Бүгін Астанада Талдау мектебінің бесінші легінің алғашқы дәрістері өтті. Биыл жобаға 1000-нан астам өтінім түсіп, конкурстық іріктеуден 71 қатысушы өтті — бір орынға 14 үміткерден келді.

🙂Алғашқы дәрісті Сенат Төрағасы Мәулен Әшімбаев оқып, цифрлық технологиялар дәуіріндегі аналитиканың рөлі мен мемлекеттік басқарудағы маңызына тоқталды. Оның айтуынша, Президент Қасым-Жомарт Тоқаев аналитикалық ойлауы жоғары, заманауи тәсілдерді меңгерген жаңа буын мамандарды даярлаудың маңызын үнемі атап келеді.

Биылғы оқу бағдарламасы SMART GOVERNANCE тақырыбына арналған. Қатысушылар деректер, аналитика және жасанды интеллектке негізделген 7 бағыт бойынша командалық жобалар әзірлейді.

Оқыту 8 аптаға жалғасады. Қорытындысында дайындалған аналитикалық ұсынымдар Парламент депутаттары мен мемлекеттік органдарға жолданады.

🚀@senate_kz

🙂Бүгін Сенат Спикері Мәулен Әшімбаевтың төрағалығымен Палата Бюросының отырысы өтті. 22 қаңтардағы Сенат отырысының күн тәртібі бекітілді.

Депутаттар Қазақстан мен Франция арасындағы реадмиссия туралы, сондай-ақ Моңғолиямен зейнетақы саласындағы ынтымақтастық жөніндегі келісімдерді ратификациялау мәселелерін қарамақ.

Сонымен қатар Мәжіліс қабылдаған заңдар комитеттерге бөлініп, Мемлекет басшысының тапсырмалары аясындағы алдағы жұмыстар пысықталды.

Толығырақ

🚀@senate_kz

♟️Шахматтан Сенат кубогы - 2026 турнирінің 1/8 финалдық кезеңі аясында бекітілген кестеге сәйкес еліміздің облыстарында өңірлік жарыстар жалғасып жатыр. Турнир жаңартылған форматта іске асырылуда және қатысушылардың бірнеше санатын қамтиды, бұл жарыстарға түрлі кәсіби және қоғамдық топтардың өкілдерін кезең-кезеңімен тартуға мүмкіндік береді.

Толығырақ

🚀@senate_kz