Və həyatının baharında biz onu itirdik😔
Allah səni rəhmət eləsin, Amid.🙏🏻 Kaş belə olmazdı..

Ayrılıq | Vasif Zöhraboğlu

Kölgəsi ayrılıq, özü ayrılıq,
Bir ümüd sükutda, səsdə yatıram.
Nəğməsi ayrılıq, sözü ayrılıq,
Dilimdə bir həzin bəstə, yatıram.

Bu ömrü yarıtmaq, yaramaq üçün,
Yoxammı bir zənglə aramaq üçün?
Bir qaçaq sevgini qorumaq üçün,
Her gecə ürəyim üstə yatıram.

@seirqoxulum

Həyatın qarışıqlığında sözsüz ki, hər birimizin dincəlməyə ehtiyacı var. Ruhunuzu dincəltmək məqsədi güdərək, sizə tam təmənnasız bir gün təklif edirik. Birlikdə şeirlər səsləndirəcək, dinləyəcək, həmçinin musiqi sədası altında söhbətlər edəcək, şirniyyat saatında yeni dostlar tanıyacayıq. Sizi inandırıram ki, ifadə edə bilməyəcəyim qədər gözəl bir şey planlaşdırırıq. Hər şeyi açıqlamırıq.

•Yerlər məhduddur..♥️

Ünvan qeydiyyatdan keçənlərə göndəriləcək. Məkan Binəqədidə yerləşən tədris mərkəzi olacaq.

Qeydiyyat üçün @ms.magnoliya Instagram hesabına yazmağınız mütləqdir.

Eşqin baharında itirib məni,
Qışında fərqinə varan adamsan.
Bu soyuq hələ çox üşüdər səni,
Sən ürək sındıran, qıran adamsan.

Ziya Fədai

@seirqoxulum

Seni düşünmek güzel şey,
ümitli şey,
dünyanın en güzel sesinden
en güzel şarkıyı dinlemek gibi birşey...
Fakat artık ümit yetmiyor bana,
ben artık şarkı dinlemek değil,
şarkı söylemek istiyorum...

NAZIM HİKMET

@seirqoxulum

Məndən daha umma mədət,
Ölməlidir bu məhəbbət,
Mənə unutmağı öyrət
Sonra özün, unut məni.

🖊 ms.magnoliya

@seirqoxulum

Çox gözlərə baxdım
səmavi, siyah,
qonur gözlərindən qəşəng
görmədim.
Bağlarda gül azdı,
dağlarda lalə,
dodaqların kimi çiçək
görmədim.
Hərcayi insanlar çox vədə verdi,
onlarda saf ürək, dilək
görmədim.
Çox qumaşa baxdım,
atlaza baxdım,
qumral sazın kimi ipək
görmədim.
Ürəklərə baxdım,
bir sərraf oldum,
qəlbin kimi böyük ürək,
görmədim.

Rəsul Rza

@seirqoxulum

Çəksin səri kuyində sənin qüssə qəm aşiq
Məftun eliyib huriləri möhtərəm aşiq

O qaşı hilal zulfi siyah ləbləri püstə
Təsvir edərək axtarıram möhtəşəm aşiq

Göz yaşi ilə ərsəyə gəlmiş bu dənizlər
Batsın gəmilər məndə içində oləm aşiq

Ta aləmi zərrdən, gözəlim, mən səni seçdim
Yoxsa seçərəm gör nə qədər istəsəm aşiq

Mən istəmərəm tək elə bu dəhridə olsun
Sən daimi ol ol mənə sən müntəzəm aşiq

Rauf eliyib eşqini bu dilbərə təsdiq
Eşqində yanıb döndü külə ol qələm aşiq

#izləyicimizdən Rauf Kərrar

@seirqoxulum

Mən cəhənnəmdə də baş yastığa qoysam sənlə,
Heç ayılmam ki, durub cənnəti-məvayə gəlim.
Nənə qarnında da sənlə əkiz olsaydım əgər,
İstəməzdim doğulub bir də bu dünyayə gəlim.
Sən yatıb cənnəti röyada görəndə gecələr,
Mən də cənnətdə quş ollam ki, o röyayə gəlim.

✓Məhəmmədhüseyn Şəhriyar

@seirqoxulum

Sənsiz qaldım, qəlbimin
Artdı qəmi - darıxdım.
Yanına qayıtmağın
Yetdi dəmi - darıxdım.

İnsafı yox gecənin,
Qərib, soyuq gecənin.
Oyanaraq gecənin
Bir aləmi - darıxdım.

Yer sıxdı birdən-birə,
Dərd axdı birdən-birə
Darıxdım birdən-birə,
Vəhşi kimi darıxdım.

Rəşad Məcid

@seirqoxulum

Başımı qoyaram gündə yüz kərə,
Bir yol ayağını qoyduğun yerə.
Eşqindir ucaldan məni göylərə,
Bu eşqin gücünə minnətdaram mən.

Sevgiyə həd qoymaq düzü günahdı,
Cahilin hər işi, sözü günahdı,
Eşqi günah saymaq özü günahdı,
Kim deyir eşqimdə günahkaram mən?!

Özün bir aləmsən, eşqin bir aləm,
Sən olan könüldə nə kədər, nə qəm,
Sənsiz bu dünyanın ən bədbəxtiyəm,
Səninlə dünyada BƏXTİYARam mən.

Bəxtiyar Vahabzadə

@seirqoxulum

Günler gitgide kısalıyor,
Yağmurlar başlamak üzere.
Kapım ardına kadar açık bekledi seni.
Niye böyle geç kaldın?

Nazım Hikmet

@seirqoxulum

Və "Şeir qoxulum" ailəsi getdikcə böyüyür🤍

Gəldin də, niçin pəmbə buludlar kimi axdın,
Bilməm, niyə getdin, niyə döndün, niyə baxdın?
Şimşək kibi çaxdın da, niçin könlümü yaxdın,
Bilməm, niyə getdin, niyə döndün, niyə baxdın?
Sərpildi alev ruhuma süzgün baxışından,
Sarsıldı da həp bənliyim, ey afəti-devran.
Gəl, gəl, olayım səndəki hər cilvəyə qurban.
Bilməm, niyə getdin, niyə döndün, niyə baxdın?

Hüseyn Cavid

@seirqoxulum

Günəşsən göylərdən enməyəcəksən
Sənsiz nə çəkirəm bilməyəcəksən
Bilirəm bir daha dönməyəcəksən
Hələ də sevirəm, sevirəm səni.

Bu bahar könlümə gətirdi qəmi,
Mən oldum dəryada yelkənsiz gəmi,
Çiçəklər baharı sevdiyi kimi
Hələdə sevirəm, sevirəm səni.

Gedişin nə yaman agırmış, ağır
Qulağıma səsdir, adımı çağır
Üstümə qəm dolu yağışlar yağır
Hələdə sevirəm, sevirəm səni.

Gözlərim yoldadır qulağım səsdə
Ümidim çırpınır bir daş qəfəsdə,
Baş qoyub həsrətin qolları üstə,
Hələdə sevirəm, sevirəm səni.

Nüsrət Kəsəmənli

@seirqoxulum

Səninlə küsülü qala bilmirəm🤍
Şeir və səsləndirmə: Vahid Əziz

@seirqoxulum