🎄Семей қаласында әлеуметтік шырша өтті

Семей қаласында Балалар мен жастардың шығармашылық сарайында балаларға арналған әлеуметтік жаңа жылдық шырша мерекесі ұйымдастырылды.

Мерекелік шараға ата-анасының қамқорлығынсыз қалған жетім балалар, аз қамтылған және көпбалалы отбасылардың балалары, ерекше білім беру қажеттіліктері бар балалар, сондай-ақ оқу, спорт, өнер және қоғамдық өмірде белсенділік танытып, түрлі жетістіктерге жеткен дарынды балалар қатысты.

Алдымен шығармашылық сарай қызметкерлері мен балалар ұжымдары дайындаған театрландырылған қойылым ұсынылды. Одан кейін балалар Аяз Ата мен Ақшақармен бірге ән айтып, би билеп, мерекелік көңіл күйге бөленді.

🎁Іс-шара соңында қала әкімінің атынан барлық балаға жаңа жылдық сыйлықтар табысталды.

📷inst | 🗳fb | 🌐gov.kz

#СемейҚаласыныңӘкімдігі

🎄В городе Семей прошла социальная новогодняя елка

В городе Семей во Дворце творчества детей и молодежи была организована социальная новогодняя елка для детей.

В праздничном мероприятии приняли участие дети-сироты, оставшиеся без попечения родителей, дети из малообеспеченных и многодетных семей, дети с особыми образовательными потребностями, а также одаренные дети, добившиеся успехов в учебе, спорте, искусстве и активно проявляющие себя в общественной жизни.

Сначала зрителям была представлена театрализованная постановка, подготовленная сотрудниками Дворца творчества и детскими творческими коллективами. Затем дети вместе с Дедом Морозом и Снегурочкой пели песни, танцевали и наслаждались праздничной атмосферой.

🎁В завершение мероприятия от имени акима города всем детям были вручены новогодние подарки.

📷inst | 🗳fb | 🌐gov.kz

#АкиматГородаСемей

🏛 Семейде заманауи Оқушылар сарайы ашылды

Жаңа нысанның ашылу салтанатына облыс әкімі Берік Уәли, Оқу-ағарту министрінің орынбасары Шынар Ақпарова, ВІ Group компаниясының негізін қалаушы Бауыржан Исабаев, Ы.Алтынсарин атындағы Ұлттық білім академиясының президенті Ғалия Дәулетова қатысты.

💬Ғимараттың ашылу рәсімінде сөз сөйлеген аймақ басшысы жаңа нысанның өңірдің білім беру инфрақұрылымын жаңа деңгейге көтеретін маңызды жоба екенін атап өтті.

«Мемлекет басшысы Қасым-Жомарт Кемелұлы Тоқаев «Білім келешегі: адал азамат, кәсіби маман» тақырыбындағы биылғы тамыз конференциясының пленарлық отырысында сөйлеген сөзінде «Қазір – білім мен ғылымның заманы. Жаһандану дәуірінде озық білімді игерген, жаңа технологияны меңгерген елдің ұпайы түгел болады. Бүгін саналы ұрпақ тәрбиелей алсақ, ертең заман көшінің басында жүреміз. Сондықтан осы саланы қолдау мемлекеттік саясаттың негізгі басымдығы болып қала береді» деп айрықша атап өткен болатын. Бұл нысан спорттық-сауықтыру, көркем-эстетикалық, ғылыми-техникалық, гуманитарлық бағыттары бойынша балалар мен жасөспірімдерге үлкен мүмкіндіктері бар даму бағдарын беретін бірегей орталық болары сөзсіз. Оқушылар сарайы өңіріміздегі қосымша білім беру ұйымдары үшін әдістемелік орталыққа айналып, педагогтер мен оқушыларға арналған түрлі іс-шаралар өткізілетін болады. Мемлекет басшысы Қасым-Жомарт Кемелұлы Тоқаевтың арнайы тапсырмасымен құрылысы басталған жаңа Оқушылар сарайы Абай облысы құрылғаннан бергі салынып біткен тұңғыш әлеуметтік нысан болып отыр. 2023 жылы басталған бұл жоба Премьер-Министрдің 2024-2026 жылдарға арналған жол картасына енгізілген. Алайда қаржылық қиындықтарға байланысты құрылыс тоқтап қалған болатын. Биыл Үкіметтің қолдауымен 7,6 миллиард теңге қаражатты бөлдіріп, құрылысы қайта жанданды. Бүгін міне еліміздегі 10-ыншы Оқушылар сарайының ашылуына жиналып отырмыз. Оқушылар сарайының орналасқан жеріне байланысты, балалардың қауіпсіздігі мен ыңғайлы кіріп-шығуы үшін арнайы жаяу жүргіншілер көпірін салуды жоспарлап отырмыз. Қазір аталған көпірдің жобалық-сметалық құжаттары әзірлену үстінде.
Семей қаласында қазір қызмет атқарып тұрған Жастар сарайы 1991 жылы ашылған, одан кейін мұндай қосымша білім беру нысаны ашылмаған. Оқушылар сарайы – балалардың шығармашылығын, зияткерлік әлеуетін, көшбасшылық қасиеттерін дамытатын, білімді өмір салтына айналдыратын маңызды кеңістік. Осы игі іске үлес қосқан барлық әріптестерге, серіктестерге алғыс айтамын. Жаңа білім ордасы балаларымыздың арманына жол ашып, еліміздің болашағына қызмет етсін!», – деді облыс әкімі.

Салтанатты шарада сөз алған Оқу-ағарту министрінің орынбасары Шынар Ақпарова жаңа нысанның өңір оқушыларына берері мол екенін айтты.

📊Құрылысы 2023 жылы басталған нысанның жалпы ауданы – 9 800 шаршы метр. Оқушылар сарайы 500 балаға шақталған, ауысыммен 1500 оқушыға дейін қабылдай алады.

🔗Мұнда екі бассейн, хореография, шығыс жекпе-жегі, фитнес, үстел теннисі залдары, үстел ойындары, вокал және аспаптық музыка, дыбыс жазу, мүсін және ART студиялары, хореография, актерлік шеберлік, сәулет өнері, сондай-ақ VR технологияларын қолданатын ойындық-имитациялық оқыту кабинеттері жұмыс істейді. Ғылыми-техникалық бағыт аясында авиамодельдеу, жаңартылатын энергия көздері, аквапоника және гидропоника, нейрозертхана және нейроробототехника, 3D-басып шығару және модельдеу (M-TECH), бағдарламалау, видеография және кино, жаратылыстану ғылымдары бойынша зертханалар, сондай-ақ астрономиялық обсерватория қарастырылған.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ