🎙Ә. Қашаубаев атындағы мемлекеттік филармонияның жаңа маусымы бастау алды

Семейде Әміре Қашаубаев атындағы мемлекеттік филармонияның 81-ші концерттік маусымының ашылуына арналған «Әуелеген әуендер» атты концерт өтті. Өнерсүйер қауымды бір арнаға тоғыстырған кешке қала әкімі Әділет Нұрсағатұлы мен филармония директоры Секен Тұрысбекұлы қатысты.

Әділет Нұрсағатұлы Берік Уәлидің қолдауымен филармония алдындағы қоғамдық кеңістіктің қайта абаттандырылғанын атап өтті. Бұл жұмыс өнер ордасының айналасына көрік беріп, тұрғындар мен қала қонақтары үшін жайлы орта қалыптастыруға мүмкіндік берді.

«Әміре Қашаубаев атындағы филармония алдындағы қоғамдық кеңістік өткен ғасырдың 80-жылдарынан бері күрделі жөндеу көрмеген еді. Берік Уәлиұлының тапсырмасымен бұл аумақ қайта жаңарып, жаңа келбетке ие болды. Өнер ордасының айналасымен бірге шығармашылық тынысы да жаңарғандай. Секен Тұрысбекұлы басшылыққа келгелі әртістердің де жаңа серпін алып, тың шабытпен еңбек етіп жүргені байқалады», – деді қала әкімі.

«Әуелеген әуендер» концерті көрерменге өнердің әсемдігі мен әуеннің құдіретін сезіндіретін рухани кеш сыйлады. Жаңа маусымның шымылдығын ашқан бұл басқосу өнерпаздар мен тыңдарман арасындағы байланысты нығайтып, алдағы шығармашылық ізденістерге жол ашты.

📷inst | 🗳fb | 🌐gov.kz

#СемейҚаласыныңӘкімдігі

🎙В государственной филармонии имени А. Кашаубаева открылся новый концертный сезон

В Семее состоялся концерт «Әуелеген әуендер», посвящённый открытию 81-го концертного сезона государственной филармонии имени Амре Кашаубаева. Вечер, объединивший ценителей искусства, посетили аким города Адлет Нурсагатович и директор филармонии Секен Турысбекулы.

Адлет Нурсагатович отметил, что при поддержке Берика Уали было благоустроено общественное пространство перед филармонией. Проведённые работы преобразили прилегающую территорию и позволили создать комфортные условия для жителей и гостей города.

«Общественное пространство перед филармонией имени Амре Кашаубаева не видело капитального ремонта с 80-х годов прошлого века. По поручению Берика Уалиулы эта территория обновилась и обрела новый облик. Вместе с преображением пространства новый импульс получила и творческая жизнь филармонии. С приходом Секена Турысбекулы на пост руководителя артисты словно обрели второе дыхание и работают с новым вдохновением», — сказал аким города.

Концерт «Әуелеген әуендер» подарил зрителям яркие впечатления, позволив ощутить красоту искусства и силу музыки. Вечер, открывший новый сезон, укрепил связь между артистами и публикой и стал началом нового этапа творческих поисков.

📷inst | 🗳fb | 🌐gov.kz

#АкиматГородаСемей

🏋🏻Семейде «Семей батыры» турнирінің жеңімпаздары анықталды

Қала күніне орай Семейде күштік экстримнен дәстүрлі «Семей батыры» турнирі өтті. Биыл төртінші рет ұйымдастырылған жарысқа Өскемен, Риддер қалаларынан, Жарма ауданынан және Семей қаласынан келген спортшылар қатысып, күш-қайраты мен төзімділігін сынға салды.

Турнирге қала әкімінің орынбасары Әсет Баймұрзаев қатысып, спортшыларға сәттілік тіледі. Ол мұндай жарыстардың салауатты өмір салтын насихаттаудағы, жастарды спортқа баулудағы және қайсарлық пен табандылықты дәріптеудегі маңызын атап өтті.

«Биыл төртінші рет ұйымдастырылып отырған «Семей батыры» турнирі дәстүрлі спорттық бәсекеге айналды. Бүгін ортамызға Өскемен, Риддер қалаларынан, Жарма ауданынан және Семей қаласынан спортшылар жиналып отыр. Қазақ халқы қашан да білекті де жүректі азаматтарын құрметтеп, батырлық пен намысты биік қойған. Бүгінгі сайыс — сол қайсар рухтың спорт алаңындағы көрінісі. Мұнда тек қара күш қана емес, төзімділік, табандылық, өз-өзіңді жеңе білу және қарсыласқа деген құрмет сыналады», — деді Әсет Баймұрзаев.

Турнир қорытындысы бойынша:
🥇 І орын — Макарцов Вадим (Шығыс Қазақстан облысы);
🥈 ІІ орын — Азизов Нұрбол (Семей қаласы);
🥉 ІІІ орын — Кенжеханов Темирлан (Шығыс Қазақстан облысы).

«Семей батыры» турнирі өңірлер арасындағы спорттық байланысты нығайтып, күштік спортқа қызығушылықты арттыруға ықпал етті. Жігерлі азаматтардың басын қосқан жарыс жастарға қажырлы еңбек пен үздіксіз дайындықтың, табандылық пен өз күшіне сенудің үлгісін көрсетті.

📷inst | 🗳fb | 🌐gov.kz

#СемейҚаласыныңӘкімдігі