Ah, bu uzun sevda yolu
Vurulurmu başa, könül!
Nişan aldım, kaman atdım,
Dəydi oxum daşa, könül!

Bir od düşdü buluduna,
Yandı könül eşq oduna,
Qaldın hicran umuduna,
Ey qırılan şişə könül!

Tərlansan, göydən enməzsən,
Bu torpaqda sevinməzsən,
Mən dönərəm, sən dönməzsən,
Yaşa, könül, yaşa, könül!

Mikayıl Müşfiq

@seirqoxulum

Həsrət - nəqaratdır sənli fəryada,
yaşamaq müşküldür sənsiz dünyada,
bütün dediklərin yalan olsa da,
kimə inanaydım səndən savayı?

Vahid Əziz

@seirqoxulum

Səni elə sevdim ki,
şeirlər də qısqandı,
Qələm məndən incidi
vərəq məndən küs qaldı

Coşqun Həsənzadə

@seirqoxulum

Sızıldadı könül simim,
Sən köçəli ocağımdan.
Görən axı kimim var ki?
Çəkər məni batağımdan.

Ancaq düşmən qazanmışam,
Tənhalığa calanmışam.
Aldanmışam, inanmışam,
Dörd divar, dörd bucağımdan.

Bacarmıram ağlamağı,
Məktub yazıb saxlamağı,
Hərdən sənə qarğamağı,
Yaşda düşmür yanağımdan.

Özümə nifrət qusuram,
İçimdə həsrət coşuram.
Hər gecə yolun pusuram,
Qoxun getmir yatağımdan.

Deyirəm bir gün görüşək,
Ayrılığı gəl, bölüşək.
Şirin ana laylasıtək,
Səsin itmir qulağımdan.

#izləyicimizdən Nail Zeyniyev

Ləbbeyk ya Hüseyn🖤🙏🏻

Hər gecəmə yoxluğundu tək həmdəm...
Dostdu artığ mənə kədər, qüssə, qəm.
Fikrindən olsam əgər dəli sərsəm...
Xəyalında bir an canlandır məni.

Gələrəm yuxuna zülmət gecələr...
Sənlə gəzdiyimiz həmən küçələr.
Ayrı saldı bizi aman şübhələr...
Heç olmasa indi qısqandır məni...

Yeri deyil bəlkə də qısqanmağın...
Sən çəkdin sinəmə hicran dağın.
Mənası yoxdu sevgini danmağın...
Gəl indi sevgiyə inandır məni.


M.Hafiz #izləyicimizdən

@seirqoxulum

Mənə əziz olan birinin şeirlərinin səsləndirdiyi səhifələridir. Buyurub baxa bilərsiniz

https://www.youtube.com/@gulumsebacardiq


https://www.instagram.com/gulumsebacardiq?igsh=YjUzZzUzczl1MnEw

Kamal Abdullanın eyni adlı şeirinə nəzirə:

"Unutmağa kimsə yoxdu", bəlkə var?
Bəlkə, elə unudulan özüməm?
Bir hardasan deyənim yox nə vaxtdı
Məni elə yada salan özüməm.

Ömür kimi ötəcəcəksən, əzizim
Qorxduğumu edəcəksən, əzizim
Sən qonaqsan, gedəcəksən, əzizim
Vallah, elə mənə qalan özüməm.

Səddam Laçın

@seirqoxulum

..Nәlәr arzuladıq, nәlәr qazandıq,
Hәlә nәlәri dә itirәcәyik.
Yollara sarılıb biz dә uzandıq,
Hara gәlib çatdıq belә tәlәsik?

De mәnә varmıydın, ya bәlkә yoxdun?
De mәnә, yuxudu bәlkә bu dünya?
Bu bulaq suyunda sәnmiydin axdın?
Bu bulud apardı sәni haraya?

Vaxt gәlir, hәr şeyin yetişir sonu,
Bu nәydi qurtardı, yox oldu, getdi?
Bu da bir hәyatdı, oynadıq onu,
Bu da bir oyundu, yaşadıq bitdi...

Kamal Abdulla

@seirqoxulum

Xəyal qurma, Ay üzlüm,
Ömür icazə verməz.
Elə ömür demişkən,
Mənim nə ömrüm var ki?!
Dörd fəsillik adamam.
Ömür qısa, arzu çox,
Mən şeir müəllifi yox,
Tam şeirlik adamam.

Məni sevmə, əzizim,
Sən bir ömürlük qadın,
Mən bir illik adamam.

Səddam Laçın

@seirqoxulum

Allah qəlbimizdən xəbərdardır. Ona sığınmaq, dua etmək..🫠🤍

Ruhum qovuşub vəhdətə erkən,
İnsan can atır şəhvətə erkən.
Aşiq çəkilib xəlvətə erkən,
Nihan sirri əziz tutub demək.

Məcnunə sual etdim birdən,
Leyla verdi cavab sevdim birdən.
Günahkarı mənəm getdim birdən,
Qəlbini təmiz tutub demək.

Qismətim vüsalı-yar olmadı,
Nihan tutdum qəm aşkar olmadı.
Yarıma qismət əğyar olmadı,
Niyyəti bu Hafiz tutub demək.

#izləyicimizdən M.Hafiz

@seirqoxulum

@seirqoxulum 🕊

Xəyalın yanımda, sən uzaqdasan,
Hicranın yolları ömür qədərdir.
Bu yalqız axşamda yuvama baxsan,
Mənəm, xəyalındır, bir də kədərdir.

Gəl ört pəncərəni, qalaq üz-üzə
Bir sən ol, bir də mən, bir də gözlərin
Vüsal qərq olurkən hicran dənizə,
Ağ bir yelkən olsun o son sözlərin.

Bir sən ol, bir də mən, bir də dərdimiz
Ağlayaq doyunca gülək doyunca,
Baş-başa qaldıqca bu möhnətdə biz,
Döysün qapıları külək doyunca

Döysün, qoy açmayaq yorulsun külək,
Qəmli hicran qalsın qapıda dustaq.
Bir az vüsalınla çırpınsın ürək,
Sonra… Sonra yenə biz ayrılmayaq..

Rəsul Rza

@seirqoxulum

Hər kəsə salam əziz izləyicilərim.
Çox hörmət etdiyim biridir və hal-hazırda ağır bir sınaqdan keçir. Xahiş edirəm kimin gücü nəyə çatırsa azdır deyə düşünməyin kömək edin və paylaşıb dəstək olun. Allah kömək edən hər kəsdən razı olsun🙏🏻🙏🏻