklardan iborat. Tekisliklar, asosan, dengiz bo‘ylarida uchraydi. Hududi seysmik jihatdan juda faol.

11. Eron
Relyefi bir necha tog‘ tizmalari va ular orasidagi botiqlardan iborat. Toshloq va sho‘rxok cho‘l hududlari ham keng tarqalgan.

12. Afg‘oniston
Hududining katta qismi, ayniqsa sharqi va markazi baland tog‘lar bilan band. Shimoliy va janubi-g‘arbiy qismlarini tog‘oldi tekisliklari egallaydi. Zilzilalar tez-tez sodir bo‘ladi. Mineral resurslarga boy, ammo kam o‘zlashtirilgan.

13. Pokiston
Shimoliy va g‘arbiy qismlari baland tog‘lardan iborat. Sharqiy va janubiy hududlarida esa tekisliklar ustunlik qiladi.

14. Xitoy
Sharqiy qismida tekisliklar va yassitog‘liklar keng tarqalgan. G‘arbiy qismlari baland tog‘lar hamda cho‘l xususiyatiga ega bo‘lgan tog‘oralig‘i botiqlardan iborat.

15. Koreya Respublikasi
Qadimgi platformada joylashgan bo‘lib, relyefi kuchli parchalangan o‘rta balandlikdagi tog‘lardan iborat. Yaroqli yerlar nisbatan kam.

16. Yaponiya
Seysmik mintaqada joylashganligi sababli zilzila va sunamilar tez-tez sodir bo‘ladi. Hududining 75% ini tog‘lar va qirlar egallaydi. Tog‘larning ko‘pligi qishloq xo‘jaligi yerlarini cheklaydi.

17. Hindiston
Mamlakat tabiiy resurslarga juda boy. Hududida dunyoning eng baland tog‘lari, keng o‘rmonlar, savannalar bilan qoplangan yassitog‘liklar hamda qumli cho‘llar uchraydi.

18. Qirg‘iziston
Mamlakat tabiatining asosiy xususiyatiuning tog‘liligi hisoblanadi. Mamlakathududining deyarli 90 % i tog‘ tizmalari bilan band

19. Singapur
Relyefi pasttekislik ko‘rinishiga ega. Eng baland nuqtasi Toshkentning mutlaq balandligidan qariyb ikki baravar past. Mamlakatda deyarli hech qanday foydali qazilma mavjud emas. Ekvatorga juda yaqin joylashgan.

20. Janubiy Afrika Respublikasi
Relyefi xilma-xil: sharqiy va janubiy qismlarida tog‘lar, shimoliy va janubi-g‘arbida esa plato hududlari keng tarqalgan.

21. Nigeriya
Hududi relyefiga ko‘ra ikki qismga bo‘linadi: shimoli asosan yassitog‘liklardan, janubi esa pasttekisliklardan iborat.

22. Avstraliya
Relyefi asosan tekisliklar va kuchli parchalangan platolardan iborat. Faqat sharqida o‘rtacha balandlikdagi Buyuk Suvayirg‘ich tizmasi joylashgan.

23. AQSH
Hududi juda yirik bo‘lgani uchun tabiiy sharoiti nihoyatda xilma-xil. Sharqiy va markaziy qismlari, asosan, tekisliklardan iborat.

24. Kanada
Sharqiy qismi qadimgi platformada joylashgan bo‘lib, tekisliklar va yassi tog‘liklar ustun. Tinch okeani bilan tutash hududlari baland tog‘liq.

25. Braziliya
Qadimgi platformada joylashgan bo‘lib, relyefi pasttekisliklar va yassitog‘liklardan iborat.