Dağ başında qar üstünə qar gələr,
Gileylənmək zirvələrə ar gələr,
Hər nə geysəm vücuduma dar gələr,
Bu darlığa dözmək olmur, əzizim.

Əzəl gündən dünya yalan dünyadır,
Baha satan, ucuz alan dünyadır,
Arzuları nakam qalan dünyadır,
Dağılanı düzmək olmur, əzizim.

Heç bilməzdim daşım belə ağırdır,
Bəxtim belə biçarədir, fağırdır,
Gedəcəyəm, göylər məni cağıdı,
Daha yerdə gəzmək olmur, əzizim.

Kaşki dünya zalımlığın ataydı,
Qəlbim bir an istəyinə çataydı,
Yaşamağım göz yaşıdır, haraydır,
Göz yaşında üzmək olmur, əzizim.

Dalğalara yalvarmaqdan bezmişəm,
Hönkürməkdən, ağlamaqdan bezmişəm,
Səndən ayrı yaşamaqdan bezmişəm,
El-obadan bezmək olmur, əzizim.

🖊Vahid Əziz

@seirqoxulum

Gözüm yolda qalıb,qulağım səsdə,
Gedibsən,qalmışam mən qonaq kimi.
Sən yerin altında,mən yerin üstə,
Biz ayrı düşmüşük kök budaq kimi.

🖊Nəriman Həsənzadə

@seirqoxulum

Mən belə adamam, məndən uzaq gəz.
Uzaq gəz xeyirimdən, şərimdən mənim.
Daha bu qələmim çiçək bitirməz
Qızlar çələng hörməz şeirimdən mənim.

Ramiz Rövşən

@seirqoxulum

Sən mənim ən əziz sirrim, istəyim,
Sən mənim ən acı həqiqətimsən.
İtmiş gəncliyimdən soraq gətirən,
Sən mənim sonuncu məhəbbətimsən.

🖊Fikrət Qoca

@seirqoxulum

İnandım hər sözünə, alışdım hər közünə,
verdiyin əzabların dözmüşəm hər üzünə,
duysam da dəli olub sənin özün-özünə
gülürsən – inanmıram,

Axşamlar erkən düşür, isti mənnən gen düşür,
həyətdən səsin gəlir, eyvana kölgən düşür,
bezib yalanlarınnan həsrət məni üşüdür,
gəlirsən – inanmıram...

🖊Vahid Əziz

@seirqoxulum

İnamını itirənlərə həsr edək bu şeiri🕊

Maşallah olsun kanalımızın izləyiciləri gündən günə artır. Bu məni çox sevindirir və paylaşımlarımızı daha böyük sevgiylə edirik. Bəyənməyiniz bizim üçün çox önəmlidir. Kanalla bağlı təklif və iradlarınız olarsa, @seir_qoxulum_admin 'lə əlaqə saxlayaraq fikirlərinizi bölüşə bilərsiniz.
Hər biriniz xoş gəlmisiniz🤍

Yorumlarda qeyd edək😻

Mən daha bu şəhərin hər üzünü görmüşəm
Bitməyən gecəsini, gündüzünü görmüşəm
Qırıq-qırıq ümidlər yerə düşəndə gördüm,
Günəş qürub edəndə, rəng dəyişəndə gördüm.
Boşluqların civə tək birləşməsin bilirəm,
Boşluqların boşluğa yerləşməsin bilirəm.
Mən daha "gəl" sözünə getmərəm, şil olmuşam
Qəza olub ruhumda, eşqdən əlil olmuşam..

Bahar Zaman

@seirqoxulum

Daha mələklərin tikişi tutmur
Sökülür bu ömür, can üstündəyəm
Halal et, sevgili ən çətini də,
Şeirlər yazdıran həsrətini də
Sən atəş mən isə zərli kəpənək...
Tanrı qulağıma pıçıldayırdı:
"Qorxma! Atıl oda, yan! Üstündəyəm..."

Bahar Zaman

@seirqoxulum 🕊

Kanalımızda olan, olmayan hər bir hərbiçimizi Silahlı Qüvvələr Günü münasibətilə təbrik edirəm. Rəbbim şəhid olan hərbiçilərin ruhunu şad eləsin. Allah onlara rəhmət eləsin🙏🏻
Allah ordumuzu qorusun. Var olasınız, əziz hərbiçilər🇦🇿🤍

@seirqoxulum

Daha hansı şairlərin şeirlərini görmək istəyirsinizsə, yoruma qeyd edə bilərsiniz..🫶🏻🕊

Bəlkə də qovuşsaq, xoşbəxt olardıq,
Bəlkə də dəyməzdi, bu qorxaqlığa.
Səninlə cənnətə hər kəs gələrdi
Təkcə mən gələrdim hər bataqlığa.

Müəllifi: ms.magnoliya🤍

@seirqoxulum

Xoşbəxtlik, bəlkə də, bizim düşündüyümüz qədər çətin deyil. Məcazi məna kəsb edən sözdür. Ona görə onu görmək, toxunmaq, tapmaq olmur. Xoşbəxtlik hiss, duyğudur. Onu sadəcə yaşamaq, dadmaq lazımdır. Həyatınızın həqiqi anlamında xoş olun...✨
Hər kəsə xeyirli gecələr🕊

@seirqoxulum