✅Облыс әкімі тұрғындарды өзекті мәселелері бойынша қабылдады

Бүгін облыс әкімі Берік Уәли Семей қаласы тұрғындарын өзекті мәселелері бойынша қабылдады. Қабылдауға Семей қаласының әкімі Әділет Қожанбаев, басқарма басшылары, «Отбасы банк» АҚ Абай облысы филиалының және «Семей» әлеуметтік-кәсіпкерлік корпорациясының өкілдері қатысты.

🕯Қабылдау барысында көп балалы аналар тарапынан баспана мәселесіне қатысты сауалдар қойылды. «Отбасы банкіндегі» тұрғын үй кезегін жылжытуға, көп балалы аналарға бөлінетін тұрғын үй санын көбейтуге қатысты ұсыныстар айтылды. Қоғамдық көлік, жолдардың сапасына байланысты да сұрақтар болды.

⌛Ашық форматта, үш сағатқа созылған кездесуде аймақ басшысы 50-ге жуық тұрғынның сауалына жауап берді. Көп балалы отбасыларға мемлекет тарапынан заң аясында тиісті көмек көрсетіліп жатқанын атап өтіп, бұл бағыттағы жұмыстар алдағы уақытта да жалғасатынын жеткізді.

«Мен өздеріңізбен бұған дейін де бірнеше рет кездестім. Осындай кең құрамда да, жеке азаматтарды қабылдау барысында да талай рет жүздестік. Сонымен қатар, менің орынбасарларым да тұрақты түрде қабылдаулар өткізіп, әрбір өтінішті жеке қарап, тиісті бағыт-бағдар беріп келеді. Әлеуметтік көмек, тұрғын үй, жұмыспен қамту, бала тәрбиесіне қатысты мәселелердің барлығы назардан тыс қалмайды. «Отбасы банкінің» жүйесіне байланысты арыз-шағымдардың бар екенін жақсы білеміз. Бұл мәселе біз үшін де өзекті. Қазіргі таңда банкпен, жауапты мекемелермен бірлесіп, туындап отырған түйткілдерді реттеу жолдарын қарастырып жатырмыз. Әрбір нақты жағдай жеке талданады, бұл бағытта жұмыс жалғаса береді», – деді облыс әкімі.

📇Қабылдауда «Отбасы банк» АҚ Абай облысы филиалы мен «Семей» әлеуметтік-кәсіпкерлік корпорациясының өкілдері тұрғындарға баспананың қалай берілетінін заңдық тұрғыда түсіндіріп, мемлекеттік бағдарламалар мен жеңілдіктер туралы толық ақпарат берді.

➡️Аймақ басшысы кездесуде облыста ауылға көшкісі келетін азаматтарға арнайы, кешенді бағдарлама әзірленіп жатқанын, оның аясында бизнес жүргізуге, мал алуға «Ауыл аманаты» бағдарламасымен 2 жарым пайызбен несие берілетінін атап өтті.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ

✅Аким области провел прием граждан по актуальным вопросам

Сегодня аким области Берик Уали провел прием жителей города Семей по актуальным вопросам. В нем приняли участие аким города Семей Адлет Кожанбаев, руководители профильных управлений, представители филиала АО «Отбасы банк» по области Абай и СПК «Семей».

➡️В ходе приема многодетные матери подняли вопросы, связанные с обеспечением жильем. Были озвучены предложения по продвижению очереди на жилье в «Отбасы банк» и увеличению количества жилья, выделяемого для многодетных семей. Также прозвучали обращения по вопросам общественного транспорта и качества дорог.

🔄Во время открытой встречи, продолжавшейся три часа, глава региона ответил примерно на 50 обращений жителей. Он отметил, что в рамках действующего законодательства государством оказывается необходимая поддержка многодетным семьям, и работа в этом направлении будет продолжена.

«Мы уже не раз встречались с вами – как в расширенном формате, так и в рамках личных приемов граждан. Мои заместители также на постоянной основе проводят приемы, рассматривая каждое обращение индивидуально и давая соответствующие разъяснения. Вопросы социальной поддержки, жилья, занятости и воспитания детей не остаются без внимания. Нам хорошо известно о наличии жалоб, связанных с системой «Отбасы банк». Эта тема актуальна и для нас. В настоящее время совместно с банком и ответственными органами мы прорабатываем пути решения существующих проблем. Каждый конкретный случай будет рассматриваться отдельно, работа в этом направлении будет продолжаться», – подчеркнул аким области.

💬В ходе приема представители филиала АО «Отбасы банк» по области Абай и СПК «Семей» разъяснили жителям правовые механизмы предоставления жилья, а также подробно рассказали о государственных программах и предусмотренных льготах.

📊Кроме того, глава региона сообщил, что в области разрабатывается специальная комплексная программа для граждан, желающих переехать в сельскую местность. В ее рамках предусмотрена возможность получения кредитов под 2,5% по программе «Ауыл аманаты» для ведения бизнеса и приобретения скота.

ПРЕСС-СЛУЖБА АКИМА ОБЛАСТИ АБАЙ

🕯Облыс әкімі Семейдегі нефрологиялық орталыққа барды

Бүгін облыс әкімі Берік Уәли Семей қаласындағы «BB Nura» нефрологиялық орталығына барып, медициналық мекеменің қызметімен танысты.

📈Аталған орталық облыс тұрғындарына нефрологиялық көмектің толық циклін көрсетеді. Мұнда тәулік бойы жұмыс істейтін 24 төсектік стационар, 40 орындық амбулаториялық диализ бөлімі, сондай-ақ, ересектер мен балаларға арналған консультациялық-диагностикалық қызметтер қарастырылған. Орталық созылмалы бүйрек ауруына шалдыққан пациенттерге тәулік бойы және күндізгі стационар жағдайында кешенді медициналық көмек көрсетеді.

📊Қарағайлы ықшам ауданында орналасқан нысан жеке инвестордың қаражатына салынып, былтыр қазан айында жұмысын бастады. Мұнда құйылған инвестиция көлемі 1,5 млрд теңгені құрайды. Нефрологиялық орталықта 40 тұрақты жұмыс орны ашылған.

«Бұл орталық бүйрек ауруына шалдыққан науқастарға өте ыңғайлы. Олар осында нефрологтың консультациясын алып, қажет болған жағдайда тәуліктік стационарға жатып, ем қабылдайды. Қазіргі уақытта Абай облысында 137 адам бүйрек алмастыру емін алып жатыр. Оның ішінде 100 адам Семейде емделуде. Біз осы аурудың алдын-алу үшін бар күш-жігерімізді жұмсап, жұмыс істейміз», – дейді нефрологиялық орталықтың өңірлік директоры Индира Әзімбаева.

📍Орталықтың Аягөз және Үржар аудандарында бөлімшелері жұмыс істейді. Жақын арада Бородулиха ауданында тағы бір филиалы ашылмақ.

Аймақ басшысы орталықты аралап, дәрігерлермен пікірлесті. Жаңадан салынған медициналық мекеменің өңір тұрғындары үшін маңызы зор екенін атап өтті.

«Облымызда медициналық нысандардың саны көбейіп келеді. «Ауылдық денсаулық сақтауды жаңғырту» ұлттық жобасы аясында өңірде 60-тан астам алғашқы медициналық-санитарлық көмек нысаны салынды. Солардың қатарын қаласындағы «BB Nura» нефрологиялық орталығы толықтырып отыр. Медициналық мекеме заманауи талаптарға сай салынған. Орталықта соңғы үлгідегі диагностикалық және емдеу құралдары қолданылады, бұл тұрғындарға сапалы және тиімді қызмет көрсетуге мүмкіндік береді. Осындай орталықтардың іске қосылуы өңірдегі денсаулық сақтау жүйесін нығайтып, адамдардың өмір сапасын жақсартуға септігін тигізеді. Бұл бағыттағы жұмыс алдағы уақытта да жалғасын табады», – деді облыс әкімі.

➡️Облыста денсаулық сақтау саласының инфрақұрылымын нығайту бағытында жүйелі жұмыс жүргізіліп келеді. Арнайы мемлекеттік қордан бөлінген қаражат есебінен Семей қаласында 100 орындық психоневрологиялық медициналық-әлеуметтік мекеме құрылысы аяқталды. Үржар ауданында тері коронарлық араласу орталығына қосымша ғимарат және Аягөз ауданында магнитті-резонанстық томографқа арналған ғимараттың құрылысы жүргізілуде. Былтыр ана мен бала денсаулығын қолдау мақсатында «Салауатты ана» пансионаты ашылды. Мемлекет басшысының тапсырмасына сәйкес Семейде 300 орындық облыстық көпсалалы клиникалық аурухана салуға жобалық-сметалық құжаттама әзірленіп жатыр.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ